「我要有1,000萬!」想致富 先要戒掉4個窮人心態|龔成

「我要有1,000萬!」想致富 先要戒掉4個窮人心態|龔成

讀者:龔成老師,有幾個心態上問題想請教下你。

1)專注問題。看過你的書,知道你是極度專注於致富,所以時間都花在礸研理財投資上。但我自己覺得好難,咩都想學,又想學投資、又想學琴、又學其他野、又想有啲時間娛樂,感覺自已好心散,樣樣做唔好。你是如果作出取捨?

2)我睇啲書話要遠離啲思想負面埋怨的人,剛好父母就是這類人,心情很易受影响,但搬出去住又貴,同埋你都建議同家人同住可儲多啲錢,所以好矛盾。

3)你說不要信用卡消費,例如買電腦工具需6,000元至10,000元,一次過俾錢,感覺你的資產咪一下子沒有很多錢?分期付款,可以讓我感覺良好,每個月用幾百錢蚊就可以買電腦。

4)另外,諗住同家姐夾份一齊買樓,希望可以快啲成功,同親人一齊買樓有咩要注意地方?

感謝你的回覆!

撰文:龔成|圖片:unsplash

龔成老師 分析

1)你要想想先後次序的問題,我們時間有限,所以要做左一些較重要及較有意義的事情先。

另外,你應該專注做一、兩項野。至於其他,就只投入較少時間。如果你太過分心,只會無樣做得好,巴菲特講出他成功之道,就是「專注」。

2)家庭情況我地無得決定,但識朋友你就可以。

父母你可以「聽完就算」,因為我過往都是。我十多歲時已同我屋企講,我會有「1,000萬」,阿媽不斷講「唔好發夢」;到2X歲,我唔會再同佢地講我的夢想(但都會保持正常關係,只是有些事,已沒有討論的必要)。

我就是因為「唔理人」,所以先可以完成目標。

3)只要你是能「控制到消費」的人,適度去運用信用卡,都是可以,但如果你有「幾百蚊就可買某物品」的概念,證明你未能成功控制到消費。

4)這是較麻煩的,一定要同家人講清楚條款,如何公平進行,如果出現某些情況(例如其中一方供唔到、其中元個想賣出、自己住等),應該點樣做。

最好大家共識後,能寫低記佢,或利用 WhatApp等比對方同意,最重要是「有記錄」,而不是純口頭講。

延伸閱讀:銀河娛樂財務穩健、博彩業務穩賺不賠 無懼疫情前途一片光明 宜趁低位入市|龔成

延伸閱讀:從打牌學投資!股票新手可學麻雀3大要點 如何才能「做大牌」長線釣大魚?|龔成

想致富-先要-戒掉-4個-窮人心態
圖片:unsplash

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。