移民

獨生女瞞父母賣樓、舉家移民英國 家中兩老卻被遺棄:後悔當年貼錢幫佢買樓

移民

廣告

樓價居高不下,為求子女有個安樂窩,不少「廿四孝父母」都甘願用積蓄貼錢資助子女首期置業。不過,有網民抱怨,父母早年用打工時儲下來的積蓄,全力資助女兒上車做業主,但該名獨生女最近決定瞞著父母賣樓,帶同仔女移民英國。得知女兒即將移民,父母即時聲淚俱下,但女兒去意已決,堅持要離開香港。

銀色債券2022懶人包

獨生女隱瞞移民計劃

樓主稱兩老為人善良,對女兒和孫兒都不薄,指老人家「好錫對孫」。公公婆婆每日湊完對孫返學,才急急腳返工,每次都會朝早買新鮮雞整雞脾一對孫食。亦沒有責怪女兒,從來沒有要求女兒照顧他們,只是傷心何以她話走就走。

加上樓主覺得這名獨生女取去父母積蓄帶仔女移民,一直就移民計劃隱瞞父母,臨到最後一秒先通知大家,而且「父母日喊夜喊都堅持要走」十分不孝。

移民
(圖片來源:Unspla[email protected] finnigan、[email protected] mazzeo)

移民英國享Dream life

樓主亦稱「知佢哋原因係預見香港會好恐怖,所以帶仔女去英國去過Dream life。但父母呢?」

現在獨生女說走就走,兩老頓時「真係人又冇,錢又冇!」,擔心將來無人照顧兩老。更令樓主不解的是,當同事傾訴此事時,同時皆表示理解女兒的行為。令樓主不禁感嘆,難道真是「仔女係寶,父母係草?天呀,我係連理解也理解唔到呀!」

樓主亦透露,現時兩位老人家開始後悔當年早年用積蓄助女兒買樓,互相指摘為何「要畀筆錢個女買樓。如果無筆錢,佢哋未必夠膽移民。」

網民:點解要一走了之

不少網民贊同樓主的觀點,認為女兒一走了之行為不孝,更大問題是女兒買樓移民,變相等同於領取父母積蓄去移民。

  • 「佢哋有良心的話,應該移民前嘔返舊錢比父母過世啦!」
  • 「攞埋父母積蓄去移民,阿爸阿媽身邊冇乜錢,咁仲唔叫不孝?」
  • 「我都係,我生仔唔諗住養老,但話走就走,邊個唔傷心?仲有,走還走,點解要攞賣老人家的錢走?」
  • 「如果係用自己錢去移民,我係覺得ok既,始終仔女大左條路都係佢哋自己。但係如果拎走父母既錢,我就唔會接受囉。」
移民
(圖片來源:[email protected] corbin)

斷送返港機會?

有網民亦相信世界有報應,認為獨生女如此拋棄父母後,自己的子女日後也不會懂得感恩,因此要「放長雙眼等睇佢仔女點對返佢」。

  • 「我有個舊同事都係咁,掉低父母,仲話要係為仔女,等睇佢仔女點對返佢。」
  • 「呢種人會同父母一樣遭遇的,佢d小朋友都會覺得攞父母着數一腳踢開佢哋無問題的。」
  • 「反而我覺得斷咗佢仔第時返香港搵工機會。」
  • 「我同事成日用照顧阿媽做藉口成日請假又將推俾工作同事做,成日遲交野。而家打算移民,我問佢咁伯母邊個照顧?佢話送入老人院。」
移民
(圖片來源:政府新聞處)

老人家有心理準備

不過亦有網民理解女兒希望盡快離開香港的想法,認為做自己想做的事並無不妥,並表示自己也有移民的念頭。不過亦覺得女兒在事件中可以處理得更好,及早通知父母,讓他們有心理準備。

  • 「有時諗諗下,我自己都想豁出去離開香港,做自己鐘意做的事。」
  • 「明白有人覺得有需要移民,但點解唔早少少通知,至少老人家有心理準備。」

延伸閱讀:香港人月入中位數1.8萬元,比5年前搵多3,000元:惟5個區人工墊底

延伸閱讀:移民盤逃亡潮|土瓜灣低估價1成半「搶閘」走貨、百福花園770萬價啱即走

限時福利-3個月免費電子週刊訂閱

即到經一App享用

兌換步驟

1. 下載「經濟一週」App
2. 打開App內「週刊」專區
3. 按「立即訂閱」
4. 按「輸入優惠碼」
5. 輸入「EDNEW2022」並按兌換

完成!!

圖片來源:政府新聞處、[email protected] finnigan、[email protected] mazzeo