暖心機師繞圈帶乘客睇極光 竟被投訴不專業

一名暖心美國機師在X上分享，最近歐美部分地區罕有看到極光，因此在起飛前特別向乘客通報在進入黑夜時，航班有可能遇到極光，在飛行過往中更提早15分鐘提醒，機艙服務員及乘客將燈光調暗。

不過這位機師不忍只有坐在左邊的乘客有幸欣賞極光，便決定將飛機掉頭，再圍繞了一圈，並在高空停低90秒，讓坐在右邊的乘客都同樣齊齊欣賞極光。不過這個暖心舉動就被一名女乘客投訴，指這是她所遇過最不專業的事。

機師明白事事不一定盡如人意，但相信機上其他乘客都感到非常高興。機師而指，航班本身已經延誤了一小時，而他繞圈亦只是增加了5分鐘飛行時間，但機會並不是時常出現。

網民：機師值得表揚

雖然機師被乘客投訴，不過大多網民都讚揚機師的行為：「千載難逢既機會， 難得機師咁貼心，值得表揚」、「機師Well done」、「日本航班都經常繞富士山俾乘客睇」、「以前係Nepal坐內陸機 機師都會特登兜圈俾兩邊乘客睇山」、「個投訴基本一定成立，不過結果只會係又一個熱心工作嘅人心淡，從此按章工作。」、「有啲人就係咁，不知情理應兼備」、「試問一生人可以看多少次極光，有些人千里迢迢去冰島看極光，每次都看得到嗎？」、「感謝機師為乘客提供了一生難得的機會，讓他們能夠看到大多數人永遠沒有機會看到的東西。」

不過亦有網民不同意，認為機師行為的確不專業：「半個地球都睇到有幾千載難逢？客機本來就飛點對點，你可以浪費你自己時間但唔應該阻礙那怕只是一個客人！」、「咁真係唔專業喎，早啲降落目的地唔好？萬一繞圈時出意外，係咪搵嚟搞？況且美國嗰邊都睇到極光的話明顯就係人為，地磁改動可以害人無數，死前景色有咩好睇？」