港女擇偶條件 原來住公屋勝私樓

港女擇偶條件 原來住公屋勝私樓

香港樓價升極都有,一般打工仔要儲首期上車,已經近乎冇可能!如果冇私樓住,住公屋又是否一個好選擇?近期有網民在討論區留言,以物業排序,列出女人的擇偶條件,當中住公屋竟然高於供緊樓的男人!

撰文:Nic Chan

該網民指,與10幾個女性舊同事聚會時,傾到擇偶條件,先不計是否靚仔及年紀,純粹以物業排序計算,得出一個男友或老公關於擁有物業的結論:

第1位 城中富豪
第2位 擁有一層full pay自住樓及一層或以上full pay收租樓
第3位 擁有一層full pay自住樓
第4位 公屋戶主
第5位 公司津貼租樓
第6位 跟家人同住公屋
第7位 跟家人同住私樓
第8位 供緊樓
第9位 與家人同住私樓,有兄弟姊妹


首位城中富豪之下,是持有已供斷的自住樓及有物業出租的業主,該網民形容「嫁到這個老公可以話衣食無憂」。而排在第4位的公屋戶主,該網民形容「不用為住屋煩惱,收入可以全數支配,財務自由」。

至於供緊樓排在第8位,較跟家人同住公屋或私樓為低,該網民認為「嫁了這些男人,佢一定會叫你夾份一齊供,或者叫你分擔家庭支出」,更指「這種男人根本唔係娶老婆返嚟呵護,而係搵條水魚返嚟供樓」。這名網民更擔心,對方一旦淪為負資產,便要一齊承擔財務問題。

這個討論一出,即刻引來各方注意及留言,更引來不少批評。有留言指「妳揀人人揀妳」、「只着眼金錢」,甚至說教式話「金錢買不到快樂」。亦有網民講笑地留言「無樓既男人注定孤獨終老」。



其實公屋租金低,即使成為「公屋富戶」繳交雙倍租金,仍然比同區私樓租金低一截,的確十分吸引;加上擁有綠表資格,均可多一個機會抽居屋,甚至「綠置居」,以平價上樓!不過結婚又是否純向「樓」看呢?其實值得大家商榷!

延伸閱讀:
【大專畢業想住私樓 要幾多年先買到?】
http://www.edigest.hk/Vip/detail?id=5569
【樓價升不停 邊8類樓盤搶先破頂?】
http://www.edigest.hk/Vip/detail?id=5486
【94萬買市區樓 綠置居接受申請】