iPhone漏洞出沒請注意 點改密碼最安全?

iPhone漏洞出沒請注意 點改密碼最安全?

iOS 10出台一如以往又被大爆有眾多問題未解決,機身過熱、耗電量升或者hand機等,不過最大嘅問題係,原來一眾iPhone用家需要面對更新帶來嘅保安漏洞。

撰文:Joey

iOS 10嘅新密碼認證方式令到黑客可以更輕鬆破解以及盜取我哋手機入面嘅資料,我哋用家可以做嘅嘢除咗等蘋果公司修復相關漏洞,就係改返個安全性高嘅密碼,等黑客嘅惡意程式無咁易可以撞中我哋嘅密碼從而盜取資料。

咁到底一個點樣嘅密碼先係最安全?專家就話,最高危嘅密碼第一當然係只有一堆數字嘅密碼,表表者就梗係「123456」,而同樣高危嘅,就係英文單字。因為部份惡意程式可以照住字典入面嘅單詞逐個撞,就算設定咗大細楷都係嘥氣。

有英國網絡安全專家就話,密碼複雜度高並不足以提高安全性,而係應該著手諗個長啲嘅密碼,例如易記嘅英文句子咁。如果你設定一個12個位、由三個唔同嘅英文單字組成嘅密碼,即使意思有所關聯,黑客透過程式都需要用起碼300年先撞得中,但首先佢要有咁長命…

專家認為一個14個位嘅密碼就係最安全又唔難記,如果黑客要撞中哂呢14個位,就起碼要試811萬億次,而如果你用一個16個位嘅密碼,黑客就需要20億年去嘗試破解。所以大家係時候改一改你用開嘅8個位密碼,以防資料被人用短短幾日就外洩出去啦!

伸延閱讀:
【去旅行必備 WiFox 世界機場WiFi 密碼地圖】
http://www.edigest.hk/Vip/detail?id=5388
【WhatsApp常用英文縮寫 一次過學晒】
http://www.edigest.hk/Vip/detail?id=5217

【飲少40,000杯凍檸茶博上車 儲首期可去到幾盡?】
http://www.edigest.hk/Vip/detail?id=5381