致杜汶澤:鴻圖道食晏真係好貴,所以我哋通常去……

致杜汶澤:鴻圖道食晏真係好貴,所以我哋通常去……

觀塘工業區新商廈林立,大量打工仔進駐偏偏搵食愈來愈艱難,最近杜汶澤光臨鴻圖道,食完餐晏都忍唔住「為打工仔發聲」,狂呻「依家響觀塘番工食飯價錢好似中環咁」,HK$60一個雙拼飯講梗邊間呼之欲出,作為鴻圖道打工仔嘅筆者當然身同感受,在此分享一下草根搵食小小心得,阿澤下次嚟傾嘢不妨參考一下,食得草根都好過貴夾唔飽!

邊度「六十蚊個雙拼飯」?似乎係講梗鴻圖道83號其中一間地鋪⋯⋯

01 | 工廈私房菜,特賣 $18一個日式便檔!

敬業街工廈 膳工坊係今年4月新開食店的宣傳小把戲。店主曾在灣仔經營私房菜,改賣日式飯盒也落足心機,大部分四、五十蚊有交易。如豬軟骨,先醃過夜再燜七小時而成。誠意十足蒲燒鰻魚丼日式飯盒雖用急凍貨,但專揀細條,貪其軟骨較少,醬汁則用魚骨熬湯,魚味特別濃。最近仲有「$18一個日式便檔促銷」!本土嘢,值得撐!


蒲燒鰻魚丼 鰻魚燒得外脆內嫩,米飯用日本珍珠米,口感軟糯。鰻魚近年貴得可以,即使是大陸和急凍貨,這價錢算便宜了。


每日$18一個日式便當,為打工仔打打氣!!

膳工坊
•地址:觀塘敬業街65-67號敬運工業大廈2樓B室(顯示地圖)
•營業時間:星期一至五11:30AM-9PM,星期六11:30AM-6PM
•電話:2362 5808
•座位:90
•人均消費:$60

由建制阿叔到露腰少女⋯⋯這間廠廈食店的宣傳策略都好多變化。

拉麵正價都要HK$48起,但不時有折促銷!

自家製豬軟骨定食 $45--開業初期每日限量25個,豬軟骨入口鬆化,連骨位都燜得軟腍且彈牙,口感似牛筋。


今年年頭,開業初期的膳工坊仲識得玩「政治抽水」,宣傳易拉架扮晒本土政檔直幡。

02 | 懷舊主題餐廳 套餐外賣$29!

堂食飯餐,好有校園飯堂feel(圖片來源:開餐達人-Bagot Restaurant)

位於開源道凱源工廈1樓的「開餐達人」,以80年代香港做主題的餐廳,曾經推出$88下午茶放題 !不過更吸引係午飯繁忙時段過後的外賣套餐,一侓$29!

任食港韓台美食,食物種類還算多,港式食物的話有8款,當中有西多、咖哩角、炸帶子等;而韓式食物方面有4款,個人推介芝士炸雞,炸得香脆,芝士味濃郁之下餘,趁熱食時更可以拉出芝士來,非常誘人。

開餐達人
•地址:觀塘開源道47號凱源工業大廈1樓B室
•營業時間:星期一至日:06:30-22:30
•電話:3689 2496 / 2811 1496 / 5910 5085(WHATSAPP)

03 | 屋邨茶餐廳味道 囍帖街冰室重現開源道

位於灣仔的「珠記冰室」2005年12月因市區重建計劃而被逼拉閘結業,今年3月選擇於觀塘工廠區東山再起,廚房請來前澳洲牛奶公司、鴻星等班底加入,雞蛋依然有蛋味、咖啡有啡味,位於鴻圖道及開源道交界,餐廳闊落,食物比頹飯勝一籌。


椒鹽雞扒金鑲銀炒飯 $45 (炒飯金黃香酥,但飯粒偶然有少少硬。)

炸雞髀 $24/巴西雞髀經調味後不上粉生炸,也是必食之一。

珠記除了是一間茶餐廳外,其他時間會讓出作為工作坊、職場講座、band show的場地等,場內更有吸音的設施方便作其他用途。

珠記冰室
•地址︰觀塘開源道46-48號威利廣場地下2及3號鋪
•電話︰3489 8028
•營業時間︰7:30AM-6:00PM(星期一至六)

04 | Burger唔使百幾蚊 叉燒漢堡頂住先

由以鹵水食物甚至獲得一星米芝蓮殊榮的阿鴻小吃近年開咗去鴻圖道,對正大陸客出出入入的酒店,客路難免變得「離地」。老闆鴻師傅月前在東廣場開設「平民分店」鴻師傅,還要大玩「中菜年輕化」,所以今次新店走快餐路線,主打中價輕食,食物全部即叫即製,保證送到客人手上的食物都是熱辣辣。店內亦會售賣三款阿鴻小吃的熱賣小食,包括芥末雞腳筋、南乳粗齋及鹵水素鵝。


叉燒皇軟法包叉燒皇軟法包(加芝士及蛋) $29(只於下午茶時段2:30pm – 6:00pm供應) 用上酒店級法包,夾著鮑魚汁叉燒和即煎湖北大蛋,一咬下去即爆汁!下午茶必食!


蟲草花蒸雞配飯 $58 蒸飯自有捧場客,隨餐附有白飯例湯。

鴻師傅
•地址:觀塘成業街7號東廣場地下26-31號鋪
•電話:2618 0168
•營業時間:10:30AM- 9:00PM

05 | 堂食 $16特價素麵

鴻圖道還有一間素食店,今年年中曾經推出$10蚊嘅香菇麵餐(係包飲品!),因為實在太平喇,所以店家都限定每位堂食客人每人只可以叫一個$10蚊餐,最近調整為$16特價麵,依然係抵食:

香菇麵香菇麵駕到,份量正常,食落似福字麵,香菇香味足,正常!(圖片來源:新假期周刊)

一心素食
•地點:觀塘鴻圖道30號鴻圖樓3樓
•營業時間:11:30AM – 10:15PM(星期一至日)

06 | 窮人恩物!觀塘廣場覓食 ~ 唔駛$40吃到飽

觀塘廣場雖然沒有大型商場的規模,但卻「五臟俱全」,多達二十間食店,價格更是平民,不用$40已經能吃到捧腹而回,絕對是窮人恩物!今次搜羅了其中五間熱店,與大家一起抗通漲,平民價嚐美食!

$24兩餸車仔麵

一到午市時段,都會看到一條長長的一龍,大家在等待的便是這足料且平民價的車仔麵,當然少不了那態度相當有善、經常笑容掛臉的老闆,服務一流。這裡的車仔麵麵食$12,再選菜式$6起,最平的兩餸麵$24便有交易,位於大型商場附近亦能有如此抗通漲的價格,難怪得到附近上班及上學人士的青睞。


$35單雙餸飯連大碗例湯@一哥燒臘

店外有十數張圓桌,每到放飯時段都座無虛席,另一受歡迎之選。

$29 十隻湯餃

餃子以人手包製,住家的味道。除了湯餃亦有煎餃選擇,煎餃則$28/ 8隻;$14/ 4隻

原文:GOTrip