打工仔申請用筆 200字報告

打工仔第一次做大公司 申請用支筆要先寫200字報告 網民幫諗創意潮文秒殺HR

職場
會員內容

廣告

雖然現時是電子化世代,但打工仔在辦公室有時難免都需要用到紙筆做緊急紀錄,一般而言公司都會提供基本文具讓同事使用,然而,有網民竟表示自己任職大公司,申請使用一支筆都要先寫200字報告!

日本最新入境詳情

要寫夠200字交予人事部審批

日前,有網民向Facebook專頁「奴工處」投稿,指自己「第一次做大公司」,申請文具要寫報告解釋為何需要那支筆,還要寫夠200字交予人事部審批,該網民慨嘆不如自己買筆更方便。

打工仔申請用筆 200字報告
(圖片來源:[email protected]奴工處)

網民:買舊擦膠都要做pre approval

貼文一出即引來其他網民熱烈討論,不少網民分享自己亦曾遇過類似經歷:

  • 「我前公司,問攞鉛芯,個admin 夠膽死喺鉛芯盒攞一支比我。叫我用完再問佢,攞住行返埋位嗰下幾鬼驚跌咗,又驚斷喎」
  • 「公司買舊擦膠都要做pre approval」

網民:你申請果支應該係Apple Pencil

有人覺得此類要求匪夷所思,甚至打趣地問樓主申請的是否Apple Pencil,亦有人叫樓主試下自己買完再用收據向公司報銷:

  • 「即係支筆就用完,我就要開始留墨寫個200字」
  • 「無筆點寫200字呢⋯⋯咁既然有筆寫200字點解仲要申請」
  • 「申請要支筆嚟寫報告解釋點解要申請要支筆」
  • 「你申請果支應該係Apple Pencil?」
  • 「咁你試吓落文具舖買支筆再claim 錢睇吓會唔會易D。」
打工仔申請用筆 200字報告
(圖片來源:[email protected]奴工處)

網民:最緊要用返工時間寫

有憤怒的網民就表示:

  • 「最緊要用返工時間嚟做呢啲野」
  • 「每支筆一半墨用嚟填form,睇吓邊個傷啲」

網民逾200字潮文解釋

亦有網民「認真」地幫樓主創作要申請用筆的理由,甚至真的寫了超過200字的「長文」:

「問題的關鍵看似不明確,但想必在諸位心中已有了明確的答案。既然如此,卡耐基說過,一個不注意小事情的人,永遠不會成功大事業。這似乎解答了我的疑惑。由於,看看別人,再想想自己,會發現問題的核心其實就在你身旁。我們都有個共識,若問題很困難,那就勢必不好解決。我們要學會站在別人的角度思考。深入的探討點解要果支筆,是釐清一切的關鍵。做好點解要果支筆這件事,可以說已經成為了全民運動。點解要果支筆可以說是有著成為常識的趨勢。點解要果支筆,到底應該如何實現。本人也是經過了深思熟慮,在每個日日夜夜思考這個問題。」

「可以轉,轉筆可以放鬆腦部,可以篤,篤住睇文件無咁易睇錯,有筆頭套可以當夾夾, 夾係報告上面俾上司簽署時唔會無筆用,可以製造聲響,『得得得得得』可以影響其他同事, 增加自己存在感,可以掉, 隔離同事『得得得得得』嘈住曬可以成支筆車過去表示自己不滿,可以彈,加條橡筋可以射出去,對比較遠又『得得得得得』嘈住曬既同事使用,可以砌層層疊,砌得夠高如果有同事整跌可以叫佢請食下午茶,可以砌飛機,兒時回憶,砌一隊可以同隔離同事對戰,放輕鬆,可以寫野…. 呢度有209字,夠唔夠用?」

延伸閱讀:職場新人返工餐餐帶飯 老闆怪責離群被「情緒勒索」:自己一個食有咩問題?

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

圖片來源:[email protected], [email protected]奴工處