成本價賣500萬片口罩、泰國買地種田防搶米潮 阿布泰創辦人:為香港好,因為我哋係香港品牌

成本價賣500萬片口罩、泰國買地種田防搶米潮 阿布泰創辦人:為香港好,因為我哋係香港品牌

2020年,香港人排過隊買口罩、搶過廁紙、搶過糧食,阿布泰國生活百貨從泰國採購過500萬片口罩回港,又怕糧食供應緊張,索性在泰國買地種田。老闆林景楠說:「因為阿布泰國生活百貨係香港品牌,生於斯長於斯,我自己都係香港人。」

撰文:經一編輯部|圖片:新傳媒編輯室、林景楠Facebook專頁

親自赴泰採購口罩、提櫃、送貨

2020年初,新型冠狀病毒肺炎疫情(俗稱「武漢肺炎」)在香港爆發。疫情中的港人,沒有口罩的保護對病毒毫無防護,猶如赤裸。口罩供不應求,價格動輒炒上400元一盒亦不罕見,更出現港人漏夜紮營排隊的畫面,而阿布泰國生活百貨是早期成功撲得口罩回港售賣的商家之一。

它優先讓醫護或與關口工作的入境處和海關職員等購買,又送口罩予18歲以下的學生,老闆林景楠粗略估計,兩個月來共採購約500萬片口罩。

林景楠說,疫情在香港爆發前,已看到中國內地首先爆發疫情,便率先親自前往泰國採購口罩,再運送回港,以接近成本價出售,「因為我哋公司嘅生意,我自己一直都有親力親為。疫情即將爆發嘅時候,啱啱踏入農曆新年,同事都放假嘅時候,咁我都選擇咗自己去提櫃、送貨去門市,將啲口罩交到去香港市民嘅手中。其實真係好難忘同埋有深刻嘅印象,因為無諗到需求係咁大。」

眼見客人哭求口罩:我一個口罩都無

當時,每當阿布泰公布最新一輪發售口罩的消息,便隨即有過百、甚至過千的市民排隊等候。他還記得客人撲口罩的焦慮:「當嗰轉口罩喺間分店度賣晒嘅時候,有個客走過嚟喊住咁求我,『老闆求下你,我一個口罩都冇,可唔可以賣一包比我先?』」

「但係當時我做唔到,因為有成千上萬嘅客都喺度等緊。唯有拉開佢行埋一邊,講聲我下一間會去邊,你而家即刻去咗先,希望你會買得到。」結果,顧客成功在下一站成功買得口罩。

出售抗疫產品,雖然帶來生意額的增長,但盈利沒有上升,甚至下跌,「因為我哋出售口罩嗰段期間,基本上我哋其他生意都做唔到,變相我哋都係以接近成本嘅價錢去出售口罩,對生意嚟講係無乜幫助。」沒有調高價格,他說出於良知。當口罩是基本需要,這是他作為商人能做的事。

「每個人喺社會上面身份同崗位,都有佢嘅責任。我作為一個商人,我其中一個社會嘅責任就係幫返香港嘅市民。」

撲500萬片口罩、赴泰國買地種田防他朝糧食價格不穩 阿布泰創辦人:為香港好,因為我哋係香港品牌
老闆林景楠說:「阿布泰國生活百貨係香港品牌,生於斯長於斯,我自己都係香港人。」

以防糧食價格不穩 泰國買地種米

然而,伴隨疫情而來的,不止口罩短缺,還有市民對糧食供應不穩的擔憂,幾度出現搶米潮,「我哋預見糧食未至於會短缺,但供應有機會會緊張。當價格有機會上升、唔穩定嘅時候,倒不如我哋都自己設立一個廠房,去生產啲米,自己種米。」

於是,林景楠和泰籍太太到泰國撲口罩之時,聯絡不同泰國米商,採購白米送到香港分店售賣,又在太太家鄉買下一塊田。那塊田本身種植糯米,他們考慮日後再加種白米,迎合港人口味,自家品牌還待面世。

他說,自己種植是賣米的其中一環,既可增加利潤,亦可在供應緊張之時,有自家供應。他如此道:「普通一間公司會唔會癲到去買一塊田,自己去耕田、除穀、包裝,設計一個品牌,運埋嚟香港去做?呢個就係我公司願意擁抱變化去做嘅事情,唔會受制所有嘅規限,做到嘅事情都會去做。」

撲500萬片口罩、赴泰國買地種田防他朝糧食價格不穩 阿布泰創辦人:為香港好,因為我哋係香港品牌
關於這些大膽的決定,他道:「做生意係咪鋪鋪都願意all-in去做呢?我係願意,同埋唔介意。因為我本身都係由零開始,本來無一物,點解我唔嘗試大膽啲去做啲我認為正確嘅事情呢?」

敢作敢為:本來無一物 點解唔大膽啲?

敢作敢為,亦是阿布泰國生活百貨老闆的作風。他早前又在報紙落A1全版廣告,只寫下「此乃A1全版廣告,AbouThai阿布泰生活百貨提提您潑水節優惠現正進行中」:「又唔想啲designer同事去諗點樣整,咁咪索性話唔好整咁多啦,幫我排版排靚啲啦。」

去年,他已在報紙頭版落過廣告,當時碰巧前特首梁振英每日「點名」落廣告的商家,而阿布泰又正推出優惠。他說,此舉沒有刻意針對任何人,在市場營銷的角度看,亦能收宣傳之效:

「係咪一件成功嘅事,我相信都有目共睹嘅。」

然而,無可避免地,當說起林景楠,必然想起鮮明的政治立場。他解釋,公司生意的增長有賴前線和幕後的同事努力,若說成功只靠「抽政治水」則不公道。雖然他個人相當認同和支持黃色經濟圈,惟公司則沒有特別表態,「都好榮幸其他人會視我哋係其中一份子,變相我哋都係做好自己。」

話雖如此,不怕影響生意嗎?他說:

「每個人嘅身份同角色都唔同,有一句諺語叫做『生於亂世有種責任』,咁我作為商人,我就應該有我作為商人嘅角色,我有能力做到嘅事情就應該去做,我係香港人,應該為香港人做啲嘢。」

關於這些大膽的決定,他道:「做生意係咪鋪鋪都願意all-in去做呢?我係願意,同埋唔介意。因為我本身都係由零開始,本來無一物,點解我唔嘗試大膽啲去做啲我認為正確嘅事情呢?」

由零開始,實質所言非虛。2016年,林景楠離開公務員崗位,拿著從銀行借來的10萬元資金,和太太二人從一個座落於九龍城60呎的舖位,4年間打拼出16間分店的阿布泰國生活百貨。他們創業的故事,後文再續:因網上言論被政府炒魷 遂零資本借10萬創業、4年開16分店 阿布泰CEO:成就可超出想像