富人思維

富人思維|唔飲凍飲狂儲錢買股 40歲連登仔呻害自己一生 網民:究竟買咩會輸

投資

廣告

有人認為一個人有錢或窮多數是繼承自上一代甚至上幾代,亦有人認為有錢人與窮人之間的最大分別在於思考方法,多年前就有《富爸爸·窮爸爸》一書風靡全球,而近年本港連登討論區就經常出現「富人思維」一詞,不過不時都有人誤解了所謂富人思維的定義是靠炒賣賺錢。

最新日本紅葉預測

孤身一人 買美股又損手

日前,有網民以「學X完富人思維害咗自己一生」為題在連登討論區發文,指「富人思維又話咩X野富人延遲消費享樂,我就延遲消費去投資,XX媽,自始少見朋友唔去玩,唔飲凍飲,之後朋友吃喝玩樂都唔預我,佢地過咗一段美好青春時光,溝女,扑野,去旅行,食好西,全身光鮮新手機,我就咸菜咁X樣。」

樓主續指,「十幾年大家都老了,當然朋友吃喝玩樂唔會太有錢,結婚嘅結婚,生仔嘅生仔,個個成家立屋。」

「但個問題係我都唔見有錢,亦因為無打扮無社交無溝女無朋友,到而家孤身一人,最後買美股又損手,青春,做過了甚麼。」

樓主的結論是,「最後發現人生應該駛就要駛,要開心時就去開心,青春無左就無左,努力唔等於會有錢過人。」

儲錢買股 富人思維
(圖片來源:[email protected]

多人二三十萬又有咩用

貼文一出,原本有少量網民認同樓主,認為應該及時行樂,並指有沒有錢以及際遇是整定,「富人思維係俾富人跟。」

但有網民就質疑為何樓主沒有出去玩但都仍然無錢:「同朋友保持關係其實幾緊要,但點解唔去玩都無錢?」

樓主受到質疑後才補充重點:「因為炒美股輸少少,有錢都唔會多人地幾多,可能多人二三十萬又有咩用。」

樓主誤解了「富人思維」

樓主解釋完為何用了「富人思維」仍然無錢之後,網民意見傾向一面倒認為樓主誤解了「富人思維」的意思:

  • 「富人思維係用錢買時間,時間(大過)錢,後生借盡博盡,你學左d乜X野黎。」
  • 「因為人哋係累積資產,(之後)資產產生金錢,而你就誤會咗買賣資產就可以產生金錢。」
  • 「你連窮爸爸都唔係,只係一個傻XX嘅病態賭徒。」

對此,樓主反駁指:「你點知邊d資產最後會產生金錢,我都知要買會升嘅股票。」

有網民就教精樓主:

  • 「你一日抱持住要買股票升咗再賣出賺錢呢個心態,一日都係窮人。」
  • 「呢個咪富人同窮人嘅分別,佢哋就係知邊啲嘢將會值錢,然後又夠膽買。」

另外亦有網民質疑為何樓主10多年前已經開始儲錢買股票但仍然可以輸:

  • 「你話你呢十幾年慳錢去投資,2010納指2000點,而家跌極都12600,你買哂D咩股可以輸?。」
  • 「你唔係話買咗十幾年?騰訊十年前咩價呀?拆過股添喎,你究竟買咩會輸。」

延伸閱讀:太古城車位首度對外發售 街客200萬連掃13個電單車位 網民:嚟緊最少跌50%

延伸閱讀:無肉食?人造肉BEYONDMEAT COO發惡 因一件事咬陌生人鼻子

限時福利-3個月免費電子週刊訂閱

即到經一App享用

兌換步驟

1. 下載「經濟一週」App
2. 打開App內「週刊」專區
3. 按「立即訂閱」
4. 按「輸入優惠碼」
5. 輸入「EDNEW2022」並按兌換

完成!!

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:[email protected]