一打風走晒出嚟  趕絕蠓、蚊、曱甴惡蟲24招

一打風走晒出嚟 趕絕蠓、蚊、曱甴惡蟲24招

夏天唔單至為大地帶來美腿,仲帶來好多惡蟲,尤其是蠓、蚊、曱甴,簡直最乞人憎,尤其遇上打風,大強小強統統走晒出嚟。想趕走呢啲惡蟲,其實是有方法。我哋總共歸納咗24招,真係好洗好用。

其中蠓好惡搞,如果唔做好防蠓措施,分分鐘鐘美腿都變豬腳呀!以下小方法,可以幫你趕走惡蠓,大家可以試下喎!

(1)DEET驅蚊劑 

市上有唔少驅蚊劑,都唔知邊隻先可以有效驅蚊。而衞生署就建議使用有避蚊胺 (DEET)成分的嘅昆蟲驅避劑,所以大家買嘅時候就要留意啦。另外,記得要睇下驅蚊產品有冇寫明有驅蠓功效,有先可以防蠓架!除咗要搽手手腳腳之外,都 要記得搽喺件衫到,咁先可以全面咁防止惡蠓咬!

 

(2)橙皮驅蚊包

啲蚊原來好討厭橙皮嘅香味,,所以用橙皮驅蚊就一流啦!先橙皮切絲曬乾,放喺布袋入面,變成天然驅蚊包。你可以掛喺門邊或窗旁,就有驅趕蚊蟲嘅效果。

Cork, Ireland
(圖片:Thinkstock)

(3)自家準備中藥驅蚊包

如果你怕驅蚊劑有chemical對身體唔好,可以試下整呢個中藥驅蚊包,可以喺室內防蚊同蠓。方法非常簡單,只要去藥材鋪執齊以下八樣材料,混合放落布袋入面,就可以了。

中藥防蚊包使用的中藥材包括:

丁香、艾葉、白芷、蘇葉、薄荷、石菖蒲、藿香及金銀花

thinkstockphotos-87156267

(圖片:Thinkstock)

(4)放餌殺惡蠓

唔講你唔知,啲蠓好鐘意醋味,我地可以好好利用呢一點捉晒啲蠓。可以先將白醋加入幾滴檸檬味洗潔精放入個樽之後封好,再用釘整幾個小窿。過一陣可能就會叫到啲蠓自頭羅網。

(5)自家製蚊怕水

無錯!除咗可以自製驅蚊包之外,連蚊怕水都有得自製。雖然係冇咁方便,但係崇尚 天然嘅你一定要試下。材料有小茴香3錢、陳皮3錢、薄荷葉3錢、金銀花3錢、香茅精油、艾草葉3錢再加藥用酒精50cc。先將水蓋過藥材,煲成一碗,之後 混合6-7滴香茅精油同藥用酒精,最後再加埋中藥水。最後放落一個噴樽入面就搞掂,可以攞出街慢慢用。

(6)香茅油

香茅油有一陣淡淡嘅檸檬香,攻鼻得黎都有啲小清新,有唔少人都會用香茅油驅蚊驅蟲。但係天然的精油好易揮發,所以如果個味淡咗就要再噴啦!

Black fly on a white slipper in a garden

(圖片:Thinkstock)

 

(7) 水槽倒植物油

可以將橄欖油或者其他食物油倒入廚房水槽,咁如果布有蠓飛過就會痂住咗啲油。佢地走唔到就交配唔到。整多幾次啲蠓就會慢慢減少架啦!

mini succulent garden in glass terrarium

(圖片:Thinkstock)

除了防蠓功夫要做足,防蚊患同不谷忽視。

夏天,為大地帶來蚊滋。對於惹蚊嘅朋友嚟講,夏天簡直係一段令人崩潰嘅日子。因為蚊滋,唔單止令你周身紅腫,而痛苦嘅,就係嗰種痕癢無比,但又要忍住唔好R到爆血嘅糾結之情。

不過要講到最攞命嘅,就係半夜三更萬物好夢正酣之際,一隻二隻喺你耳邊拍翼拍到你起身同佢挑機打過,結果畀佢哋搞到無教好訓。唔想咁樣?就要喺三方面都做足防蚊措施,唔好畀佢哋有機可乘!

