內地人薪酬咁低 點會有咁多錢買樓 | 樓市大踢爆 | 1%Anthony | 經一專欄

內地人薪酬咁低 點會有咁多錢買樓 | 樓市大踢爆 | 1%Anthony | 經一專欄

內地人・經一專欄】去年夏天,有幾天假期,與家人跟團到惠東玩幾天。記得以前跟團,導遊多多少少總會有嘢Sell,日間Sell特產,夜間Sell宵夜或睇Show,出得去玩求開心,多多少少都會幫襯吓,奇怪的是,那次行程導遊竟然冇乜Sell嘢!行程表有介紹,夜晚可以自費去睇Show,但導遊就提都冇提,要我哋追番佢轉頭…

撰文:1%Anthony|圖片:新傳媒資料室、unsplash

內地人好有錢?

八卦追問之下,驚人發現!

真人真事!

筆者: 好似話夜晚有Show睇,你會帶我哋去睇嗎?

導遊: 自費項目嚟嘅,有興趣自己去XXX買飛就得架啦。

筆者: 有冇話搵邊個?

導遊: 你去售票處搵婷婷啦,你話XX旅遊奇哥介紹就得。

筆者: 你都幾好喎,以前跟團,啲導遊好Hard Sell架。

內地人 旅遊 賠償 樓市大踢爆 1%Anthony 經一專欄
圖片:unsplash

導遊: 賺得幾多丫~~

筆者: 今晚有咩節目呀?

導遊: 約咗班朋友出海,食海膽飯~~

筆者: 咁正?咁夜都有船出海咩?

導遊: 之前收地賠錢,屋企人買咗隻遊艇,咪搵朋友出吓海囉。

筆者: 哦~~恭喜晒喎!

好多網友問…大陸人工咁低,點會有咁多錢買樓呢?

又有好多網友問…會唔會淨係啲貪官、奸商有錢咋?好明顯,你唔了解大陸發展!當然,偏財是有的,然而,近年確實無數國內人,賺正財發達。

今次講想分享的是…拆遷賠償!好多人因此而一夜置富!過往大陸以農立國,絕大部份地方都是農村、漁村,隨着經濟高速發展,很多地方紛紛收地重建。由於很多人以前都是種田,在田裡自建村屋居住,每戶擁有的地方不少,例如一幢三、四層高的村屋已經有幾千呎,右上屋前的一塊農地,賠起來,可不得了。

內地人 旅遊 賠償 樓市大踢爆 1%Anthony 經一專欄
圖片:unsplash

即使是二、三線城市,只要地段不俗,隨時都賠幾百萬,甚至過千萬。之前大陸考察團到湖南睇樓,遇過一個富有的巴士司機強哥。就是類似的情況,一幢小村屋約4層高,家門前有一塊小農地,幾年前來收樓,就賠了680萬,當時附近一些新落成的樓,每平方米才3、4千元,賠了錢,不要亂花,馬上就跑到附近買新樓,可以買到十幾間!單是收租已經夠養妻活兒了!還未計算城市發展,樓價再升一倍、兩倍,賣了又再買,條數仲襟計!

內地人 旅遊 賠償 樓市大踢爆 1%Anthony 經一專欄
圖片:新傳媒資料室

筆者還是小學生的時候,挺黑暗的。由於父親一代已經移居香港,鄉下的親戚對我們的祖屋虎視眈眈,於是就千方百計,迫使我們將祖屋賤賣給他們,已經是幾十年前的事了,近年在大城市已經很少聽到這些事情。

首先國家對拆遷賠償已經有明確的指引,加上之前有多成功的舊改例子,令大部份村民都明白到,同心合力,賺的錢將會更多、更長遠,情況大為改善。

今天,很多拆遷戶,都獲得了巨額賠償。所以睇新聞都知道,很多農村只要成功拆遷收地,不久該處就會有車展,家家戶戶有理冇理都會先買部靚車歎吓世界,再諗賠償巨款點用。聽說,大陸每十個千萬富翁,就有一個是農民,也不是沒可能。

內地人 旅遊 賠償 樓市大踢爆 1%Anthony 經一專欄
圖片:unsplash

所以不要懷疑大陸人買樓的能力了。就像導遊奇哥,雖然份工只有幾千元,但家裡卻有幾層樓收租,加上自小家住海邊,又買了遊艇,閒時與朋友出海食海膽飯,這只是其中一條發達之路而已,還有更多更發的,往後再跟大家分享。

內地人 旅遊 賠償 樓市大踢爆 1%Anthony 經一專欄
圖片:unsplash

筆者當天沒有出每的份兒,於是就問奇哥,睇Show之後到那裡食宵夜,可以食到靚海膽飯呢?原來海邊一排食肆,海膽炒飯挺出名,海膽的份量挺重,炒飯功夫也到家,美味難忘。