唔刷鞋 唔埋堆 點喺職場上過好日子 「一係妥協 一係搵過第二份」|網民熱話

唔刷鞋 唔埋堆 點喺職場上過好日子 「一係妥協 一係搵過第二份」|網民熱話

【職場.網民熱話】職場生存之道,相信各位打工仔都有自己的一套!近日有網民在討論區中發文「求救」,該網民指,自己只想做個普通人,生活過得安好,但無奈在職場過得並不快樂,所以開帖詢問,想知如何在職埸上過好日子。

撰文:Smart ED編輯部|圖片:電視截圖、討論區截圖、unsplash|資料來源:討論區

唔刷鞋 唔埋堆 職場生存之道

樓主表示,自己「唔想刷鞋、唔想埋堆、沒有後台」,想知如何在職埸上過好日子。有網民回應指「做好本份已經足夠」、「無謂理人嘅目光!」,樓主坦言自己已經做好,但公司很多人,這樣會令自己失去機會,「我先26歲,我都想升多一級,依家得13,600左右」。

網民熱話 職場 公司 員工 同事 上司 埋堆 刷鞋 新工 打工仔 職場生存之道
樓主表示,自己「唔想刷鞋、唔想埋堆、沒有後台」,想知如何在職埸上過好日子。圖片:電視截圖

做好本分 慢慢就慣?

唔刷鞋、唔埋堆,在職場就很難生存?有網民對樓主的經歷身同感受,提到自己返新工一星期,但已發現自己無法「埋堆」,因此覺得奇怪,只好不斷安慰自己做好本分,慢慢就慣,亦有人覺得樓主這種情況要跟人傾訴,因為「收收埋埋」會更難受!

你都係咁啊….唉我返左新工1星期,返左(咗)幾日就睇得出我埋唔到大果堆,我個team成20幾人,我埋唔到堆又好似好odd,每日都同自己唔好勉強埋堆,做好自己本分先,慢慢就會慣….

網民熱話 職場 公司 員工 同事 上司 埋堆 刷鞋 新工 打工仔 職場生存之道
有網民對樓主的經歷身同感受,提到自己返新工一星期,但已發現自己無法「埋堆」。圖片:電視截圖

職場生存要少說話 多做事

另有網民向樓主傳授職場生存之道,直言在公司裡,「閒事莫理,眾埞莫企!少說話,多做事」,認為樓主要多聽多問,用心工作,但就不要向上司和同事透露自己的想法,因為「職場無朋友」。

網民熱話 職場 公司 員工 同事 上司 埋堆 刷鞋 新工 打工仔 職場生存之道
有網民向樓主傳授職場生存之道。圖片:討論區截圖

但有網民認為,樓主在公司無法「埋堆」,公事上亦未得上司欣賞,認為他要考慮認真考慮去留!有人覺得樓主只有兩條路可以行,「一係你就妥協埋埋,一係就搵過第二份」,並認為樓主目前的薪金13,600元,在市面上並不難找到類似價格的薪金, 「反正依家你呢個人工出到去都唔難搵,分分鐘更高添」,所以覺得樓主可以考慮辭職!

網民熱話 職場 公司 員工 同事 上司 埋堆 刷鞋 新工 打工仔 職場生存之道
有網民認為,樓主在公司無法「埋堆」,認為他要考慮認真考慮去留!圖片:電視截圖

要去到邊都有好日子過,要精通辦公室政治,即係樓主最唔想做嗰啲。唔願做就唯有調返轉外在環境嚟就你。搵一間溫室公司囉!真係有的,上司又nice,同事又nice,做野好開心,做出嚟嘅野又得到人認同,我試過返過份工,放假悶悶地時,會覺得返工對住同事仲開心架!甚至到放工時間會諗,乜咁快放工架!神奇呢!