返工長期對電腦 頭痛 眼矇

返工長期對電腦 頭痛 眼矇

打工仔返工長期用電腦,一日有3分1嘅時間都係對住電腦螢幕,相信唔少人都會做到頭又痛、眼又矇、肩頸都痛。

撰文:Smart ED編採部|圖片:unsplash

長期望住電腦,對眼會好攰,因為由像素組成的電子字符邊界模糊,令人眼難以維持焦點,所以眼睛會不知不覺間試圖將焦點由字符轉到背景,以放鬆眼球肌肉,但反覆切換焦點就會導致眼部疲勞。

另外,在電腦前工作會降低眨眼嘅頻率,由正常一分鐘眨眼17次,降至一分鐘眨眼12至15次,同時令眼睛濕潤度降低,導致眼睛發乾、出現紅筋等。

返工 打工仔 電腦 螢幕 頭痛 眼矇 肩頸
圖片:unsplash

無同電腦螢幕保持適當嘅距離,仲會導致頭痛同肩頸痛。

好多時唔覺唔覺,個頭就愈嚟愈近個螢幕,對眼就需要更用力去聚焦,眼球肌肉太過繃緊,就會牽連埋個頭都痛埋,特別係太陽穴個位。

而且,個頭太近螢幕、張枱嘅高度唔適合,連帶坐姿都會唔正確,肩頸縮起,姿勢保持一段時間就會引致肩頸痛。

返工 打工仔 電腦 螢幕 頭痛 眼矇 肩頸
圖片:unsplash

坐Office對電腦仲有其他問題,長期久坐好容易導致下身肥胖、水腫,女士尤其嚴重,同埋血液集中係腿部,頭腦仲會無咁精神。

女士仲要擔心另一個危機,就係長時間喺冷氣房,皮膚喺低濕度嘅環境下,會被抽乾水分,如果坐位喺窗邊,仲會加速衰老、面部愈來愈多皺紋同暗啞。

返工 打工仔 電腦 螢幕 頭痛 眼矇 肩頸
圖片:unsplash

唔想返工返到又肥又殘,就記住以下6點喇!

1.舒緩眼睛不適,記住「20-20-20」法則,即每望電腦20分鐘,休息20秒,望向20英尺(約6米)以外嘅地方,畀眼睛有休息嘅時間。

2.減少頭痛機會,頭部與電腦螢幕保持喺51-66厘米之間,令眼睛有舒適嘅聚焦距離。

3.避免肩頸痛,要保持良好坐姿,調較坐椅嘅高度,讓手肘可以平放喺枱面、電腦螢幕比眼睛低10-20厘米;唔好蹺腳坐,避免盆骨唔平衡而導致脊椎痛。

返工 打工仔 電腦 螢幕 頭痛 眼矇 肩頸
圖片:unsplash

4.午飯後散步30分鐘,加速血液運行,唔會聚晒啲血喺下半身,有助消除下半身水腫問題。散步仲可以有提神作用,唔會飯氣攻心、腦閉塞。陽光仲有助身體吸引維他命D,有助改善情緒,醒神啲。

