咪阻住我食豬扒飯 一個小兵變真男人的勵志故事

咪阻住我食豬扒飯 一個小兵變真男人的勵志故事

是咁的,剛剛去左大_活食飯,見識到一位兵變嘅真男人嘅故事,由個男人嘅髮型到身型我都覺得佢係一個資訊有用嘅IT_(但係整齊嘅),而係佢身邊一齊出現嘅係一個衣著打扮應該出現係老蘭而唔係大快_火野過火野麗咁戰鬥架勢嘅女人…小毒毒嘅我無勇氣影相..

女:你話好想食就係食呢d丫?!

🙄
男:係丫,焗豬扒飯麻,講左啦

女:邊度好食嫁?!

😠果d茄又唔係意大利茄..豬扒又唔知係唔係有病巴西豬…(下略三四句)
男:又係你問我想食乜嘅(平靜聲)

女:做咩鬧我者?!我都黎左陪你食啦!我連阿媽都無要過我食_快活嫁!你重要鬧我,你以前做我男朋友果時都唔會咁嫁!😡

😡😡
男:男咩朋友丫,我前兩日先見到你同第二個男人去老蘭食飯直落,我無咁好福氣做你男友丫(個男人聲線都重係好平靜)

女:果d朋友黎者,你先係我真命天子麻

😘😘

😘😘

😘
男唉左聲:我追你追左兩年,個個月送成皮野禮物比你,揸車接送連私人保母,都算啦,你靚你多人追有權㨂,我架爛鬼車你話過襯你唔起住,要有貴樓貴車先襯到你麻,而家知我搵多左少少錢,知我父母有d錢,知我係英國籍你就話要結婚話要有bb…

女打斷個男人講野:唔係啦😘

😘我真係覺得自己大個女要諗下將來( 祭出如時間洪流一樣嘅事業心來)咁我覺得咁多人入面我最鐘意係你,只覺得你可以一生一世嫁ja,以前無話你係我男朋友係諗住比目標你追我麻,咁快到手男人好易變

男:X你連焗豬有幾好食都唔X知講咩將來!

果刻我見到個男人有幾秒變左超西3幾秒😨頭髮都金埋咁,之後爆左一堆話佢唔尊重佢老豆老母,話一齊去食個飯都唔去,只係係街見過,以為佢地係草根就睇佢地唔起…(下略差不多10分鐘)

條女_曬面咁解釋一輪之後爆左句:咁你而家積係唔要我啦!

男嘅只係答左句:係,無咩唔好阻我食埋個焗豬。

就因為呢一句心底話,我決定分享佢嘅故事

之後果個人兄對住食咖哩腩飯嘅我作出一個微笑同欣賞嘅眼神,而我都以一個微笑同尊重嘅手勢支持左呢位人兄對焗豬嘅尊重同執著,可惜無青島,如果唔係我一定同呢位人兄好好傾下佢過去嘅英雄出處同事跡

#點解大_活無花生爆谷買
#焗豬嘅浪漫
#英雄要問出處
#_快活為你做出一百分

文章授權:Rory Chan