職場新丁原本滿腔熱誠 教師不知不覺中變成「教畜」|職場制勝

職場新丁原本滿腔熱誠 教師不知不覺中變成「教畜」|職場制勝

職場制勝】係正式開始篇文之前,我想強調一下我唔係想講後生一輩做事一定好過年長一輩,而係好多後生仔初出茅廬,仲抱住對社會嘅憧憬,對工作有熱誠,單單係呢兩點,已經足夠。

撰文:Purple弟弟 | 圖片:unsplash

教師唔係一份普通工作

回想起我讀書嗰個年代,個個尊師重道,根本無「教畜」呢類字眼。

當自己小朋友升小學,逼於無奈多咗接觸教育界,發現呢份工作無責任心,只在乎準時出糧嘅老師的確係「畜」!

佢哋唔明自己嘅一言一行或者視而不見嘅處理手法會如何影響小朋友成長,可能佢哋會話人手不足、制度所逼,但絕對唔係一個放飛自己責任感嘅借口。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

小朋友被欺負告狀,老師話多一事不如小一事,唔係大傷就口頭話兩句完事;

不幸有學習障礙嘅直頭放棄你,明明唔合格都升你班,想你快啲升中唔好影響校譽,同時又可以向政府拎資助。

同我溝通得最多嘅老師並唔係班主任,反而係小朋友嘅中文老師。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝

佢雖然後生,但佢會留意我小朋友性格,同我傾佢問題同遇到啲咩問題,功課都唔係俾完大交叉就由小朋友自己改餐死。

我知佢哋都好忙,一個人對兩、三班小朋友同家長,不過有冇心真係一看就睇得出。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

腐化總是在不知不覺中

我唔知呢班有責任嘅年輕老師幾時會俾人逼到抖唔到氣,開始降低自己要求,慢慢變成所謂嘅「教畜」。

但最少現時為止,雖然佢哋經驗最少,但係付出得最多。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash
後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

敢於發表,渴望有貢獻

除了小朋友嘅老師之外,我自己部門都有唔少年輕人!

以我所知佢哋人工唔高,可能都係萬零蚊,對於做嘢做得耐嘅人嚟講,係香港職場風氣下,總會領悟到「出少句聲,跟住高層意思做」呢個結論。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

但呢班後生仔,佢哋唔係想坐喺到每個月拎錢就算,佢哋真係想自己有貢獻。

有時見到呢班後生同事,自己都會自愧不如,回想起自己初出社會都係滿腔熱誠,依家慢慢變咗以前自己口中最憎嘅「老Seafood」,腐化總是在不知不覺中。

後生仔, 年輕人, 職場, 工作, 社會, 初出茅廬, 同事, 貢獻 , 熱誠
圖片:unsplash

無咩嘢做 好似個廢人咁

呢頭講完嗰頭就有位後生同事向我遞辭職信,我問佢點解走啊,見你平時同同事相處得幾開心。

佢答我:「係啊,大家都好好人,係幾開心嘅!」

「咁點解唔做啊,你好幫得手喎!」

「因為平時都無咩嘢做,好似個廢人咁。」

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

我心諗,平時我鬧啲真正無所事事嘅同事,佢哋第一句就係:「咩啊,我好多嘢做!」

真係當我盲嘅,但佢竟然直認無嘢做,仲因為無嘢做感到唔開心!

於是我大手一揮簽個名俾佢走,希望佢去到一間可以發揮到佢長處嘅地方。

後生仔, 年輕人, 職場, 工作, 社會, 初出茅廬, 同事, 教師, 教蓄, 熱誠, 職場制勝
圖片:unsplash

同時,其實我亦都感到抱歉,令佢浪費咗寶貴時光喺呢一度。

年輕人,我明世界上有好多荒謬同令人喪氣嘅事,不過你哋呢種態度係無錯嘅!

就算將來逼不得已去改變,都要記住呢一刻嗰種熱血同想回饋社會、發揮自己長處嘅心。