5.返工要做足保濕,可以喺枱頭放個加濕器,使周邊嘅空氣保持濕潤,皮膚唔會被抽乾水分,慳返買護膚品嘅錢。

6.如果坐位喺窗邊,就記得拉埋窗簾,或者加返個遮光板,唔會畀皮膚長時間接觸到紫外線。

除咁做足預防措施,仲有啲伸展運動可以坐住做。

返工 打工仔 電腦 螢幕 頭痛 眼矇 肩頸

坐著抬腿

保持上半身挺直,坐到座椅的1/3位置,雙手捉實座椅扶手,左右腳輪流抬起至與大腿成一直線,維持30秒,每邊做5次。

腰背伸展

坐喺座椅上,雙腿固定好,平放踩地,將上半身扭轉向左邊,頭部180度轉,雙手放喺椅背,伸展腰部,保持15秒,再轉向右邊,做相同的動作。

肩頸拉伸

腰背挺直,十指交叉緊扣,向前伸直,掌心向外,然後雙手保持緊扣,高舉過頭,頭部微微向下,維持10秒,做15-20次。

延伸閱讀:8個紓緩頭痛的方法 飲可樂 糖漿 免食藥傷身

頭痛是最常見的都市病,10個香港人超過一半都有經常頭痛的煩惱。面對頭痛,相信大部分人都會先嘗試「死忍」,但最終還是忍不住要食止痛藥,甚至愈食愈多,何其的傷身體。想紓緩頭痛,但又不想依賴止痛藥,不妨試試以下8個紓緩頭痛的方法,助你不靠藥物脫離頭痛困擾。

撰文:Emily | 圖片:Pinterest | 編輯:亨利

即學8個紓緩頭痛方法

1. 飲可樂

頭痛 食藥 可樂 糖漿 甘菊茶 穴位 浸腳 紙袋呼吸法

咖啡因有止痛的作用,而可樂則含有咖啡因成分。頭痛時飲罐可樂,待半小時左右,就會有紓緩頭痛的作用。

不過此方法只適用於輕微頭痛,而且不能每次頭痛都使用,否則腦部就會適應咖啡因的刺激,失去效用。

2. 飲糖漿

選擇高素質的有機楓葉糖漿,每逢頭痛時直接飲1湯匙份量,靜待大概15-20分鐘就會感受到頭痛有所改善,此方法對經期時的偏頭痛尤其見效。
頭痛 食藥 可樂 糖漿 甘菊茶 穴位 浸腳 紙袋呼吸法

3. 飲洋甘菊茶

洋甘菊本身有消炎及止痛的功效,睡前喝1杯洋甘菊茶,能鎮靜心情,紓緩頭痛,同時提高睡眠質素。
頭痛 食藥 可樂 糖漿 甘菊茶 穴位 浸腳 紙袋呼吸法

4. 按摩穴位

頭痛時可靠按摩相關穴位來止痛。例如百會穴及風池穴,以姆指指腹按壓10秒穴位,鬆手後待數秒再按下一次,連續按3-5分鐘,就有紓緩頭痛的效果。
(一)百會穴:位置在頭頂的正中央。
頭痛 食藥 可樂 糖漿 甘菊茶 穴位 浸腳 紙袋呼吸法

(二)風池穴:位置在後頸大筋的兩旁凹處。
頭痛 食藥 可樂 糖漿 甘菊茶 穴位 浸腳 紙袋呼吸法

5. 熱水浸腳

準備1桶熱水,水的高度最好能覆蓋小腿,浸10-15分鐘,就可以促進全身血液循環,紓緩腦部神經,紓緩頭痛各種症狀。
頭痛 食藥 可樂 糖漿 甘菊茶 穴位 浸腳 紙袋呼吸法

6. 熱敷後頸

將熱毛巾敷在後頸,能調節體溫、刺激血液循環,同時調整自律神經,有助紓缓頭痛不適,對頸梗膊痛引致的頭痛特別有效。
頭痛 食藥 可樂 糖漿 甘菊茶 穴位 浸腳 紙袋呼吸法

7. 紙袋呼吸法

用紙袋蓋着面部,留少許空位讓空氣進入,在紙袋中呼吸大概10分鐘,以吸入自己呼出的二氧化碳,漸漸就會感受到紓緩頭痛的效果。
頭痛 食藥 可樂 糖漿 甘菊茶 穴位 浸腳 紙袋呼吸法

8. 縮下巴運動

經常低頭玩手機令頸部受壓,是很多人經常頭痛的主因。而縮下巴運動,就能達到放鬆受壓神經,紓緩頭痛的效果。只須盡量將下巴往內縮,連續做10次,進行時保持正常呼吸即可。
頭痛 食藥 可樂 糖漿 甘菊茶 穴位 浸腳 紙袋呼吸法

延伸閱讀:

6種運動前不可吃的食物 吃了易抽筋 快缺水

運動 食物 健康 不良反應 汽水 抽筋 能量棒 朱古力 蔬菜 牛油果 乳酪 缺水