港男獲家人揼本「天文數字」炒美股換財務自由 十年輸清光瞞住全家：我點樣可以重來？

港男炒美股輸光150萬 財務自由夢碎

事主表示，自己出身低層家庭，20多歲時家人給了他十多萬元，他形容當時已覺得是「天文數字」。初次踏入股市，他一頭栽進中芯國際（SMIC）這隻熱門股，聽信「追冇死」的說法，結果股價暴跌一半，他痛斬離場，首次嚐到投資失敗的苦果。

由於事主不甘心，於是向銀行借貸30萬元投資牛熊證，想「翻身追數」，結果再度全軍覆沒。

他停下腳步幾年，28歲時再儲到20多萬，轉戰美股，但命運未改，「每年人工抌落去，輸完又抌，年年keep住輸」。到今年，他清算過去多年投資成績，發現已輸掉150萬元，「係10幾年人工，真係一場惡夢。」

雖然現在他月入約4萬元，還清了債務，但望向未來，他坦言感到徬徨無助。

「計落去到55歲退休，都係儲得六百萬，好似人生完咗咁，莫講話結婚生仔買樓。」更令他焦慮的，是如果家人有突發狀況，「連錢幫手都冇，冇儲蓄，如果突然間俾人炒，真係連底氣都冇。」

回顧過去的夢想——創業、賺大錢、環遊世界，現在事主只能苦笑。「每日睇住身邊人生活得好幸福，周圍去旅行，有自己家庭，望返自己覺得好失敗。」他說，這10多年是人生最大的教訓。最終感嘆：「我點樣可以重來？」

網民點睇？

• 「冇咩好抱怨，人生就係咁。當時既我玩得仲癲過你，炒期，牛熊，仙股，加密貨幣，NFT乜都試過晒。」
• 「我曾經都一再沉迷高回報，想快速致富，但事實上係人無辦法賺到自己認知以外既錢。」
• 「師兄，年紀，情況同你差唔多，我曾經都輸過幾十萬，學識兩樣嘢，年紀開始大，唔好借錢，做槓桿，第二，留現金係手，嗰人定好多，共勉！」
• 「我買左層樓要供到55歲，月入三萬尾，每月供兩萬三，依家負資產緊，供完成世人無錢儲到，得層樓齡50年既爛樓。」
• 「其實輸百5萬咩感覺 ！」
• 「買美股都可以輸，難度實在高了一點。」
• 「個人認爲從來賭錢投資都好，都一定唔可以借錢去玩。」
• 「你首先一定要遠離槓桿，第二心態唔可以再諗住玩股票黎追數，第三你要腳踏實地係現實上返工搵多d錢。」

延伸閱讀：

延伸閱讀：