正常打工仔應該帶幾錢返工「$500元 唔會咁易被人問借錢」|網民熱話

正常打工仔應該帶幾錢返工「$500元 唔會咁易被人問借錢」|網民熱話

【打工仔・網民熱話】身為打工仔嘅你,每日會帶幾多錢返工?其實依家電子錢包方便,加上帶八達通同信用卡,似乎已經唔需要帶現金?

撰文:麗爾|圖片:電視截圖

有打工仔帶成疊金牛

有網民表示一般自己只會帶三百幾,冇錢先會再禁,但有見過同事銀包成疊金牛。「返工點解要帶甘(咁)多cash?」

「人地有錢咪金牛,不用與人比較,自己夠用咪得囉」

「夠用就得啦,宜家曬命咩。」「需要幾多就帶幾多,無需要同人比較」

「可能已係你同事全部身家,有咩好比較!好似我咁我一出糧就攞三萬出來,用到月尾唔使下下排隊」

打工仔 錢 返工 借錢 網民熱話
【打工仔・網民熱話】圖片:電視截圖

撳定一個月用幾多錢

「銀包會放2,3千,唔想成日㩒(撳)錢。我每月個人支出唔過3千」

不少人都贊同撳得少,其實會令自己適當地用,因為一早知道之後啲錢點用點安排。

「無定,平時撳錢三、四千,洗哂就撳錢、利申:不轆咭」

「份糧用淨幾多就帶幾多……」

打工仔 錢 返工 借錢 網民熱話
【打工仔・網民熱話】圖片:電視截圖

帶少量現金/唔帶現金嘅一族

有部分人提到自己返工接order會即出現金,所以帶都懶得帶。

好多都靠卡同八達通走天下,認為現時八達通,信用卡,支付寶,HSBC PayMe, WeChat pay, Apple Pay,已經夠有突。

「銀包長期少過500,一係碌卡一係八達通,現金冇咩用」「帶手機周圍嘟二維碼咪得,駛咩帶錢。」

「帶三百幾, 可以用一星期, 用完再攞.
日常生活不需用現金. 返工放工坐地鐵, 返工帶飯, 放工到超市購物用信用卡.」

打工仔 錢 返工 借錢 網民熱話
【打工仔・網民熱話】圖片:電視截圖

「八達通500元,唔會咁易被人問借錢。」

「我帶飯返工, 平時買野用八達通or信用卡, 都係無現金係身」「same, 已經轉用card holder, 銀包都無」

另外有人提到依家電子支付咁方便,根本再唔洗怕冇現金呢個問題。 「我通常袋定百零蚊散紙喺褲袋方便食飯唔使吟荷包,但係放工返到屋企多數都係原封不動!」

「電子貨幣年代仲要咁多現金做乜?信用卡,八達通 + 手機支付已經係無敵組合。」

「你問下大陸人,唔洗帶錢㗎?帶電話就食到飯」

打工仔 錢 返工 借錢 網民熱話
【打工仔・網民熱話】圖片:電視截圖

另類帶現金原因

有打工仔提到自己年頭撳500係銀包,差唔多到年中變左5000,因為身邊個個都唔識用電子過數,泊車優惠又要電子消費唔可以用現金,令到次次食飯係靠佢轆卡,然後就夾現金比我,搞到越洗越多現金係身,要年尾調轉入返錢去銀行。

「除左(咗)收工要買野(嘢),每日100就夠啦,其實用都係用散銀多,係公司禁汽水機」

「我跑中港車,一般港幣200,人仔1000」

「每次㩒機$2800,攞個意頭」

「到便利店買嘢都是小額,另外到快餐店買外賣,通常都是用現金」

打工仔 錢 返工 借錢 網民熱話
【打工仔・網民熱話】圖片:電視截圖