【經一專欄】46歲 月供$20K 6隻優質股 有平穩增長能力|龔成信箱

【經一專欄】46歲 月供$20K 6隻優質股 有平穩增長能力|龔成信箱

經一專欄・優質股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括反向科網股、估值、月供股票、收息股、孖展 ,以及醫藥股等提問。

撰文:龔成|圖片:新傳媒資料庫、unsplash

1.優質股

您好!我今年,46 歲,家庭每月用 20,000供股,以下的分配你認為怎樣?會不會太分散?

中電 2000
港鐵 3000
比亞迪 2000
中銀 3000
盈富 5000
置富 5000

 

龔成老師:

唔算散,只要你供較長的年期,一樣可以累積到一定的股數。只要你唔好理中短期股價,長期進行就得。而上述的股票都是有質素,長遠有平穩增長能力,因此可以月供,比例亦適合。

以你的年齡,上述選股適合你的。但你都要每月留低翻一定的現金,作備用及等投資之用。

(對照龔成信箱:Q8600)

2.騰訊(0700)

老師,我好耐之前買左一手萬科39蚊, 18蚊買左一手創興, 現在是否沽貨時機

另外點睇騰訊匯豐銀行, 兩隻是否值得投資?

 

龔成老師:

萬科企業(2202)有一定的規模,整間企業做到好大,生意盈利保持增長,質素都有的,但最大的問題是負債,可得有點驚人,這是企業的最大風險。

如果考慮埋佢的風險情況,現時可說是合理價,如果你持有不多,其實可以持有。但如過多,就可以先減持一部分。

至於創興銀行(1111),不過不失,但要上翻去相信仍要一段時間,但現價合理,如果要賣出,可以等上翻多D先。

騰訊(0700)有質素,有增長力的,但過往處貴水平,因為$300以上已開始有少少貴,如果在$300以下,都可以分注投資,但不要太大注,因為未算平,同埋這股不是無風險的。

匯豐(0005)有質素,但賺錢能力的確比過往年代減弱,現時估值合理,唔算特別平,可以投資作收息,但不要對股價增值有太大的期望。

(對照龔成信箱:Q8591)

優質股 經一專欄 平穩增長 龔成信箱
經一專欄・優質股】騰訊(0700)有質素,有增長力的,但過往處貴水平,因為$300以上已開始有少少貴,如果在$300以下,都可以分注投資。

3.德永佳集團(0321)

老師,我系2017年4.5價買入321 4手,之後都無升過,請問應該等升反少少放反定繼續持有?thx

 

龔成老師:

我地繼續持有一隻股票與否,最重要是睇企業的質素,以及前景,買入價等只是心理因素。

德永佳集團(0321)近年的生意向下,盈利比高峰期跌了7成,暫時睇佢都好難回復當年的情況。比較好的是,佢負債不多,同時派好高息,這類股都算可以守住先,但你真係預佢好難翻上去。

所以,你要思考一個問題,佢現時的派息不錯,如果要你繼續持有這股收息,對股價沒有太大的期望,是否可以,還是想轉到其他股增值。這要睇你本身的投資目標。

(對照龔成信箱:Q8592)

4.借錢業務

老師,我印像中你有本書提過你曾經借錢俾人.收息作收入,原理係點?

 

龔成老師:

借錢比人果度,因為好多野唔方便公開,所以你見我在書寫得唔詳細,如果你上過我課堂就會知,我這個所謂的「借錢業務」是如何運作。我收的利息收入是20%-30%的,有機會課堂中同你講。

(對照龔成信箱:Q8593)

5.孖展

老師我想請教下,如果優質服票處於估值非常吸引的時候,應該借孖展用多倍槓桿買入嗎?

畢竟便宜的時間不是特別多,若果想盡快儲夠一定既資金轉為被動收入達至財自,唯有借更多資金滾大了,像買樓一樣,你同意嗎?

