儲飛行里數 出邊張信用卡最抵?

儲飛行里數 出邊張信用卡最抵?

好多銀行都睇中香港人鍾意去旅行的心態,推出可以換飛行里數的信用卡,買嘢之餘又可以賺免費機票,何樂而不為?今次本刊做個信用卡比併,睇下邊張最抵。睇表!

1. 迎新優惠

大同小異,出眾少少有滙豐同東亞,變相送最少5,000里數,用CitibankPremierMiles 簽夠10,000萬元送夠8,000里。其他銀行信用卡就要落力密密儲,送現金、家具都有,不過領取條件有少少唔同。

2. 年費及入息

年費都係大同小異,首年免年費,其後免年費有特定要求,留意返啦。渣打、滙豐、DBS冇講明要簽幾多,如果簽賬額唔太低,免年費都應該有計傾既。列名簽賬額的信用卡中,以東亞較抵,一年簽60,000元就可以免年費。不過要留意入息要求,年薪要30萬元先可以申請。門檻低啲有渣打及美國運通,只需年薪15萬。

3. 換里數

重點當然係里數,東亞贏晒,平均本地簽帳15,000元可變相有3,000里,DBS換到2,500里,而Citibank、美國運通都有1,875里,即東亞平均5元換1里,DBS就6元1里,而Citibank及美國運通就8元1里。

至於渣打簽滿15,000元先得1,000里,滙豐仲只得900里,即係每1里數要簽15及16.7元。點揀?你懂的!要留意,轉換積分作飛作里數或有手續費。

4. 細節

申請信用卡,迎新禮品同積分優惠固然吸引,不過最重要留意條款同細節,列表上資料部分涉及特定限時推廣,可能隨時變動,記得申請前向相關銀行問清問楚。

相關文章