嫁入豪門入行門檻

嫁入豪門入行門檻

早兩日出左篇《育成10優香港小姐要洗幾錢?》估唔到迴響咁大,仲有人問小編,千幾萬買間豪宅,仲可以有兩、三厘租金回報,究竟將個女培育做十優香港小姐,有幾多回報先?

其實香港小姐真係優質盤黎架,你睇幾多有錢佬爭住要就知啦!有辦你睇,李嘉欣嫁俾富商許晉亨,朱玲玲先嫁入霍氏家族霍震霆,後嫁地產達人羅康瑞。麥明詩係咪下一個就唔知啦,不過有會考十優兼劍橋呢個咁靚的PROFILE,要入都應該唔難。如果你都想嫁入豪門,都唔係冇方法,有啲都算幾抵。

方法一:成為高學歷港姐要1,250萬元,詳細內容可以參閱上一篇《育成10優香港小姐要洗幾錢?》http://www.edigest.hk/Vip/detail?id=1099

方法二:成為高學歷Model都要500萬元?唔係講笑,好似徐子淇咁,佢係英國倫敦大學政治經濟學院碩士生,如果只係計學士同碩士學位,個價差唔多架啦。

方法三:嘩!小編覺得呢個方法好啱自己,成為記者可以接觸好多名人,好似甘比就成為富商劉鑾雄女友,仲幫佢生埋仔女。而做記者,最好就係讀新聞系學士,四年學費20萬元,入行門檻低咁多,諗得過!

方法四:唔想做記者,做靚靚頭等艙空姐又得。如果識多幾種語言,獲聘機會大增,識唔識到個大有錢人,好多時都係睇有冇多兩句嘢講,所以花10萬元去學外文都真係唔慳得。

方法五:拿唔好話貴啦,鑽石媒人Mei Ling,即係之前幫無記《盛女愛作戰》做幕後顧問個位,最近開左個身貴族交友會,聽聞好多筍盤高質男仕參加架,連新民黨立席葉劉淑儀都幫佢係facebook宣傳。女士入會費係……25,000元?無睇錯,係25,000元,但男士就8,000元。釣唔釣到咁龜就唔知啦,但門檻就比上面的低好多……試下無妨呀!

相關文章