 

龔成老師:

如果優質股處平宜區,我地會用掃貨的策略,至於是否用借貸模式,則要睇個人的風險承受程度、投資能力、當時市況。

首先,借錢一定有風險,優質股長期向上,但中短期波動無人知,唔係個個都能受到中短期因借貸而加大賬面虧損的情況。同時,最好不要用會斬倉模式的借貸,如果優質股中短期下跌被斬倉,就算之後升翻都無用。

另外,每個人的能力不同,可能只是「自己以為該股很平」,但其實並不平,最後訓身,但其實自己計錯數,變得很危險。

所以,你說的方法的確是策略,但未必人人適合。

(對照龔成信箱:Q8594)

6.股市下跌

龔sir,我現時有較大比例現金,而你話後市不可預測,你亦講過話有時可先入一注,保留資金等大跌先入,咁如果唔跌點算?

因應這情況有d策略請教:

當股市大跌,投資氣氛較不好時,在合理區開始,將預算資金分成10幾份,以月供形式買入,當股市出現20%安全邊際時,就入一注,30%安全邊際時,第二注,如果唔再跌,就全以月供(10個月持續買入)形式買入

例如預算50000元投資,每月供5000,假設去到第2個月有20%安全邊際就買入,其後的繼續月供,咁樣可以不預測後市走勢,又防止錯過投資機會,你點睇,請比啲意見!謝謝!

 

龔成老師:

基本上你的明白投資的策略,首先,我地無法預測大市走向,所以只會用投資策略去做。合理區就分注入並留現金,平宜區就掃貨。

所以,當股市處合理區時,最好是一邊有貨,一邊有現金,若果股市下跌,就用現金掃貨,但若果股市不跌,就要再分析當時經濟、企業情況,如果是向好的,有不貴情況下,可分注入。

另外,若你已持有一定的現金,但股市下跌,只要鎖定優質股,在不貴的情況下,都可以慢慢分注入,令你持貨的比例增加,現金的比例減少翻。

始終,現金不是真財富,優質股才是。

而你上述的方法,基本上都是以這模式去進行,只是細節位不同,所以,你可以照這方向做。

(對照龔成信箱:Q8595)

7.月供股票

老師,我最近調整左月供股票,加左少少
想老師你比意見

我今日34歲,兩公婆,兩個仔
一人工作
我想買左吉隆坡物業,我想之後比晒全部錢
我怕加息唔抵供,因為聽說現在都要6厘息

咁月供股票如下:
銀娛$2000
吉利$2000
騰訊$3000
建行$3000
比亞迪$2000
工行$2500
金沙$1000

我計過,如果每月能儲4萬
計埋儲蓄
應該可以比晒
當然月供股票我係想留比自己退休的
但又貪心,試海外投資
因為香港樓真係好貴
謝謝老師

 

龔成老師:

我地要進行的,是長期的資產配置,以及資產的不斷累積,在當中,亦會考慮借貸的適當運用。

第一,我地要分析吉隆坡物業是否值得投資,你除了要對該地有所認識外,亦要睇翻租金回報,租務情況,配套因素,長遠的城市發展等,要了解,並有投資價值,你才可以出手。

如果按揭要支付6%,而你物業所收的租金無法多於這個利率,那就不宜借貸,或不宜借得太多。6%又不算好可息,處於「借與不借」之間,少少借貸都可以,這樣可令資金更有效運用。

在資產項中,長遠計,我地當然愈多愈好,若你資金只夠月供股票,或買海外樓,那我會建議你月供股票,除非你好熟識當地物業情況,同時好睇好。否則,利用月供股票,是較穩健的做法,同時亦有較大的彈性,你可以憑月供去不斷增值,到了一定數量,同時你又好確認外國樓是很好的投資機會時,才投資海外樓。

(對照龔成信箱:Q8596)

8.租樓

呀sir, 如果我年紀輕時儲錢,為日後預備現金流。加上樓價貴。長期租屋住會否更好?因為買樓一來好貴,二來買樓後無錢再投資股票。

 

龔成老師:

