基因編輯引爆倫理爭議 各方譴責中國科學家賀建奎｜基因改造嬰兒｜先天對抗愛滋病｜雙胞胎
和美醫療股價今日一度下跌超過8%，低見2.02元，後來股價反彈，收報2.22元，上升0.9%。
消息指，和美醫療旗下深圳和美婦兒科醫院，被指是基因改造嬰兒的出生地。
和美醫療於收市後刊發澄清表示，深圳和美醫院從未參與賀建奎及相關研究團隊，在網上提及的基因編輯嬰兒事件任何實驗關節，相關嬰兒亦不是在深圳和美醫生分娩。
同時指深圳和美醫院按照法律要求並遵守醫學倫理委員會管理規範，展開醫療服務，反對展開違反人類倫理道德及突破人類底線的基因實驗。
經公司初步調查，網傳《深圳和美醫院倫理委員會審查申請書》上的簽名有偽造嫌疑，相關委員會並沒有召開會議。
醫院將邀請公安機關介入調查，追究法律責任。
和美醫療已經成立調查小組，配合中國衛生監管部門徹底調查事件。
基因編輯雙胞胎事件
基因編輯雙胞胎事件始於中國南方科技大學科學家賀建奎，他對外聲稱早前為兩名嬰兒改造了基因，使她們將來可能具有天然抵抗愛滋病能力。
消息發出後引來各界質疑，大眾除了關注在人類改造基因是否符合倫理，更對賀建奎如何取得研究許可及聲稱許可的真確性都抱有懷疑。
賀建奎周日（11月25日）在網上發佈視頻短片，介紹他為一男一女人工授孕後，改變胚胎的其中一組基因，令愛滋病病毒無法入侵這兩個胚胎的細胞。
他在短片中強調，這種基因手術目前仍是一種「治療性技術」，不應用作增加胚胎的智商或外貌。
122名中國科學家聯合批評研究
賀建奎的研究傳出後被外界強烈質疑，122名中國科學家周一（11月26日）發表聯合聲明，批評研究直接進行人體實驗「只能用瘋狂來形容」。
科學們又呼籲中國政府「一定要迅速立法嚴格監管，潘多拉魔盒已經打開，我們可能還有一線機會在不可挽回前，關上它。」
中國南方科技大學已發出聲明，指賀建奎已於今年2月1日停薪留職。
大學對他的研究並不知情，校內的生物系學術委員會也認為他「嚴重違背了學術倫理和學術規範」。
賀建奎明天現身香港？
賀建奎原定於周三（11月28日）出席由香港港科院、英國皇家學會和美國國家科學院聯合舉辦的第二屆人類基因組編輯國際峰會，以「人類胚胎編輯」為題與其他學者參加研討會。
但未知會否受事件影響而改變計劃。
至於主辦者之一的港科院院長徐立之接受傳媒訪問時指，事前不知道賀的演說內容，不能預先作批評，但他提醒賀要為言論負責任。
延伸閱讀：
地表用人最盡最縮骨老闆 3大無理規則 網民：好明顯依家腦細發窮惡啦
【最縮骨老闆】打工仔係需要有責任心盡時返工⋯⋯但有時無可奈何真係遲5至10分鐘，又需唔需要小懲大誡咁真係每分鐘咁罰錢？最近有網民喺Facebook 上載了一張聲稱同老闆嘅對話，老闆為公司訂下嘅規則令呢個打工仔覺得極不公平，想尋求各位網民嘅見解。
撰文：麗爾｜圖片：Facebook截圖、電視截圖
事主：
(灣仔電腦城某電腦舖)尋日公司開始咁搞法。啱定唔啱？咁做法我自認已經冇得反轉頭做唔返啲咩好員工。試問有乜原因可以令一個做咗比較長既員工會突然咁爆發？點解以前唔爆現在先黎爆？因為我唔係擦鞋仔？
*我相信依件事會俾人兩睇，一係老細咁衰叫我唔做，二係話啲 顧員只係諗老細點衰點衰，後者既話希望諗諗顧員額外付岀，平時所受既不必要壓力(我諗人工係冇包囉)。
