【移居沖繩.上】港夫婦不懂日文揾到工 每3個月會合家人去旅行:喺沖繩等!

【移居沖繩.上】港夫婦不懂日文揾到工 每3個月會合家人去旅行:喺沖繩等!

「我的故事悶嗎?」在電話訪問完結時,移居沖繩的香港人Connie如此問道。沒錯,Connie的經歷說不上精彩絕倫,不如跑到世界邊端展開「第二人生」般要捨棄一切,或是嫁給異國男子的移居故事般教人驚喜。

這是平凡打工仔的故事,她和丈夫人到中年,沒有子女的負擔,希望嘗試去外地生活,看看世界。他們不懂日語,卻覓得沖繩某旅遊公司的工作機會,有香港和日本的物業收租,又和朋友在沖繩合資買地起民宿:「既然無咩負擔,就出去睇吓個世界,啩?」

撰文:SmartED編輯部| 圖片:由受訪者提供

達事業目標:係咪應該試吓其他嘢?

Connie丈夫原本任職資訊科技,不時要半夜三更搶救失靈的伺服器。而Connie畢業後開始做採購工作,不時要飛到美國公幹,年輕時享受到外地工作,人大了卻只覺疲累,後來事業達到給自己定下的目標,她開始問自己:「我覺得有啲攰、有啲悶。我想去一個Regional嘅位,又覺得已經做到,生活都係咁樣繼續落去,係咪應該可以試吓人生其他嘢?」

第二個家離香港只有75分鐘航程:唔想離開父母咁遠

第二個家,他們選擇了位於日本南部的渡假勝地——沖繩。Connie覺得,日本的法制較港人移民熱門地馬來西亞完善,天氣亦較新加坡舒適,相對之下沖繩的氣候對患濕疹的丈夫較為友善,而且沖繩沒有東京大阪的急促。

更重要的是,沖繩和香港的距離只有2小時15分鐘的航程:「唔想離開父母咁遠。而家佢哋可以隨時嚟,日本又唔係好危險嘅地方。做Merchant嗰時覺得去美國好遠好辛苦,如果去美國,可能媽媽一年淨係嚟探我一次。」

第二個家離香港只有75分鐘航程 唔想離開父母咁遠
每2、3個月,她都會相約她的家人到日本各處一起旅行。

不懂日語覓得工作 學日文加Google Translate足以應付

為準備到沖繩生活,他們最初先經香港代理,在日本開公司買大阪樓收租,開拓日圓收入;又覓得在沖繩那霸市附近的家自住。不懂日語的他們,碰巧見到沖繩的旅遊公司有招聘廣告,需要懂得英語和國語的人才,他們便寄信應徵,Connie在信中亦額外提到,在沖繩已有自住物業,希望獲工作機會以居留日本:「我唔想畀佢睇到,我係外來人,你要provide宿舍畀我。」

他們雙雙獲同一間公司聘,在2018年底開展在沖繩的生活。他們在旅遊公司做「通譯」工作,面對旅客解答疑難,亦要將文件由英語翻譯成中文。為學日文,他們在平日休假上堂。現在,他們的日語程度,配搭中文單字和偉大的Google Translate,亦尚算足夠應付工作:「有時就算估估吓,叫佢寫個漢字畀我睇吓就知㗎啦。有時寫日文Report,我會寫英文跟住Google Translate,都應付到。 」

相關文章:【移民日本條件】「投資移民」只需36萬港元 申請日本永住簽證5大方法

朋友由不認識沖繩到與朋友合資辦民宿

他們在沖繩的工作不如日劇般的東京打工仔下班後還要應酬,假日去上日文班,享受沖繩的寧靜,生活寫意,Connie在訪問中途也不時著記者有機會要去一趟,訪問完結時,她不忘傳來兩張沖繩的照片,「等陣畀你睇,今日天氣真係好好,成日都係咁好。」每當她分享在沖繩的生活,總是流露著對沖繩的熱愛;聽得多,就連她的朋友亦因此開始認識和留意這個在日本西南端的海島,「佢哋以前都唔係幾認識」。

Connie有兩組朋友都希望到沖繩生活,但資歷不符工作簽證的要求,便考慮以「經營者簽證」居留在日本。他們合資在沖繩買地起民宿,預計今年4、5月落成。

這個沖繩民宿計劃,實踐得如何?遇到困難嗎?詳見下集:【移居沖繩.下】港人合資買地起民宿難找建築公司?「做咩要報價畀你?」

朋友由不認識 沖繩 到與朋友合資 辦 民宿
在日本,建屋前同樣有動土儀式。

日本各處會合家人旅遊:嚟緊帶佢哋去鹿兒島

對於起好民宿後的回報,Connie只說沒有多想,重點在於經營簽證,也不奢求收入龐大。關於收入,Connie來日本前已早有計劃,一早預計日本工作的薪金比不上香港,「喺香港做嘅人工,2個月等於呢度一年。唔好諗住喺度搵到好多錢」,另有香港有物業和車位收租,在大阪亦有買樓收租。在這裡工作,或許難以追求事業上的成就,Connie亦深知公司裡較核心的位置,不會由外地人擔任,「應該話,其實嚟呢度已經無諗。」

每個人的美好生活定義都不同。到異地生活,轉變生活環境,不愛東京大阪的繁華都市生活,反而愛上沖繩海島的寧靜;每2、3個月,她都會相約她的家人到日本各處一起旅行:「之前同屋企人去過九州嘅福岡、熊本,嚟緊會約佢哋喺鹿兒島等,等佢哋可以出去睇吓世界。」

她說,移居日本沒有捨棄在香港的人和事,生活得平凡;這從來都不是破釜沉舟的故事。下集:【移居沖繩.下】港人合資買地起民宿難找建築公司?「做咩要報價畀你?」

日本 各處會合家人 旅遊 嚟緊帶佢哋去 鹿兒島
Connie:「之前同屋企人去過沖繩、九州嘅福岡、熊本,嚟緊會約佢哋喺鹿兒島等,等佢哋可以出去睇吓世界。」