埋黎睇埋黎揀   私煙BB寫真3大絕世用途(附送自家制催運符)

埋黎睇埋黎揀 私煙BB寫真3大絕世用途(附送自家制催運符)

呢個世界無奇不有,咩嘢都有可能會發生,星爺都講過啦:「你估我唔到架!」

撰文:JOEY

對於小編而言,呢排最令小編吃驚嘅就係喺繼雞扒妹、雪雪BB出噴血寫真之後,正值中年嘅「政界名人」私煙BB竟然都會拋個身出嚟… 影寫真出書打破後生女壟斷市場嘅局面、為廣大市民成功爭取一個另類嘅寫真市場,話畀全世界知女人係幾歲都可以出寫真嘅!因為祖國創造咗美圖秀秀!

不過私煙BB出寫真就緊係唔係得個睇字咁簡單!人地私煙BB不嬲都走「潛涵」路線(潛咗水嘅內涵,即潛涵),所以只要買嘅人用得其所,你買嘅私煙BB寫真集就絕對唔止睇得咁簡單!等小編分享幾個用途畀大家開心SHARE!

(一)鎮宅

個鎖壞咗唔打緊~ 只要你有一本私煙BB寫真集,狠下心腸撕兩頁出黎痴喺門口,效果可媲美幾十萬一套嘅外國勢力保安系統!

(二)慳錢買樓
帶飯慳飯錢、唔去日本或者睇少啲戲呢啲慳錢買樓法已經OUT哂喇!作為新時代嘅人我哋幾時都要諗啲創意招數出嚟先有機會上車加嘛,肚餓時拎本私煙BB寫真集睇睇,即刻止餓,日日咁慳法一定好快買到半山豪宅!而且又唔洗煩要帶女朋友去食咩,因為你只要俾佢睇睇呢本年度最驚喜刊物就已經飽哂啦,係咪:)?

(三)提神
香港人工時長真係不爭嘅事實,但都無計啦,咪個個打工仔捱住眼瞓返工囉。講起提神方法,你唔係仲係飲緊咖啡扮中產呀話?真係so out date LOR… 一本私煙BB寫真集其實係一本拎得起嘅藍籌,係你眼瞓嘅時候望一望佢,永遠都可以令你即刻醒哂,又唔洗你不斷為佢付出,慳埋慳埋啲咖啡錢又可以拎去買樓喇,仲可以幫埋啲同事提神添… (嘻嘻)

一本私煙寫真集真係可以令你生活處處獲得方便,分分鐘勁過一張黑卡呀!小編順手整咗張催運符畀各位讀者,印出嚟擺係銀包傍身,好過帶CASH架!唔洗客氣,隨便拎去洗啦!