其實,我地最重要是不斷累積「資產項」,買樓及租樓其實都可以有同一個效果。

例如你租樓,假設每月支付的現金流比買樓少,那餘下的錢,只要你好好投資增值,就可滾出較大的財富。

但買樓,都不一定差的,因為只要在適當的時機投資,買樓可以長期升值,雖然每月要支付供樓,但如果是有質素,長遠如同投資一樣,自身財富同樣有一定的升值,然後可以在之後運用在配置上。

(對照龔成信箱:Q8597)

9.估值

謝謝您的意見,這次有幾條問題想請教一下:

1.見網上有人用EV/EBITDA為銀娛做估值,計出2018年合理價係$5X-$7X,如果呢個數計得合理,而家個價位係味有值搏率?

因為早前有唔少負面消息傳出(例如禁煙,山竹影響賭收,銀聯終端機事件等),但呢啲應該都唔會影響企業核心經營情況,而且銀娛未來還有三、四期既增長點,前景應該ok,這樣想對嗎?但賭牌續期方面您點睇?

2. 想問大市處於平/合理/貴的時候,合理嘅資產分配應該係點?

假設只有股票呢類資產,其餘是現金,中短期沒有大筆洗費。因為我覺得買賣股票除考慮資產平貴亦要首先檢視自身財務狀況,但我又冇idea擺幾多錢落去資產項所以想問您參考意見。

3.一直有留意港鐵同領展,因為係優質企業,但似乎還未值得買,因為印象中聽您講地產不景氣期才值得入尼兩隻,而現在地產市道開始走下坡,係味要再等等先入?

我見etnet顯示佢地預測市盈率好高,即係話佢地未來盈利會大跌,尼項資料可信嗎?謝謝您

 

龔成老師:

1)估值有好多種方法,這都是其中之一,因為我比較少用這個方法,反而會用其他方法(股票班會詳細講述),所以不便評論這方法。

但我自己以估值來計算,就比佢的估值低啲。而我自己的考慮因素,是企業的業務本質及長遠前景。如果這方面的基本情況無變,估值都不會有太大的改變。

銀娛(0027)前景正面,有投資價值,可分注,至於續牌方面,我不擔心。

2)如果大市處於平,可以80%-100%是股票,這是一個掃貨時機,因此可以集中持股,雖然中短期股價有可能跌,但長期一定正面。如果大市處合理,則一半半。

如果大市處貴,則停止買入,甚至減少持股,持股比例可以是20%-40%。

3)我地計算真正的企業價值,唔會只用一兩年數據,會計算佢長期的業務情況,推算出長期的企業價值。

港鐵(0066)、領展(0823)都是有質素的股票,有投資價值,領展現價仍少少貴,港鐵則合理區上部,其實都可投資,但只能小注分注進行。

(對照龔成信箱:Q8598)

10.科網股

有關ETF, 2800多成交量, 一直跟龔Sir有儲,但有ETF宣傳稱,ETF不能只睇成交量,應要看是否有足夠庄家提供流通量,這點說法對嗎?

我想看2812,用小注可買潛力國內科網股,好像好吸引。

 

龔成老師:

莊家提供流通量,是指莊家開出的買賣價及貨源,是否能令這交易所買賣基金,有足夠的流通量、成交,如果這方面做得好,某程度可理解價位貼近基金的實質價值,但就要佢莊家真正做得好先得。

雖然這說法都有道理,但其實,只要成交量大,以市場的自然力量,其實都已經做到價位貼近基金的實質價值。

所以,其實睇成交已經可以。

三星中國龍網(2812)的投資目標,為追蹤中證全球中國互聯網指數之表現。本身較高風險,但如果你目標是這類股,可投資。

但這基金,正正是成交好少的基金,由於佢成交年期不算長,我未能分析到佢是否能做到「價位貼近基金的實質價值」,因為每隻基金都有誤差率的,但要睇長期數據先見到真實情況。

(對照龔成信箱:Q8599)

 

 

The user will never see this