將$20萬滾存到$500萬 6隻優質股諗得過|龔成信箱|經一專欄

將$20萬滾存到$500萬 6隻優質股諗得過|龔成信箱|經一專欄

【優質股・經一專欄】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括地產股、優質股月供股票、潛力股、收息股,以及平穩增值股等提問。

撰文:龔成|圖片:新傳媒資料庫、unsplash

1.優質股

另外我想問下如果我用20萬投資優質股票,平穩增長加收息大概15%,再用息繼續買入優質股票,不斷滾存,24年後係咪可以有大概300萬?如果可以,我應該選擇邊隻股票可以做到?請指教一下。

龔成老師:

可以做到的。

如果你投資$20萬,24年,假設回報率有15%每年,理論上可滾存到$500萬,因為年期都足夠,所以可滾到相當的財富。下一步就是找那些股票,過往恆指40年的回報,複息連股息計,就有近15%,但預期中港經濟比過往年代弱,所以可能只有10%-12%。如果要有15%增長,你可以投資「平穩增長型」加「潛力股」。

前者可選盈富、銀娛(0027)、恆基(0012)、領展(0823)等,後者可選比亞迪(1211)、中生製藥(1177)、福壽園(1448),當然,潛力股風險略高,你要控制注碼。(對照龔成信箱:Q9080)

優質股 龔成信箱 經一專欄
【優質股・經一專欄】圖片: unsplash

2.證券行

謝謝你的意見,之前聽你講你用證券行,我都考慮緊轉用證券行,衣家諗緊用XX,但又硬係覺得證券行唔夠銀行“穩陣”,唔夠膽擺哂d資產落去,想問你點睇?

因為我覺得你的投資方針都偏向穩健,而你都用證券行,咁其實證券行係味都安全?另外,我想保持用月供的方法入貨,但XX又太貴,所以考慮緊用另一間月供,夠數就轉去XX做買賣及存放

龔成老師:

其實,香港的監管制度不差的,因為你在銀行或證券行持有的股數,其實都只是掛名在銀行或證券行持有,而銀行或證券行持有的數,其實是存於中央結算當中。即是,佢地無真正持有,而是中央結算每個分一個數字比佢,所以,一般來講你都唔洗擔心。

最大出古惑的情況,就是你先次入貨,其實佢都無幫你入貨,將錢取走,而顯示一些假數比你睇。佢由於佢地每日都要有人核數,所以出古惑的機會唔大。你咁樣轉來轉去,可能會有較大的手續費,因為轉倉的費用都唔少,所以未必有著數。

(對照龔成信箱:Q9064)

 

3.月供股票

龔sir你好,之前有聽你講做月供股票,現在都做了6個月時間,請問未來一年需要改變部署嗎?

現在分配是這樣的

年齡:23(下年24)

每月收入4-6萬元 不定

現有流動資金$200,000

每月洗費支出大慨$20,000

每月儲蓄大概$2-3萬

每月供股$14,000

2800–$8,000

1211–$3,000

66–$3,000

 

龔成老師:

以你的年齡情況,投資上述股票是適合的,因為上述都平穩增長+潛力股,所以對你合適的。同時,這3隻都是有質素的股票,你長期保持進行就得。現時你約將一半的可儲蓄資金,投資在股票上,以現時的市況平貴,是適合的,在接下一年你保持咁做就得。月供股票是一個長期進行的策略,不用理中短期因素,保持長期進行最重要。至於餘下資金,暫時都可持有現金,等機會先動用,但如果再過半年都未能動用,可再分析當時的平貴情況,如在合理區,都可以找一些優質股,動用一部分投資。

(對照龔成信箱:Q9065)

優質股 龔成信箱 經一專欄
【優質股・經一專欄】圖片: unsplash

4.銀行股

你好 sir 最近發現10年前匯豐$1xx 係屬於合理價值,1次金融海嘯令各銀行保守左,去唔返以前既盛世,其實當時有冇蛛絲馬跡可以睇到佢會大跌?

龔成老師:

其實都有的。

首先,金融過嘯前幾年,銀行業變得好唔安份,銀行最基本的業務,就是存貸業務,賺取當中的息差,但當年就不斷開發新業務,新產品,我當時仍是銀行職員,好明白這點。無論是銀行或是其他行業,當過份開發新業務時,往往就有風險存在。

另外,當時銀行股的估值過高,如果你運用我股票班的技巧在當時應用,在估值上比較當年的近10年,你會發現當時處於貴的狀態。坦白講,現時銀行業的確較難去翻之前的狀態,這的確會將其估值減少,所以我地不會太集中投資在某些行業,因為投資一定有不確定性。但當中都有些因素,我地未必完全睇好,但有些因素都可以分析到的。

(對照龔成信箱:Q9066)

