15間公立醫院再「逼爆」 護士:我都係人 點解要畀你侮辱

15間公立醫院再「逼爆」 護士:我都係人 點解要畀你侮辱

職場】冬季流感高峰期間,公立醫院持續「逼爆」。醫院管理局日前表示,剛過去的周日急症室首次求診人次達6,090,已連續第11日超過6,000人次。其中伊利沙伯醫院有507人求診,為眾院之冠。共1,046人次經急症室轉入內科病房,而15間公立醫院的內科病房均「逼爆」,佔用率均達到或超過100%。
撰文:浩德 | 圖片:新傳媒資料室、unsplash

公立醫院護士的自白

公立醫院持續「逼爆」,本身工作量已超大的醫護人員固然是首當其衝嘅「受害者」,工作壓力可想而知。

其實醫護人員都係人,同大家一樣都係打份工,大家面對醫護人員時,有時可以加一分體諒。

公立醫院, 護士, 醫護人員, 工作壓力, 逼爆, 病房佔用率, 侮辱
圖片:新傳媒資料室

大家不妨花少少時間睇下以下呢位白衣天使嘅自白:

「好多人唔知護士其實都係人嚟,而人係要食飯。

有時啲家屬喺醫院餐廳見到你,都會走嚟問長問短,我知你哋擔心,但其實我哋本身食飯都要趕頭趕命。

仲要遇著你哋問極都問唔完嘅人,真係汗水眼淚都心裡流。」

公立醫院, 護士, 醫護人員, 工作壓力, 逼爆, 病房佔用率, 侮辱

辛酸1:食飯時間都無

仲要有時唔止係問啲同病情有關嘅問題,有同事就試過有個家屬走嚟問佢啲私人問題,幾歲呀?邊度畢業呀?入咗行幾耐呀?甚至人工……

原來想搵你同佢個仔相睇。同事避而不答結果被鬧「懶巴閉」。

其實我哋醫護人員雖然一日chur足咁多個鐘,但都係suppose有點點私人時間。

特別係如果你見到我哋仆緊落canteen,唔該唔好再截停我哋!因為醫院canteen唔係開24小時架!

公立醫院, 護士, 醫護人員, 工作壓力, 逼爆, 病房佔用率, 侮辱
圖片:unsplash

你截一截,我就要焗住去食杯麵或者咬三文治……

點解之前見到救護員半夜去買外賣呀?唔係貪方便揸救護車呀,係因為我哋係人而人要充饑!

如果唔係咪唔夠力救你哋呀!

家屬們,請你哋唔好乜都話係醫療事故。

公立醫院, 護士, 醫護人員, 工作壓力, 逼爆, 病房佔用率, 侮辱
圖片:unsplash

辛酸2:硬食死貓

明明同事已經向你交代咗個病情唔樂觀,但你就即刻兇神惡煞咁問係咪醫療事故,話自己畀得起錢,點解唔開特敏福。

唔知幾時開始喺大部份嘅市民心目中,特敏福變咗神藥,頭暈又嗌特敏福,抽筋又嗌特敏福,就嚟連扭親都嗌特敏福……

其實之前都有同事喺網上公開為醫護澄清過,特敏福唔係咩靈丹妙藥,而且佢嘅副作用好大,未到最後一刻都唔會亂用,正如你都唔會因為便秘而入院切咗條腸啦係咪呀?

醫護面對病人家屬討論病情轉差時,唔係真係隨口up。

公立醫院, 護士, 醫護人員, 工作壓力, 逼爆, 病房佔用率, 侮辱
圖片:unsplash

之前有位L醫生話我哋有時唔敢同家屬講病人病情轉差,係因為佢呢啲咁嘅高層根本唔知下面發生咩事!

咩唔敢講根本係無可能,我哋日日見慣生死,從來堅持坦誠,邊有話咩唔敢講吖?

只係有時報危後,有啲生命力強嘅病人捱得過,明明就係一件天大嘅喜事,但偏偏有啲家屬唔會開心咗先,而係第一時間去鬧啲同事,話我哋嚇佢、亂咁講嘢、差啲害死佢。

唔該,我哋從來無否定奇蹟嘅存在,點解救返又要畀你鬧、救唔返又要畀你鬧+投訴?

公立醫院, 護士, 醫護人員, 工作壓力, 逼爆, 病房佔用率, 侮辱
圖片:unsplash

辛酸3:祖宗十八代被問候

呢個世界人權泛濫,依家啲病人都好識講人權。明明手術前唔可以食嘢,就話你虐待佢要投訴。

用緊氧氣罩,話要拖住舊嘢落去行吓,阿生,你知唔知舊嘢唔係無線供電架?你點落lift呀?

唔畀你去,仲話我哋禁錮佢又話要報警咁,仲鬧爆你祖宗十八代。

其實醫護雖然向你提供緊醫療服務,但其實我哋唔係服務性行業!就算係,都唔代表可以畀你侮辱!

我哋可以告返你,只係如果真係每一個醫護都要告嘅話,我驚排到十年後都未完相關案件!

公立醫院, 護士, 醫護人員, 工作壓力, 逼爆, 病房佔用率, 侮辱
圖片:unsplash

延伸閱讀:

9型麻煩人格 你身邊啲同事中幾多