月供股票

月供股票點供法 想賺多啲可以點部署

投資

廣告

龔成老師解答不同讀者問題,包括月供股票、個別股份潛力、EFT投資價值、牛熊市點睇等問題,龔成一一為讀者解答。

撰文: 龔成

月供股票點供法 想賺多啲可以點部署

問 1:

襲成你好,請問月供股票用那種方法比較好?

每月用一定的金錢,如每月五千元

還是每月買入相同數量股數,如每月買入50股

多多指教

龔成老師答:

每月用相同資金,不斷供數隻股票,效果是最好的。

例如$10000供盈富,盈富的股價在第1、2、3個月假設為$25、$35、$30,你買入的股數是400、285、333,合共1018,投入資金$30000,平均價為$29.4。

雖然股價的平均數是$30,但你的買入價會比平均少。因為盈富低位時,你買入的股數會多,高位時會少,如同自己調節一樣。所以固定金額是較好的。(對照龔成信箱Q4220)

領展股票一問

問 2:

老師,我研究緊領展呢幾年既年報,當中有部份我上網研究完都唔算好明白,想請教一下。

1)我由2013年年報開始睇,其實領展一直有回購自己既基金單位,市面流通既基金單位不停減少會導致每個單位價值上升?點樣表現出來?

2)另外,我睇到自從2014年證監會改左reit守則指reit可用市值10%去進行房地產發展,2015年領展就嘗試做發展商係觀塘買地。

我睇到既情況係領展由上市開始一直釋放佢持有既物業價值,去到近年,除左繼續呢個行為。同時將比較無法增加價值既資產打包賣走,套現一舊錢。

3)佢得到左股東同意買左外地資產嘗試營運外地業務,又嘗試做發展商角色。其實佢算唔算到達一個瓶頸位?由高速增長開始變成平穩增長。同時拎住舊錢作轉營,咁算唔算企業本質開始有所變化?

4)而且我睇到一個有趣既優勢,領展所有係屋村既商場及停車場屬於同一lot地,有好幾個值得重建既屋村,政府無去重建,原因係業權中領展有份,政府要重建就要被迫高價買返個業權或者妥協合作重建,到時新既商場及停車場價值遠高於現在,長遠黎講,呢個算唔算重要既優勢?

龔成老師答:

1)當領展(0823)回購自己的單位,然後會進行註消,即是總單位數目減少,每一個單位的價值就自然增加。在會計上,企業會有一個賬面值,這是會計學上反映企業的價值,這個總價值不會因回購而改變,不過,當發行股的改變,每一股的賬面值都會因此而改變。

2)佢年報有提及過,之後仍會將商場翻新,提升價值,除左將這些商場一次過賣出,就算持有這些商場,由於翻新令租金可大幅增加,所以對領展的價值仍是正面的。

3)佢唔係瓶頸位,只是管理層比之前更進取,以前領展只會「持有物業」,利用翻身商場,加租,提升價值,這方法較穩陣,但資金回龐相對較慢。

現時進行賣資產等動作,代表管理層更積極去爭取盈利,這股盈然正面,但這些行為,令領展的風險度,比之前升左少少。

4)呢部分我無正式睇。但如果佢持有某些重要業權,相信對佢有利,我感覺到,領展「愈來愈惡」,所以,好多野佢都有可能,賺到盡。(對照龔成信箱Q4221)

————————————————

ETF吸納一問

問 3:

3143 BMO香港銀行股ETF在加息周期

可以考慮分段吸納嗎?

龔成老師答:

這基金無質不差的,可以投資。但加息與銀行股,未必有絕對的關係。

在一般情況,加息周期中,銀行的息差會拉闊,因此對盈利有正面影響。但加息有可能令金融市場波動,有機會令銀行資產質素轉差,企業因加息令融資成本上升,令壞賬增加,銀行的支出會增加。

所以,當中是一個複雜的問題。(對照龔成信箱Q4222)

月供股票呢幾隻

問 4:

你好,我現時月供股票:

$1000 1928金沙

$1000 0836華潤電力

$1000 0001長和

這組合有沒有問題?

