分享至
    開工第一日食Welcome Lunch 上司要求AA制每人500蚊 網民:點解要下屬出錢?

    開工第一日食Welcome Lunch 上司要求AA制每人500蚊 網民:點解要下屬出錢?

    每當有新同事返工,同事少不免會一齊食lunch。日前,有網民於討論區發文分享轉新工第一日的經歷,指上司邀請自己以及其他同事食Welcome Lunch,本以為上司會請食飯,結果要AA畀錢,埋單人人500蚊。帖文一出,引起網民兩極的討論,有人認為上司請食飯是理所當然,但有人卻指上司「唔係老奉要請食飯」。

    撰文:經一編輯部|圖片:香港討論區、Unsplash

    樓主:Welcome Lunch居然要AA制

    日前,有網民於香港討論區以「人生第一次食Welcome Lunch係要AA制」為題發文,指自己第一日轉新工,上司邀請自己與其他同事一齊食Welcome Lunch,本以為上司會請食飯,結果卻要AA制。樓主認為Welcome Lunch顧名思義是Welcome自己,理應上司畀錢。就算無錢,食車仔麵亦可,不明白為何要下屬出錢。

    開工第一日食Welcome Lunch 上司要求AA制每人500蚊 網民:點解要下屬出錢?
    圖片:香港討論區

    網民:講明Welcome Lunch 有被請嘅期待好正常

    帖文一出,引起網民兩極意見。部分人認同樓主的觀點,直言若上司講明是Welcome Lunch,有被請食飯的期望很正常。又有人坦言,樓主上司「太Cheap」,勸他應該早日辭職走。

    • 「太cheap啦佢。」
    • 「如果有講明Welcome Lunch應該唔使自己畀。」
    • 「如果佢叫得Welcome Lunch就應該佢請,就咁話lunch又唔同。」
    • 「Welcome lunch嘅話,一般都係上司出錢或claim 公司錢…如果係AA嘅話,咁就唔好講到話係Welcome Lunch…」
    • 「自己畀錢食就唔會食咁貴嘢,是但食都ok!」
    • 「成team人根本唔重視你,辭職啦仲做!」

    「如果講明係Welcome Lunch,新同事有被請的期望我覺得好正常。正如人家話同你慶祝生日,你唔會諗要夾錢一樣。至於公數,上司請,所有出席者除新人外一齊夾就題外話。」

    「咁計較的老闆,不是請新人吃飯,仲要話Welcome Lunch ,他都開到聲問你是不是沒有散錢,你都明白他是什麼人啦。」

    開工第一日食Welcome Lunch 上司要求AA制每人500蚊 網民:點解要下屬出錢?
    部分人認同樓主的觀點,直言若上司講明是Welcome Lunch,有被請食飯的期望很正常。(圖片:Unsplash)

    網民:上司請食飯非「老奉」 AA制好正常

    雖然有網民力撐樓主,有人卻持相反意見,直言公司新人隨時會辭職走,分分鐘「聽日就last day 變返陌生人」,因此開工第一日AA制食飯十分合理,而上司邀請同事食Welcome Lunch只是為樓主提供熟悉其他同事的機會而已。

    • 「老奉請㗎?!同你一齊食飯等你熟識下啲人,方便工作。呢啲歡迎會從來無講過唔使畀錢。」
    • 「AA制好正常!只有樓主唔正常,你憑咩覺得應該人哋請你?就當人哋話要請你,你好意思?」
    • 「你個上司又唔係真正老闆,AA係好正常。我覺得係你自己諗多咗!」
    • 「新人就要請?都唔知你捱唔捱到三個月!」
    • 「Welcome Lunch通常唔請,做得耐和平咁走,farewell嗰餐先會請。」
    • 「又唔係欠你,點解上司老奉要請你食飯?仲有,又唔係無錢食飯,點解要人請?」
    • 「Welcome Lunch只係讓同事認識你。同事們邊會理你,不如估你明天是否返工好過,請一個未熟嘅人。」
    • 「如果間公司好多人流動,入職請,散水又請,其實都係一個開支,上司人工未必真係多好多,又唔知你做幾耐,如過下個月就走,都係一個開支,到你做佢位置就明。」

    「除非有得出公數,否則唔應該期望任何同事要自己出錢使喺另一同事/上司/下屬身上,更何況係未過試用期,隨時聽日就last day變返陌生人嘅新人。」

    「上司畀錢是人情,唔畀是道理。為什麼要上司畀錢?你付出過什麼畀上司?一齊食午餐只是想增進了解,快些融合這組織。」

    「梗係AA啦!而家你就話你team得3個人,如果你個team有十個八個人,或者過二日又有新人返工,你做上司會唔會請先?仲有,點知你會唔會只做一日,第二日就失蹤。Welcome Lunch只係一個名稱,唔係免費午餐。」

    開工第一日食Welcome Lunch 上司要求AA制每人500蚊 網民:點解要下屬出錢?
    有網民指,「Welcome Lunch只係一個名稱,唔係免費午餐」。(圖片:Unsplash)

    新嚟新豬肉 樓主先應該請食飯?

    又有網民坦言,「新嚟新豬肉」,樓主才是應該主動請食飯的人,與同事、上司打好關係。

    「記得,當年返第一份工,阿媽畀咗500我,同我講,中午請大家食飯,叫大家睇住你。到食午飯時,我問組長,我想請大家食飯?組長話,你畀心機學嘢,快啲上手,飲食唔使擔心。跟手就請大家食。之後,轉過多次工,第一次午飯,我一律話請,肯畀我請唔多。但肯畀我請,就實睇實我。而家時代唔同……」

    • 「如果你轉過角度諗,第一日返工應該係你請上司和同事吃,表示你好重視佢哋。咁將來你就有運行。」
    • 「常識明明係做細要獻殷勤先,大嘅先會照你喎!初初入監都要派煙先啦,你係咪咁蠢呀!」
    • 「你真係唔識做人,應該你請返上司食,等佢關照多啲你。」
    • 「世界上沒有免費午餐係正確。」

    關鍵詞
    職場制勝