輕鬆10句 學英文順便學埋法文

如果突然有人問你識唔識法文,喺香港可能真係十個有九個都答你唔識。不過,其實可能你唔覺唔覺都識少少!原來英文入面,有29%係法文嚟!今集阿滴妹就同大家介紹一系列法文嚟嘅英文字,好多都係平日會用到,睇完都覺得自己識少少法文。

1. Bon Voyage 一路順風

呢個字大家應該有聽過,法文直譯係「好嘅旅程」,英文嘅意思就係「一路順風」。去旅行嘅時候可能會聽得多啲,學咗之後你都可以同人講下啦!

2. RSVP 請回覆是否出席

有時喺啲信或者邀請咭都會見到呢幾個字,佢係「Répondez s’il vous plaît」法文嘅縮寫。RSVP英文直譯就係「Reply if you please」,意思係「請回覆是否出席」。

3. Grand Prix 最終大獎

Grand Prix會喺一啲大型賽車比賽見到,例如 F1,而佢嘅意思就係「最終大獎」。

4. Encore

睇演唱會一定會大叫Encore,想台上的歌星唱多幾首,所以唔洗解釋你都明啦!

5. Touché 講得好(同意你的論點)

如果你同人爭論緊一啲問題,突然之間人地爆咗個幾唔錯嘅論點你就可以話Touché,表達你覺得佢講得唔錯同埋同意佢嘅講法。

6. Fiancé / Fiancée 未婚夫/未婚妻

呢兩個字嘅意思係未婚夫/未婚妻,如果正式英文嚟講可以用husband-to-be/ wife-to-be。

7. Cliché 陳腔濫調

Cliché應該都會成日聽到,意思「陳腔濫調、舊橋」。例如有點劇情好老套冇咩新意,你就可以用Cliché嚟形容套劇啦!

8. Genre 藝術範疇的類別(如小說,音樂,畫作)

Genre意思係「類型/類別」,不過同category 嘅類別有啲唔同,只係指藝術範疇嘅類別,例如小說、音樂、畫作等。

9. Chic 很型、很潮

Chic係形容一個人好有品味或者好潮,如果你身邊嘅朋友都係潮人,不妨可以用呢個字讚下佢喎!

10. Souvenir 紀念品

唔講唔知,原來 Souvenir 都係法文嚟!

「要喜歡英文,才能學好英文。」阿滴與滴妹對教育充滿熱忱,將興趣結合專長,實踐對教育與創作的理念,兩人極佳的默契透過新媒體創作打造教學新模式,成功地讓聽眾對英文學習產生興趣與動力。目前他們的頻道累積了超過25萬訂閱者,成為了台灣最大的英文教學YouTube頻道。