【移居沖繩.下】港人合資買地起民宿難找建築公司?「做咩要報價畀你?」

【移居沖繩.下】港人合資買地起民宿難找建築公司?「做咩要報價畀你?」

上文提到Connie以工作簽證在沖繩居留,有兩組朋友受她影響,希望到沖繩生。Connie有兩組朋友都希望到沖繩生活,但資歷不符工作簽證的要求,便考慮以「經營者簽證」居留在日本。他們決定合資買地起民宿。然而,港人由零開始在日本買地起樓,從來都不是易事。

撰文:SmartED編輯部| 圖片:由受訪者提供

與朋友合資辦民宿以申請經營者簽證

「經營者簽證」類近投資移民,雖只須投資500萬日圓(約36萬港元),但重點更在於要實際營運業務,在沖繩開民宿也算是不錯的選擇,「因為好多人嚟旅行,我自己喺度做旅遊有關嘅嘢。」

上集:【移居沖繩.上】港夫婦不懂日文揾到工 每3個月會合家人去旅行:喺沖繩等!

他們合資做民宿生意,不止她的朋友,連Connie都可留後備方案。假若他日Connie失去工作簽證,仍可轉為申請「經營者簽證」:「我想可以有選擇權,唔係工作選擇我。而家工作都開心嘅,但係都係準備定。」然而,幾個香港人想在日本買地起民宿,從零開始,連想獲建築公司報價也難。

與 朋友 合資辦民宿以申請 經營者簽證
這是建屋前的拜神儀式。

買地起樓第一件事:準備在地朋友

Connie早前買大阪樓放租認識租務管理公司的老闆,他們放棄拓展沖繩的地產生意,決定將一塊位於沖繩旅遊熱點恩納的地賣給Connie和她的朋友,老闆也順道介紹了幾間建築公司。

她也曾嘗試找其他公司報價,希望貨比三家,比較不同公司買地加起樓的總支出,卻是處處碰壁,「佢覺得我做咩要報畀你?塊地都唔係你嘅,你係外國人,間建築公司根本唔會quote畀你。」Connie只想知道大概的價錢,好作預算,但日本人做事從來沒有「大概」:「佢又唔會報大概畀你,一報就報個真嘅畀你,寫得好details。」

她好不容易另外找來一間公司願意報價,但價錢比老闆介紹的公司為高,最後還是選擇老闆介紹的建築公司。即便如此,老闆亦要清楚向建築公司交代,將會賣地予Connie;即使Connie和朋友未正式做買地起樓的決定,亦好讓建築公司有信心Connie合作,為他們報價和做準備工作:「呢個人就係將會買我塊地㗎啦,係真係要咁講。」

在日本買地起樓,有錢非萬能,沒人為你引路更是難以成事:「自己衝入去睇地睇樓,真係沖繩嘅人唔會理你,佢唔會好似香港咁aggresive,你唔鍾意A,我畀B、C你?唔會囉,尤其你係外國人。」所以,說到底,香港人要在當地買地起樓做生意,第一步應該點做?Connie笑說:「要準備個在地嘅朋友,如果唔係真係好難。」

相關文章:【移民日本條件】「投資移民」只需36萬港元 申請日本永住簽證5大方法

與日本建築公司合作不怕受騙 每棟民宿成本200多萬港元

他們合資買地,將建4棟房子,平均每棟成本約三、四千萬日圓(約200多萬港元)。整個民宿計劃在2019年年初開始,預計今年4、5月將落成。工程其實只需大約8個月,當中大部分時間都在等香港的朋友在日本開公司,再以公司名義買地起樓,用以將來申請經營者簽證;又將買來的地分成四份,「雖然係朋友,但係可能人哋第時需要錢,都可以獨立放售,呢個係香港人嘅Mindset。日本人會覺得好奇怪。」

與日本 建築公司 合作不怕受騙 每棟 民宿 成本
香港的工程動工前有動工儀式。他們在日本建屋前,亦要先進行拜神儀式。

開初,建築公司還會每項細節問Connie和朋友的意見,後來Connie也放心交由建築公司決定,「 揀揀吓,就不如你揀,無所謂,因為我哋都唔識。總之我哋希望柔和、光光猛猛就OK。」

建屋前要先確定地段能興建民宿,她亦要靠建築公司幫忙辦理開民宿生意的「365日簡易宿泊牌照」,以及跟當地的政府部門和村長報備;若非有建築公司代勞,她亦不可能知道在當地建屋要通知村長,「呢啲唔搵當地建築公司,你點去搵。我唔會驚比人呃,我唔知點解嚟到日本無驚俾人呃。」

對投資有信心:我諗回報會多過車位

問到她對投資民宿的期望回報,她說:「我覺得呢個投資可行,因為除咗間屋,個牌都係重要嘅投資,如果有日唔想再做,我賣出去都有個value。我諗回報點都會會多過香港嘅車位,車位每個月都係3000幾港紙。」 然而,她說民宿計劃的重點不在於回報,而是申請經營簽證的資格,「好似而家嘅工作唔係賺好多錢,無可能同香港人工比,但係我哋可以係度生活。」