診所職場事 【寶豬趣聞】補病假紙|珍寶豬|經一專欄

診所職場事 【寶豬趣聞】補病假紙|珍寶豬|經一專欄

診所職場事・ 經一專欄】有日一位先生嚟到診所。
佢行埋嚟登記處擺好三七臉姿勢,唔出聲唔出聲…

我:「請問係咪睇醫生呀?」
佢:「補返張假紙嘛!」

撰文:珍寶豬|圖片:電視截圖、unsplash

我唔知係咪其他同事聽過佢電話:「請問你係咪之前打過電話嚟通知要補返病假紙啊?如果係嘅,麻煩你俾一俾你嘅身分證號碼或電話號碼,我幫你CHECK返先呀」
佢:「我冇打過嚟呀,而家咁唔得咩」
我:「唔係唔得~麻煩你俾一俾你嘅身分證號碼或電話號碼,我幫你CHECK返先呀」
佢:「XXXXXXXX」

診所職場事 寶豬趣聞 補病假紙 珍寶豬 經一專欄
【診所職場事・ 經一專欄】圖片:電視截圖

我睇返排版:「你係唔見咗上星期嗰張係咪?想補返上星期嗰張呀?上星期係陳醫生簽病假紙嘅,要等佢返嚟先可以補簽返俾你呀~佢聽日先返」

佢繼續三七臉,我望到佢瞪大眼:「咩話?咩陳醫生呀?」
我嘗試解釋:「陳醫生今日唔喺度,要聽日先喺度~我同你Mark低你要補返張病假紙呀,你聽日可以過嚟拎返~」
佢:「我要而家攞呀,我要攞返公司呀」

診所職場事 寶豬趣聞 補病假紙 珍寶豬 經一專欄
【診所職場事・ 經一專欄】圖片:電視截圖

我:「因為你張病假紙係陳醫生開嘅,一定要俾返陳醫生補簽俾你㗎」
佢:「入面冇醫生咩?」
我:「入面嗰位醫生唔係你上星期睇嘅醫生,佢唔會代陳醫生簽俾你~」
佢:「唔係醫生咩?」
你去隔離問吓獸醫幫唔幫你簽呀不如?

診所職場事 寶豬趣聞 補病假紙 珍寶豬 經一專欄
【診所職場事・ 經一專欄】圖片:電視截圖

我:「係醫生,不過唔同㗎~你同公司講你聽日先拎得返張病假紙啦~」
佢:「你唔可以而家俾我咩」
俾到嘅我一早俾咗啦,你估我好想留你喺度咩,你個三七臉可唔可以轉去一九臉呀?我睇厭啦。
我:「而家陳醫生唔喺度嘛,你聽日過嚟啦,聽日有㗎啦」
佢終於退後幾步,佢望望四周:「我去錯診所咩?點解攞唔到呀?」
…我覺得自己一直努力講努力解釋一切都係白白枉廢。
我:「你冇去錯診所,陳醫生唔喺度呀,聽日過嚟呀」
佢:「咁我一陣俾啲咩公司呀?」

診所職場事 寶豬趣聞 補病假紙 珍寶豬 經一專欄
【診所職場事・ 經一專欄】圖片:電視截圖

我拎起筆,開始用心寫字…
『因陳醫生放假,病假紙將於X月X日補發』。
我遞咗張紙俾先生,佢問我:「咁得㗎啦?我交俾公司OK呀?」

我:「你記得聽日嚟拎返張病假紙啦」
佢口噏噏離開:「咁麻煩要人行兩次嘅」
其實我有個唔麻煩人又唔麻煩到自己嘅方法可以話你知~
自己好好keep好啲嘢,唔好整唔見咪得囉!

診所職場事 寶豬趣聞 補病假紙 珍寶豬 經一專欄
【診所職場事・ 經一專欄】圖片:電視截圖