散水飯無得Claim公數 每位夾$150 打工仔嫌同事揀得貴兼埋怨公司乞兒

散水飯無得Claim公數 每位夾$150 打工仔嫌同事揀得貴兼埋怨公司乞兒

當有新同事入職或舊同事離職,相信不少公司都有食welcome lunch或farewell lunch的儀式,埋單是一眾同事夾錢還是department head自己請就視乎公司文化而定。然而,日前竟然有網民在討論區發文,砲轟公司welcome lunch或farewell lunch要同事夾錢無得開公數的做法「乞兒」,引來網民一面倒嘲笑樓主。

撰文:經一編輯部| 圖片:Unsplash、香港討論區

樓主:次次都係同事自己夾錢

日前,有網民以「CLS 公司,由 WELCOME LUNCH 去到 FAREWELL LUNCH 都要同事自己夾,又唔比 CLAIM……係唔係要咁孤寒?」為題,在香港討論區發文,指自己「之前做嗰幾間公司,有新同事入嚟或者舊同事走,無論食幾貴都好,都係阿公數」,但現在這間公司「唔知係就執定係真係咁乞兒」,每次都是同事自己夾錢,而同事每次都「揀到鬼死咁貴」,最平都要每人150元,深感不知到是否前世做了壞事,才會到這間公司打工。

散水飯無得Claim公數 嫌同事揀得貴 打工仔砲轟公司:唔知係就執定係真係咁乞兒
(圖片來源:香港討論區)

網民:關阿公乜事?

帖文一出,網民回應幾乎是一面倒質疑樓主見識少,好奇有什麼公司可以食飯開公數,並嘲笑樓主計較,甚至有人建議樓主自己又試下辭職賺一餐飯:

  • 「我從來冇聽過可以開公數。」
  • 「你地同事之間的事,關阿公乜事?」
  • 「反而想知邊幾間公司farewell同welcome無論食幾貴都好都可以開公數?」
  • 「你都話 “一來一個同事入同去都只係得一次” 啦,有幾多次姐,你又咁計較?」
  • 「你都可以考慮一下,唔撈,食佢一餐,跟住跳草裙舞返來,又食多餐,慳番好多飯錢。」
  • 「公司合約寫明要包伙食?請你是人情,不要當所有事情都是奉旨。」

「我仲以為樓主係指welcome lunch要個新同事夾埋一份,或farewell lunch要個離職同事夾埋一份,咁就過份,如果只係其他同事夾錢請個新同事/離職同事,唔覺有乜問題。」

散水飯無得Claim公數 嫌同事揀得貴 打工仔砲轟公司:唔知係就執定係真係咁乞兒
(圖片來源:Unsplash)

網民:一般係dept head請

此外,亦有網民跟著好老細,指通常做法都是同事夾錢或由部門主管負責,但都是清一色認為不能Claim公數:

  • 「做個7、8間公司,welcome lunch都係dept head 俾,佢有冇得claim就唔知, farewell lunch 就一定係同事夾份請走果個,如果 dept head 都有份去,就多數佢俾。」
  • 「我公司,welcome lunch一般係dept head請,但佢都唔係開公數。Farewell lunch就各同事夾,包括dept head。」
  • 「welcome 同 farewell 如果有老細在場,就有機會係老細俾,但未試過 claim 錢喎」
  • 「細公司就可能老闆自己出,再用盡方法入返公司既開支。大公司就多數係Teamlead自己食左條數,呢D野根本Claim唔到公數。」