 

5.中銀香港(2388)

2388中銀香港在先前急跌後,一直在30元附近徘徊,請問這間公司的基本質素有否改變,30元是一個合理價,還是低價。本身已在做月供,是否可以加額,還是就按本來的定額繼續月供? 謝謝

龔成老師:

中銀香港(2388)的核心價值仍在,不用擔心。佢只是中短期盈利增長放緩,加上會計及派息等因素改變,令佢股價有所調整,對企業本質的影響不大。你本身的持貨可長線持有,同時保持月供就得,唔洗特別加大金額,因佢現時仍不是特別平宜。

(對照龔成信箱:Q9067)

優質股 龔成信箱 經一專欄
【優質股・經一專欄】圖片: unsplash

6.潛力股

老師,我而家月供緊2800同1211各$3,000。其實潛力股始終有一定風險,可唔可以供左3,4年轉第二隻潛力股?如果可行,你會建議有幾多手先轉第二隻潛力股呢?謝謝你另外我岩岩放左十萬人仔做信託基金,下個月開始每月收4%-6%利息。目標十年100萬有可能嗎?

龔成老師:

潛力股的確有風險,所以不能佔你組合的比例太多,如果供了幾年後,這股已有一定的升幅,那就可以減少或停供,但如果之後佢仍在發展中,那到時保持月供就得。

所以,我地在最初每月月供時,投資潛力股的金額不會太多,其實是想將買入時間拉長,慢慢分注去入。這是因為潛力股的股價波動大,以拉長慢慢分注的模式是較好的。至於基金方面,則要睇你基金的表現,如果佢只是單純收息,要增值到$100萬較難。所以要睇佢的增長力。

(對照龔成信箱:Q9068)

 

7.平安(2318)

龔sir, 請問中國平安2318和中銀香港2388,邊間較有增長力,各有d咩有增長力的產品或服務?謝謝!

龔成老師:

平安(2318)同中銀(2388),都是有質素的股票,都是平穩增長型的股票。其實好難預計到邊間增長多d,有可能平安會多少少。平安近年的業務愈做愈好,同時佢不斷利用企業資金不斷作出投資,如果長遠佢投資的企業發展得好,這會成為佢增長點。

至於中銀,佢有獨特地位,若果日後有更多人民幣、中港金融方面的聯繫,都有可能大陸有利益比佢,所以長遠來說,這是佢的增長點。但要留意,這兩間都是成熟的企業,只會平穩增長,不會高速。

(對照龔成信箱:Q9069)

優質股 龔成信箱 經一專欄
【優質股・經一專欄】圖片: unsplash

8.瑞聲科技(2018)

龔老師, 我還想問問2018(瑞聲科技)由高位回落了不少 現價是否屬於便宜價位入掃貨呢?我有點擔心像當年的8號仔咁一去無回頭!

感謝指教!

龔成老師:

瑞聲科技(2018)有質素的,你唔需要擔心變左另一隻電訊盈科(0008)。如果你有學過企業估值,就會明白具體的情況,盈科數碼動力當年利用巨額借貸,去收購香港電訊,當中的企業價值並不高,因為大部分都是負債,但當時股價處於極貴水平,如果懂得計企業價值,就知佢只不過由極貴的優價,回至合理水平。

至於瑞聲科技(2018),佢之前都處於貴的狀態,你就算簡單利用市盈率做初步估值,都分析到這點,但這刻的市盈率只有約10倍,是不少上市公司正常的水平。就算考慮行業轉弱的因素,現時的估值都會處合理水平,而不是貴水平,所以不用擔心股價會長期下跌。這刻處合理,但股價波動,所以只能分注投資。

(對照龔成信箱:Q9070)

 

9.煤氣(0003)

老師,如果我月供4,000,咁應該供1隻盈富$4,000,定煤氣$2,000同盈富$2,000較好?

龔成老師:

如果你唔算特別睇好煤氣(0003),咁月供$4,000盈富(2800)是無問題的。如果你特別睇好煤氣,可以2隻同時月供,但盈富的金額最好多過煤氣,所以,你可以在當中,月供$1,000-$1,500毛,煤氣。

(對照龔成信箱:Q9071)

優質股 龔成信箱 經一專欄
【優質股・經一專欄】圖片: unsplash

10.中國鐵塔(0788)

龔成老師你好 近期非常留意中國鐵塔,請問老師對呢隻股有咩睇法,潛力如何?

龔成老師:

中國鐵塔(0788)正面的,佢係中國通信鐵塔基礎設施服務提供商,而中國的3大電訊巨頭,係佢的客戶,同時係佢的大股東,所以生意一定唔差。加上5G的發展,長遠前景正面的。但要留意,佢的估值都不算平,所以如果這刻要投資,不宜大注。