診所職場事 【寶豬趣聞】派利是|珍寶豬|經一專欄

診所職場事 【寶豬趣聞】派利是|珍寶豬|經一專欄

診所職場事. 經一專欄】有日一位太太嚟到診所,佢因為需要做一啲檢查,我就入咗去跟症~喺佢檢查後準備離開醫生房時,佢突然醒起有啲嘢未做咁:「呀!爭啲唔記得!」

撰文:珍寶豬funnyclinic)|圖片:電視截圖

太太嚟診所派利是?

佢喺手袋入面拎出兩封利是遞俾醫生:「新年快樂呀!恭喜發財呀!生意興隆呀!」
…你多啲嚟醫生咪生意興隆嘅概念嗎?
醫生尷尬:「唔駛啦唔駛啦,都過咗十五」

診所 檢查 珍寶豬 診所職場事 寶豬趣聞 經一專欄
太太檢查後準備離開醫生房時,佢突然醒起有啲嘢未做咁:「呀!爭啲唔記得!」圖片:電視截圖

佢:「未過正月呀嘛,利利是是,你有個女㗎嘛,點都要嘅!明知你有個女都唔俾嘅話好唔吉利㗎!」
醫生尷尬收咗嗰兩封利是:「多謝啦」
太太繼續坐喺度,望住醫生。
醫生:「你可以出去等㗎啦,一陣姑娘會出藥俾你,你出去坐吓先」

診所 檢查 珍寶豬 診所職場事 寶豬趣聞 經一專欄
太太繼續坐喺度,望住醫生。圖片:電視截圖

太太幫仔女逗利是

太太輕輕拍打自己心口:「醫生,我都有細路,你唔記得啦?」
醫生望望排版:「係,你有呀」
太太:「係囉,你知呀可?我有三個㗎嘛,大仔叫XX,細仔叫XX,仲有個女XX呀」
醫生點點頭。我感覺到太太係嚟追債…
我開聲同太太講:「你可以出返去㗎啦,醫生會開藥俾你,你出去等呀,我去開門俾你」
太太怒睥我:「我有嘢未做完呀!」
好強嘅氣呀!你個『有嘢未做完』會唔會就係要幫三個仔女逗埋利是呀?

診所 檢查 珍寶豬 診所職場事 寶豬趣聞 經一專欄
太太輕輕拍打自己心口:「醫生,我都有細路,你唔記得啦?」圖片:電視截圖

逗唔到利是就遷怒於我

太太望住醫生:「係囉,我嗰三個你都由佢哋細細個睇到而家咁大啦」
醫生:「係呀係呀…」

太太望住醫生展現笑容。
…好恐怖。
醫生鼓起勇氣,決定唔再逃避:「我派到十五」

診所 檢查 珍寶豬 診所職場事 寶豬趣聞 經一專欄
醫生鼓起勇氣,決定唔再逃避:「我派到十五」圖片:電視截圖

太太唔知做咩將怒氣遷怒於我,突然擰個頭嚟怒睥我。
我:「…係咪出得去?幫你開門?」
太太激氣到彈起身:「開啦!咁多嘢講!都唔得醒目!」
俾完利是仲要俾診金,真係蝕到入肉嚕,陰公~

診所 檢查 珍寶豬 診所職場事 寶豬趣聞 經一專欄
太太激氣到彈起身:「開啦!咁多嘢講!都唔得醒目!」圖片:電視截圖

相關文章