【網上熱話】美孚現「磨菇被」 網民諷裝置藝術

【網上熱話】美孚現「磨菇被」 網民諷裝置藝術

【網上熱話】美孚現「磨菇被」 網民諷裝置藝術
【網上熱話】美孚現「磨菇被」 網民諷裝置藝術

一場疫情,不單令大家提高衛生意識,亦勤於清潔家居,洗衣機亦開多幾轉,但如果屋企地方唔夠大,要晾床單被鋪有咩方法?有人用最自私的方法,就係攞落樓下空地曬,街坊見到都話吾不欲觀之。

網民Nobita Leung日前在Facebook群組「Mei Foo 美孚」張貼一張相,顯示一張粉紅色被晾喺花圃上,佢仲貼文「係西藏神山岡仁波齊那個『諾亜方舟』的美孚版嗎?」並反問係咪裝置藝術?
呢張驟眼睇好似磨菇嘅相,引來不少網民留言,有人話「美孚從來沒有此等肉酸情況」,認為「管理不善」;有人就話「吐舊痰落去,以後就吾會再有」。
不過亦有人好體諒,「上一代喜歡大太陽曬野,亦可能因有木蝨要拎去曬,陳皮又要曬……」但同時為植物發聲,「我對果棵植物不值囉!想曬被曬床單,咪攤係地下曬囉,最多咪d人自由地放狗比狗仔踩之嘛!」有人則從衛生角度出發,「其實隨時帶埋小昆蟲回家! 咁晒法覺得乾淨嗎?」不過對住一啲頑固一族,又真係無佢哋辦法!

 

資料來源:AM730

關鍵詞
網民熱話