穩定幣 qa

8個穩定幣真相 Q&A|原來有穩定幣曾經一夜蒸發99% 一文睇點解香港搶住做

虛擬投資

廣告

Q1:穩定幣真係穩定?爆過煲未?

A:爆過。2022年加密貨幣市場大跌,TerraUSD(UST) 慘遭「大鱷」沽空,幣價一夜蒸發99%,其後與姊妹幣LUNA雙雙「清零」。另外2023年矽谷銀行爆煲(SVB),因發行USDC的Circle資產由於存於矽谷銀行,引發信心危機,USDC一度跌穿0.9美元。加密貨幣交易所如Coinbase, Binance, Robinhood更一度暫停USDC交易和存款。直至SVB銀行危機解決後,USDC交易及幣值始回復正常。

Q2:點解Tether冇審計、又咁多黑歷史,仲用得咁多人?

A:Tether(USDT)一直俾人質疑儲備唔清楚,但市值超過1500億美元,佔穩定幣75%市場份額,全球最大。真相可能係:大家知道佢有風險,但因為支持多條區塊鏈,有啲平台仲只係支援USDT,用佢最方便,成本又低,市場又多人用,「先入為主」信任度之下,令到唔少人接受咗佢。

Q3:點解各國政府咁緊張穩定幣?

A:穩定幣等於開咗條「無需銀行」的資金通道,跨境、無國界又匿名,政府最怕佢變成地下支付系統。美國叫佢「影子銀行」,香港都急急立法,唔係封殺,而係想接管發展節奏。

Q4:UST爆煲後,演算法穩定幣係咪已經死晒?

A:未死哂,目前又有新一代演算法穩定幣,例如USDe,由Ethena團隊開發,屬合成穩定幣,背後無需持有實物美元,而是通過中性對沖策略(delta-neutral strategy)的機制維持穩定性,現時在以太坊、Solana, Ton等多條區塊鏈上發行,是全球第四大穩定幣。

Q5:DAI唔係去中心化嘅救世主咩?

A:表面上係,因為DAI係由MakerDAO這個去中心化組織管理,決策由持由MKR代幣的社與共同決定。但DAI背後的抵押品為多種加密貨幣,當中亦有中心化資產如USDC,某程度削弱了去中心化的特性。

Q6:Visa、PayPal都用緊穩定幣?玩真㗎?

A:係真。Visa 有用USDC做部分支付及清算,最近仲宣布與Baanx及Bridge合作,推出支援USDC的金融卡。而PayPal 2023年仲出埋自家穩定幣PYUSD,以美國國債等資產作為儲備。其實Mastercard都有類似布局。佢哋唔係炒幣,而係試緊用穩定幣代替SWIFT,玩 Payment Infrastructure Level 嘅轉型,短期內與SWIFT並存,其後逐步擴大市場份額。

Q7:香港想做亞洲穩幣中心,唔怕風險?

A:其實金管局嘅態度係:「你想玩得專業,就要守規矩」。唔係放生,而係開個「沙盒」等人試驗。今次港元穩定幣HKDR被視為白老鼠,成績好就可以引更多合規幣落地。

Q8:穩定幣係唔係 DeFi 既定命脈?

A:係。無穩定幣,90% DeFi protocol 正常運作。但你都要知,DeFi爆煲好多時都係由穩定幣踩爆引發,雖然DeFi本身都可能存在智能合約漏洞,可以遭黑客攻擊或出現閃電放貸,但因為穩定幣係DeFi的基石,若然穩定幣失控,DeFi死得快。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。