淘寶集運  邊個最抵?(附集運教學篇)

淘寶集運 邊個最抵?(附集運教學篇)

早排人民幣不斷跌,曾經跌至每日港元兌87元人民幣。雖然現時回穩,但仍要兌85元人仔左右,相比之前最高峰兌得78至80元人民幣,真喺貶唔少。咁即係大家返大陸消費平咗,甚至在網上淘寶變相抵咗。

講起淘寶,要淘得精明的話,除了要懂得揀信譽良好的供應商之外,其實仲要識得利用集運。

雖然集運唔係咩新鮮事,不過小編朋友中,原來都有唔少人未識點樣用集運,更加唔知邊間最抵,以為淘運送貨就一定係揀順豐。其實如果識得揀,集運運費可低至10元人民幣。所以今次就來個淘寶集運商大比併,同場加映集運教學,幫大家做個最精明消費者,慳盡每一蚊﹗

以下是港人常用的集運商:

順豐- 最大規模

集運嘅老大哥,在香港是知名度最高的物流公司,話明老大哥,所以規模已經做到好大,基本上順豐就係代表穩陣同有效率。

不過做得大都有好有唔好,就係價錢貴!佢係淘寶四大官方集運商中,價錢最貴的一間,集運來香港的貨物首重1KG(未夠1KG亦當1KG計)最平都要23元人民幣,即係近27元港幣;續重就每0.5KG多付4元人民幣,約4.6元港幣。所以小編基本上唔會用順豐,其實連大陸賣家一般都好少會用順豐。

4PX遞四方- 最平靚正

集平、靚、正於一身。4PX半年前新推出名叫Elink Box的服務,在商場內設有電子儲物櫃。

當淘寶貨抵港後,就會直接送到電子儲物櫃,然後傳送電話短訊,通知你去邊個儲物櫃取貨以及儲物櫃開啟的驗證碼。整個過程都是全自助形式,大部分自助櫃都係24小時都拎得,毋須定時定候在家收貨。

4PX全港目前有22個地點設有自助儲物櫃,遍佈港九新界,除旺角雅蘭中心、九龍灣MEGA BOX等大型商場之外,就連荔枝角AEON店、香港仔田灣都有,十分方便。

至於價錢,講明自助就當然係平,首重1KG只需10.5元人民幣(約12.2元港幣),續重3元人民幣(3.48元港幣),係4間集運商中最平。唔好以為平野冇好,小編用過咁多次都冇穿冇爛,又夠快,今日落單,後日已經送到自助儲物櫃,效率唔差得過順豐。

中通 - 規模細,均有正、負面評價

中通首重1KG就需要13元人民幣(15.1元港幣),續重3元人民幣,價錢雖然沒有4PX平,但仍然比順豐平一大截。取貨地點是去便利店或郵局,因為便利店梗有一間係左近,所以方便程度都OK。速度亦唔算慢,小編亦冇試過寄失貨。

不過,網上見到有網民給予負評,指會拖好耐先送貨,表現未必及順豐和4PX穩陣。

集運教學篇:

所謂集運,便是將大家於不同淘寶商店訂得的貨品,集中送往集運公司的某一貨運中心,例如先送往深圳。然後於該貨運中心將你眾多貨品打包成一箱之後,再送往香港指定地點。因為淘寶內地是免運貴,所以集運公司只會收取深圳至香港的一程運費,所以集運往往會比每件貨品單獨直接送往香港要平許多。如果你購買的貨品十分輕,用集運絕對划算,因集運是用重量計算。

當你選購完貨品之後,到「提交訂單」頁面時,便要留意以下步駁: