又有平機票   2,300元連稅飛歐洲

又有平機票 2,300元連稅飛歐洲

已經無嘢可以阻止到港人外遊,特別係歐洲。皆因近期英鎊急跌至10算,歐元都跌至8.6附近,令到唔少人心動。再加上依家2,300元可以買到張去歐洲的機票,唔飛真係對唔住自己。

奧地利航空、德國漢莎航空同瑞士航空再次推出新優惠,來回歐洲機票連稅都只是2,300元左右。只要選擇香港飛歐洲,回程選蘇黎世返香港,後加一程單程飛新加坡先有此優惠。

小編在expedia試過,輸入4月21日飛倫敦、4月29日由蘇黎世返香港,再揀到埗同日(4月30日)飛新加坡,2,374元連稅價真的出現鳥!

如果唔揀香港飛倫敦,揀歐洲其他城市例如巴黎、米蘭、阿姆斯特丹、甚至係北歐斯德哥爾摩等等,都係2,520元連稅!

坐火車由阿姆斯特丹去蘇黎世,都只係457元!

機票有效期為一個月,出發日期由今年9月6日去到2017年6月24日,不過截至今日,expedia個系統只係出到下年既6月2號。

不過要留意,此優惠只適用於open jaw,而且一定要揀埋喺返黎之後,同日或第二日飛新加坡先有此優惠價。如果諗住放棄新加坡呢程飛機既朋友,就要小心行李條款,因為行李有機會直接運到新加坡,所以要多作打算呀!

最後一提,訂票日期截至7月15日,著數過就無架喇。唔好諗咁多!啱日子就去馬啦!