應該供幾耐再轉其他股票?

龔成老師答:

組合無問題,當中都是有質素的股票,只要長期月供就可以了。如果股票一直優質,其實不用轉其他股,可一直進行,除非股價好貴,那就停止月供,到時再考慮供其他股。月供股票是長期累積財富的模式,不要心急。

如果每月可投資的金額提升,可以考慮由月供$3000升至$5000,當中$2000供盈富(2800)。(對照龔成信箱Q4223)

牛轉熊你點睇

問 5:

股市由係咪一定會經過狂熱時期先會轉熊,會唔會部份狂熱或未有狂熱就轉熊呢?

龔成老師答:

唔係。

在一般的情況,會順序牛一、二、三、熊一、二、三,但如果出現外圍經濟改變,又或有其他事件,都會改變這個順序,所以,投資絕對唔可以公式化運用。

以大路來說,股市狂熱期後,因為股價太超過價值,基於「價格回歸價值」,股價會回落至合理區,因而步入熊市。但未到狂熱期就轉到熊市,這是可以出現的。(對照龔成信箱Q4224)

————————————————

回報是否要計複息

問 6:

想問基本野,回報是否要計複息?點計?

龔成老師答:

複息回報就是複利息,如果10%,$100變成$110,再變成$121。

當明白這概念,如果要計一個項目,由$100升至$121,我地要知時間,如果2年,以複息計回報,就是10%一年。(對照龔成信箱Q4225)

比亞迪電子一問

問 7:

成哥,我係你上期股票班同學仔。我唔小心高位平均21.12入左2000股(比亞迪電子0285)。呢隻會唔會估價過高左?

龔成老師答:

比亞迪電子(0285)有潛力,雖然買入價高了少少,不過都唔洗擔心,始終現時的市盈率仍然處較低水平,跌極有限。只要耐心等待這股發展,股價會上翻去的。

前景仍然正面,始終手機相關股,之前炒得好勁,有回落都好正常。但股價仍然會波動,最好暫時唔好理中短期股價,用長線眼光持有,暫時不要增持。(對照龔成信箱Q4226)

ETF買咩好

問 8:

成哥,如果我睇好中國內地股市,有咩ETF適合買啊?謝謝

龔成老師答:

簡單地買入南方A50(2822)已經可以,雖然A股市場波動,但只要不理短期股價走勢,長期計有不錯的回報。因為中國始終是不錯的經濟體,只是股價投機味較重。(對照龔成信箱Q4227)

bitcoin長遠投資

問 9:

成哥,最近留意到bitcoin等,你認為長遠值得投資嗎?

龔成老師答:

抱歉,我不認識虛撥貨幣,我只投資自己認識的項目。

這些虛擬貨幣,沒有真實價值,只有交易價值,如果認同這貨幣的人增加,佢的價格會上升,但如果認同的人減少,價格可以大跌。(對照龔成信箱Q4228)

銀行股一問

問 10:

老師,想問問,置富,粵海,中銀,長和同建行合理價又應該係幾多,同埋粵海係增值股定收息股?

2388、建行同工行比邊個好D?

龔成老師答:

上述都是可以長線投資,而且是不錯的收息股,中銀(2388)較建行(0939)優質,但就會有少少貴,最好用分注買入,至於其他在合理範圍的較上部水平。

粵海(0270)都可以歸類為收息股,現時息率有4%,加上本身業務是公共事業,收入穩定,經營現金流穩定。加上派息穩定,是不錯的收息股。(對照龔成信箱Q4229)

多謝各位提問,若然你有問題想向本人發問,可在龔成的fb專頁中(facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx.io/

延伸閱讀:

工作5年儲蓄 $100萬 學識理財你都做到

賺錢,投資,理財 理財入門

想在股市賺大錢 企業價值一定要睇

賺錢,投資,理財 理財入門

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。