投資組合

22歲已婚育有一女 月儲10K 有何貼身投資組合|龔成信箱

投資

廣告

【投資組合】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.投資組合

你好成哥!我今年22歲,月入30000,每月可以用10000-8000去投資,應買咩組合?

現有1手 比亞迪62蚊時買入應繼續入比亞迪定有其他比較適合我,我有睇你既影片自己都幾鐘意盈富基金 應唔應該月供佢?因為我岩岩結左婚有個女1歲想佢地有更好嘅生活

我仲有樣野想問下我想試下問銀行借30萬用黎投資,因我計過當每年15%回報都有賺應唔應該冒呢個風險定自己儲子彈比較好

 

龔成老師:

 

比亞迪(1211)可以長線持有,這是潛力股,中短期股價會波動,但長期則不錯,你要耐心等企業變到更大,等真正的收成。

你年輕,但現時有家庭,平穩增值較適合你,你可以每月將其中的$5000,去做月供股票,集中供盈富(2800)就可以,最緊要是長期進行,原理是儲股票。

至於借錢買股,我不太建議。

這的確是一個創富的方法,只要利息成本低過回報率,基本上你就有賺,但這同樣會增加你的風險。因此,借貸投資不是不做,而是在某些情況下才做。

第一,你要有一定的投資實力及經驗,你要經歷過股災,你要經歷過輸錢。第二,現時股市要處於一個很好的投資時機,通街都是平貨,你才動用借貸這一步。市況30000點當然不是動用時機,20000才是動用的時候。(對照龔成信箱:Q5894)

 

 

2.基金

老師你好,我是後生仔,暫時儲蓄20萬,每月可儲蓄5000,但在三月中實行了儲蓄保險年制$24000及長達25年的基金,保險需供十年完成後可取?$280000或滾存每年多$18000。

基金是以月供$3000,會選世界醫療,科網,中國市場,比例30%30%40%這個我自己認為比較進取有機會回報率9%或以上,但認為有一定風險,故此,頭五年強制性供款,往後可自行選擇。

 

我暫時購入

一手港鐵

兩手香港電訊

兩手303

聽你講應先增值後現金流,以我的基金來說算嗎?本人意願把每月儲蓄儲存收息股,形成複式化,代十年後儲蓄保險得以解放再等待時機買入收息股。還是有較好意見?

 

龔成老師:

由於你是年輕人,因此在累積財富中,可以運用「先增值,後現金流」作策略,這刻可以承受一點風險,可以較偏向增值方面。

上述基金合增值的原則,相信是適合你投資的。

而你現時持有的股票都有質素,可繼續持有。

由於你已投資了風險類別,在其他部分的財富分配,應該穩健為主,平穩增值股是較適合,收息股則可以遲少少先。

因此,這刻應將每月的剩餘資金,投資盈富(2800)這類別的股票。到了財富有較多時,才慢慢投資收息股類別,這模式會較好的。(對照龔成信箱:Q5887)

3. 中生製藥(1177)

我早前買了[email protected],可其實持有嗎 最近大市蠻波動 我也是忍不了手買了

龔成老師:

中生製藥(1177)有潛力,有質素的,但現時的確不平宜,如果你買入數量只是小注,那就無問題。

相信佢的股價仍會波動,你唔好太理會中短期的股價波動,慢慢長線持有,等收成就可以。(對照龔成信箱:Q5888)

4.新華保險(1336)

老師你點睇1336

新華保險質素?之前入左三手 平均價50.8

而家跌左唔少,應該繼續keep搏佢下次業續,定止蝕好?

 

龔成老師:

新華保險(1336)質素中等,算是不過不失的類型。

佢近幾年的生意無增長,但每年都算有錢賺,不過比起其他保險類企業,在這個增長中的市場,幾年來的生意只有較少的增長,這的確有點令人失望。

現時估值不算貴,是令你仍然可持有這股的因素,因為這刻止蝕有點唔值得。

你暫時持有先,可以觀察下,但長期來說,換到其他的保險企業,對你財富增值會較好,這動作不用急著做,可等佢有較大的反彈才進行。(對照龔成信箱:Q5889)

新華保險(1336)質素中等,算是不過不失的類型。

佢近幾年的生意無增長,但每年都算有錢賺,不過比起其他保險類企業,在這個增長中的市場,幾年來的生意只有較少的增長

5.中國樓市

請問你點睇中國樓市?我見你回答的信箱提過有泡沫,何以見得呢?

 

龔成老師:

你見中央不停有調控,就知佢覺得樓市開始有泡沫,開始影響好民生水平。同埋之前有條片,見到d人買一手樓的情況,多人到最後逼爆左度門,令人有d擔心。

但我又覺得樓市未到最狂熱,只是開始熱,如國中央的打壓成功,有可能令樓市去到無咁熱的程度。(對照龔成信箱:Q5890)

6.中長線投資

成哥你好,本人想請教一下以下投資組合ok嗎?我比較喜歡中長線投資及收息為主,下面投資有邊個可以增持或改變?

