【新商場否認接收】 圍方保安叫外賣員「躝啦」 網民起底至外判商母公司

圍方保安叫鐵騎士外賣員「躝啦」影片，涉事兩名保安已暫停職務，但有較早前仍有網民對港鐵外判的保安公司進行起底。據財經KOL馬索諾表示：「圍方保安叫電單車外賣員「躝走」嘅事件成為熱話，除咗港鐵（0066）有份之外，亦有網民搵到圍方保安係外判咗比城市護衛。」「城市護衛嘅母公司叫城市服務，城市服務嘅阿媽就係另一間上市公司亞洲聯合基建（0711）」更表示亞洲聯合基建嘅其中一個企業核心價值叫做尊重。「我們互相尊重，平等對待每個人」。亦有另一個核心價值是創新：「我們善用智慧解決問題」馬索諾又最後一句總結該事件：「今次就用咗創新方式去解決個客，但就缺乏咗智慧。」港鐵於事件發生後回覆傳媒，已經完成調查，暫停2名相關職員在該商場的所有職務，同時亦已提醒前線員工遵從工作守則，並加強相關培訓。有關影片近日於網上瘋傳，事件起因於1名鐵騎士駛入港鐵旗下的大圍商場「圍方」停車場時，因前方行車路有1位工作人員正慢行，鐵騎士為免發生意外，靠近時即響號示意，工作人員不甘被砵，怒罵「砵邊個？你泊出面！」，更怒問：「你係咪撞我？」而引起另一個保安員到場了解事件，當聽到事主表示「咬X住我唔肯放」，該名保安立即開始表現激動「同我躝啦，喺度做咩？搞事？」鐵騎士質問對方「躝乜嘢？」保安員更解釋「躝即係爬…唔識躝咪爬」。