Fg同事「樂天熊仔餅」做散水餅 遭惡毒老海鮮公審「走得肉酸」：祝你一世搵唔到工
廣告
散水餅學問歷久常新，對於應否派散水餅的爭論已經存在一段時間。直至近日，網上一則關於職場新人離職時派發「散水餅」帖文，又再引起打工仔討論。
離職同事派「熊仔餅」當散水餅被公審
一名資深員工於社交平台抱怨，指新同事在試用期未滿便離職，臨走前送上數盒超市購買的「樂天熊仔餅」作為「散水餅」，做法被指「唔識做」，引發不少網民留言熱議：「依家啲FG（fresh grad）真係冇心，連散水都咁肉酸。」根據帖文描述，該新同事於5月入職，離職當日中午特意外出購買「禮物」以感謝同事支持。惟最終帶回來的是三盒家庭裝熊仔餅，每位同事平均分得三小包，令事主大感失望，更批評該名離職同事「唔識做人」。有網民則反駁稱：「有心已經好過冇心，冇必要咁毒。」
「散水餅」是否職場必需品
「散水餅」文化於本地職場盛行多年，根據報道，最早可追溯至2005年，有打工仔於報章上提及離職時派餅感謝同事一事，之後逐漸成為不少辦公室「潛規則」。不過，隨著新一代勞動力踏入職場，部分年輕人對此傳統並不認同。有應屆畢業生認為，真正感激應該體現在平日合作態度，而唔係臨尾買餅扮客套；亦有意見認為，若辦公室氣氛冷漠、無真誠交流，即使派餅亦未必能留下好印象。
圖片來源：threads截圖