 

939買入價$8.45有14000股

005買入價66.6有800股

1337買入價$4.7有41000股

127買入價11.59有34500股

388買入價$205有300股

772買入價96有2000股

2122買入價0.85有2000股

3333買入價5.25有44000股

3383買入價9有24000股

3988買入價3.39有60000股

當中005,127,388,3333,3383,3988已持有好耐。

另外,手上有大約10萬資金,想買實力股還是等新股好?(小米,螞蟻金服等新股)謝謝成哥

 

龔成老師:

不少都是有質素的股票,都可以作長線投資。但有些則集中在不確定性較好,又或一些新股,雖然這些股有危有機,但未必適合買太多。

雷蛇(1337)、閱文集團(0772)有潛力,但風險不少,這類股未必適合投資太多,不要增持。同時日後有這類新股上市,都不宜投資太多。

凱知樂國際(2122)質素只屬一般,行業正處於下跌期,面對一個不利的大環境,逆水而行,企業的投資價值不算高。

中國恆大(3333)、雅居樂集團(3383)都有質素,但太多內房股不是好事,因為內房有點風險。

如手上有資金,我會較建議買實力股,我對新股一向都有保留,不是話佢無質素,只是估值一般都較高,股價又好波動,投機味重,不符合穩健增值的原則。(對照龔成信箱:Q5891)

 

7.中國光大綠色環保(1257)

你好,想問一下1257 光大綠色的前景?

其實我係投資新手,幾個月前先開始買股票。睇完你既page 同分析都好認同價值投資,所以開始入手你D書黎睇。

1257我覺得前景應該幾好,因為佢主要做生物質發電同危廢處理,我自己直覺呢兩件事中國大陸無可避免要處理,而且公司簽既合同好多都係同政府機構簽,相信都可靠,而中國政府亦都有加大環保力度,所以之前7.7 入左。

呢兩日見佢開始跌就驚自己分析有問題,雖然我明白價值投資要睇長線,中短期股價可不理,但係現在中美既磨擦同埋外圍既因素令我驚自己買錯左,始終唔知佢買入價算平定貴,亦都驚個市開始跌。

我自己係新人,唔知道大市或者一啲大圍既因素會點樣影響到個市,所以都想請你指教一下。希望你俾啲意見我。多謝

 

龔成老師:

中國光大綠色環保(1257)這股正面,是有潛力的股票,但對初階者來說,這股未必適合,因為潛力股增值力雖然較強,但不確定性同樣較大。

初階者應投資較穩健的類別,如投資潛力股,一定要控制注碼,小注是可以的。

企業價值與股價之間的關係是複雜的,有很多技巧你這刻未能掌握到。中短期的股價可以與企業無關地波動,長期股價才會回到價值面,同時,你要對這刻企業進行估值,才能得到高回報。

如果你持貨不多,無問題,這股有質素,有得守,大市波動,可能令短期股價上落,你唔好太在意,耐心等企業成長就得。同埋,你最好選一些較為入門的股票,例如盈富(2800),又或收息股,會比較好。(對照龔成信箱:Q5892)

8.滙控走勢

Hi 成哥,想問下你點睇未來騰訊同滙控走勢?我打算波段式入期指,但唔知應睇升定睇淡。thanks

 

龔成老師:

我不分析短期走勢的,因為我以買股票就是買企業的概念進行,買入股票後,等企業成長,長期股價自然向上。

我亦不認為有人能估到中短期大市走勢,過往我做了10年銀行及證券行,見證了大量散戶,都是估市炒賣的模式進行,但都是輸多贏少。相反,贏錢的客,都是長線投資的。(對照龔成信箱:Q5893)

9.入貨指標

想問公司回購/主席/執董增持股票, 可否當成入貨指標?

龔成老師:

要睇佢地入貨的數量,要夠多才可視為正面指標。

當佢地都入股時,往往反映佢地都睇好企業,同時現價不貴,因此是正面。但有時,佢地可能d錢好多,又無乜投資機會,那不如增加自己公司的股票,對佢來說會最好,李嘉誠都是這樣,久不久增持自己公司股票,但好多時唔太理股價。

不過你要記住,我地買股票,最重要是分析企業的質素,以及前景,上述只是一些小因素。(對照龔成信箱:Q5895)

 

10.月供

月供有什麼好選擇呢?我目的是收息和長遠增值,謝謝

 

龔成老師:

你可以建立一個平穩增值+收息股的組合,在月供股票中各佔一半。

平穩增值類包括:盈富(2800)、金沙(1928)、長建(1038)、港鐵(0066)、中銀(2388)、領展(0823)。

收息類包括:港燈(2638)、工行(1398)、建行(0939)、香港電訊(6823)、置富(0778)、陽光(0435)等。

你可以先了解下這些股票,再選股較喜歡的。這些都是可以月供的股票,最重要是長期進行,就會做到你想要的財富目標。(對照龔成信箱:Q5896)

延伸閱讀:

28歲月入40K想為婚後生活舖路 月供騰訊友邦新濠 是否適合?