真係幾困擾   去銀行永遠簽唔返原本個名

真係幾困擾 去銀行永遠簽唔返原本個名

小妹
🎨:其實我哋從來都好鼓勵客人去實踐成為藝術家嘅夢想,不過,我哋唯一要求係,每個藝術性簽名必須「 一。模。一。樣」。多謝合作!(圖片為非鼓勵客戶簽名範例。)

(非鼓勵客戶簽名範例一)

**轉載自[奇聞奇事]分享**

我: 呢個位簽返名唔該。
客: 係咪簽咩都得?
我: 要簽返户口簽名。
客: 我簽唔返咁點?
我: 簽唔返嘅話,不如幫你更新返個簽名。
客: 我次次簽名都唔一樣咁點?邊有可以簽得返?!改咗都簽唔返㗎喎!
我:Er…咁要揀個穩定啲嘅簽名,簽返中文名或許無咁易走樣。
客:我唔鐘意啊!你落個msg唔得咩?!我係簽唔返㗎啦!!!

我:……

(非鼓勵客戶簽名範例一)

**轉載自[小小職員]分享**

話說我哋唔係大銀行,但日日都好多人排隊,試過高峰有成60張飛等緊,分分鐘都多大銀行,原因係咩?我都唔知,可能搬咗個靚舖位呱。

有一日,有兩公婆,嚟銀行拎錢,但個簽名走樣,可能明明係幾個字痴住寫,但簽出嚟又分開咗,好正常叫你簽過個啦!比你睇埋你自己點走樣, 都仲要死撐話好似,仲要話「因為你哋搞埋啲咁嘅嘢先做得咁慢!唔怪得你哋咁慢啦!要啲客排咁耐,本人都嚟咗啦!又搞呢搞露!」真crazy!我鬼識你咩!個個拎住張身份證嚟,指住個鼻個話我咪XXX囉!(我心諗:識你老鼠咩!)你自己簽名又唔簽好啲,咁唔通你求其畫隻

🐢都比錢你咩!

銀行職員唔係人,個個都冇停手做,有時連水同廁所都去唔到,一起身去個廁所,十九八萬對金晴火眼望住你,好似話怪你做咩唔做嘢……點解啲人咁demanding……

文章授權:90後銀行小妹甩轆記