圖片來源:Thinkstock

生活習慣

(8) 食大蒜

除咗蚊香同蚊怕水,啲蚊都唔like透過人體分泌出嚟嘅大蒜味,所以可以試吓食啲大蒜嚟防蚊,如果你唔驚口臭嘅話。

(9) 使用蚊怕水

用蚊怕水防蚊就個個都知啦,但你哋又知唔知其實應該噴邊度最防蚊?因為大部分蚊都係喺低處飛,所以噴喺身體較低處嘅腳腕同衣角先係最佳做法。

Woman applying mosquito repellent for peotection

(10)少用香水、有香味嘅護膚品、化妝品同髮膠

蚊蟲特別鍾意有香味嘅嘢,尤其是係花香。所以香水、有香味嘅護膚品、化妝品同髮膠都會惹蚊,應避免喺夏季使用。

家居衛生

(11) 使用蚊香

蚊香呢樣嘢聽落好old school,但確係室內驅蚊嘅最有效方法,如果家人無氣管或呼吸道問題嘅話,不妨試試。

(12) 定期檢查所有有機會積水嘅地方

積水容易滋生蚊蟲,不解釋啦。

water drain in stainless sink

(13)蓋好儲水容器

如果有啲儲水容器,就唔好就咁由佢擺喺度,因為好容易成為蚊蟲嘅產卵地,要蓋好佢哋,唔畀機會蚊蟲飛入去育成下一代。

(14)家中植物定期換水

植物無水生存唔到,所以我哋喺夏季就要積極啲換水,等蚊蟲就算產咗卵,都唔可以順利成蟲!

 

外出時

(15)著淺色長袖衫褲

著住長衫褲雖然好熱,但隔咗一重就無咁易被叮到。而深色衫褲比較吸熱,體溫高嘅人都會特別惹蚊,所以著淺色衫,除咗可以無咁熱,仲無咁易成為蚊蟲嘅目標。

(16)遠離積水處

上面講過啦,積水容易滋生蚊蟲,而且積水處都會較多蚊蟲喺度出沒,如果我哋喺嗰啲地方停留就更加容易被蚊蟲叮到,所以遠離積水處就可以減低被叮機會啦!

(17)避免在叢林逗留

近年個個都鍾意親親大自然,但係大自然亦係蚊蟲嘅最佳棲息地。所以如果唔想被蚊叮,最好就唔好留喺叢林太耐喇。

至於對付蟑螂,除了使用曱甴藥外,網民也想出奇招,令家中的小強於短期內滅絕。以下幾種對付曱甴的絕招,有些是獨門奇招,有些則屬天然方法,總有一招適合你,記得要好好收藏。

獨門奇招

(18)啤酒餌誘:

利用空啤酒樽,剩一點酒作誘餌,再加砂糖,將瓶口斜靠在牆壁上,蟑螂會源源不絕掉進瓶子。如果捉住活蟑螂在瓶子裏,建議用熱肥皂水燙死。

(19)養蜘蛛壁虎

比如養不結網、無毒的高腳蜘蛛在家,以捕捉蟑螂為主食。另外,壁虎也會吃蟑螂幼蟲。

天然絕招

(20)蘇打粉溝糖

糖和蘇打粉各混合,會產生鹼性氣體消滅蟑螂。另外,也可用熱水溶解硼酸拖地,乾燥後白色硼酸結晶會滲入地板縫隙,預防蟑螂。

(21)九層塔

先將九層塔的葉子塞入絲襪內,然後置於陽光中曬1至2天,這樣做可抽乾九層塔的水分,令九層塔的氣味揮發出來。 接著將內置已曬好之九層塔的絲襪袋的絲襪頭綑綁妥當,置於家中陰暗處及牆角等地方,因為因??不喜歡九層塔的味道,這樣就可趕走牠們。

(22)洗米水

晚上時將裝有洗米水的水盆放入洗碗槽中,隔夜洗米水會產生類似廚餘餿味,同時散發白米獨有的米香,這時肚仔餓的小強會爬向水盆覓食,這樣牠們可中招了,因為牠們會因此栽進洗米水裏被活活淹死。

(23)橙皮加檸檬皮

首先將橙皮和檸檬皮洗淨,然後將之曬乾或烘乾,再放入一個透氣的小袋子內,再將小袋子放入櫥櫃內,這樣可有助驅趕蟑螂。

(24)番梘水

可以將番梘刨成絲,加入約4公升熱水,待溶解後直接噴灑在蟑螂身上,蟑螂想有命都難。

關鍵詞
打風