因為做得耐，想繼續之餘，唔想冇咗啲 同繼續幫啲熟客，又想幫下唔敢岀聲既某啲人。
另外外人睇可能小事黎，但如果小事小事長期都唔岀聲，到最後點？
【最縮骨老闆】1.唔可以亂用公司錢買公司野俾公司用，就算趕住用
事主解釋： 嗰樣嘢有多餘嘅，但老細啲嘢收收埋埋，自然唔知放喺邊，我另一邊舖又趕住用，咁一定要買先用先。
【最縮骨老闆】2.唔提供水
【最縮骨老闆】3.遲到1分鐘要賠錢
事主質問：如果地鐵又死，如果俾差佬查牌咁點計先，我係咪要反轉頭岀糧？
對於事主老闆第一項規則，網民指買嘢等公司批准咗先買無問題。
但根據whatsapp對話截圖，睇唔到有話唔準用公司錢買公司嘢 ，定係話買完嘢再返公司claim 啊?或者係公司比咗錢買公司嘢要找返。
有網民回應：
「又犯法，只可按僱員薪金除開每分鐘扣，勞處見⋯」
事主表示老闆話自己打咗去勞工處問，話唔犯法，不過自己唔會相信。
有人表示無飲用水提供係極唔人道，就算唔買枝裝水都要擺個水煲放公司。僱主有必要提供足夠水，單憑呢一點事主老闆已經犯法。
網民留言：
「僱主該採取以下措施，促進工作地點的安全及健康：
提供及維持安全及健康的工作環境。
冇水飲之係唔健康啦, 唔健康之係可以勞工處見啦」
根據《職業安全及健康規例》第509章第42條，有關工作地點的衛生。
須向僱員提供足夠的飲用水
(1)
工作地點的負責人必須確保該工作地點有提供足夠的可供飲用的水，以供受僱在該工作地點工作的僱員飲用。
(2)
工作地點的負責人如沒有遵守第(1)款，即屬犯罪，一經定罪，可處第3級罰款。
延伸閱讀：升職冇人工加 $14,000做十項全能文員 網民：轉行做保安好過
升職以為有得加人工？依家唔一定了，話唔埋升職其實只係加係工作量，等你返工時間再過得充實啲⋯⋯近日就有網民提到加薪幅度減低了，做文員變相打雜兼做半個工程妹，想問大家有何意見。
撰文：麗爾 ｜圖片：電視截圖
事主個案：
事主提到自己開初係度返工係純文職，但之後越來越多project要負責⋯⋯有時要搬搬抬抬上街van送嘢上地盤，完全無諗過做文職妹會變成咁。
不過佢又提到覺得老闆娘好。因為佢唔會過問公司事，幾個月請事主食一餐飯，又唔會講公司事，傾私人事⋯⋯
請病假、年假都好易，認為份工有好有唔好。
細公司多野做，人人都知。尤其係文員，好多文員其實都係做埋打雜⋯⋯
而個個老闆都係想出一萬，請個十項全能 !
有網民提出老闆減人工加幅，可能是以下原因：
1）公司冇錢
2）老闆睇你唔起
3）職位冇前途，已經到頂
但事主願意留到今時今日，當中一定有原因。不少網民建議事主如果接受到做工程，可能慢慢學習，再去進修。
有網民認為： 跟小工程進度, 買料, 送sample, 加返 5.5日⋯⋯ 起碼要16k。
若事主願意學畫圖, 睇圖, 工程例 +5 年經驗。加薪幅度可以大躍進 。
亦有網民提出不如唔好做得咁快chur得咁盡，放慢手腳以舒緩下自己情緒。
有網民指事主仲年輕，而呢個係大好機會學習，應該要俾心機學。到上咗手時，公司知你幫到手，嗰陣時扭計加人工都未遲。
如果事主頂唔順的話，可以睇下出面咩環境，有無呢個價。有就試下講加薪，同老細私下食飯暗示下。
不少網民都表示都遇過相同情況，甚至仲嚴重！表示做咗幾年都無加過人工，連請病假都俾老闆問長問短，福利同雙糧一律都無⋯⋯
