香港男仔有乜好    5個令台灣女孩愛上的原因

香港男仔有乜好 5個令台灣女孩愛上的原因

經濟基礎穩健嘅你,想搵個歐美裔嘅女朋友甚至老婆可能都唔難,但的的確確,無論俄羅斯定烏克蘭都好,雖然女人好多,但係同亞洲人就始終都有語言不通嘅問題,真係幾難解決!

撰文:JOEY

今次我哋就睇返溝通比較容易嘅寶島台灣啦。港男愛台妹好似都唔係啲咩奇聞,好多男仔仲打正旗號以同台妹結婚為家庭目標添!點解港男會咁鍾情台妹架呢?有網民就話,喺佢哋眼中嘅台妹形象就係又靚又溫柔,天生識得撒嬌,《撒嬌女人最好命》入面,周迅嘅情敵隋棠就充份演繹咗台妹喺港男心目中嘅形象-渴望被保護、獨立能力值貼近零、而且成日讚到黃曉明天上有、地下無,除咗佢嘅黑暗面部分。

 

有人話,香港女生聰明、有成就、鍾意話事但唔鍾意讚人,呢四項特質經常重創男人嘅自尊心,而台妹口頭禪就係「你好厲害喔」,就算轉咗廣東話Channel都仲係會將「你好犀利呀」掛喺口邊,點會唔冧死港男?

 

但係原來唔係得港男單方面鍾情台妹,有個台灣朋友同小編講,有啲台妹都特別鍾意港男,因為覺得港男有上進心,做事認真又獨立,談吐有禮,又帶點幽默唔怕同佢哋相處會悶,仲話覺得港男比較有風度會幫個女仔埋單。佢仲分享一次經歷話,試過帶個香港朋友去同自己班台灣朋友唱K,結果在場嘅台妹知道佢係香港人,即刻拉埋佢個朋友喺一邊密密傾,傾到鬼死咁開心咁話喎。

 

之前就有個台灣媒體係台北做街訪,問吓啲台妹覺得伴侶要有幾多月薪先適合做結婚對象呢?答案普遍為3至4萬元新台幣,折合大概7400至10000元港幣,有少數仲話22000蚊新台幣(即大約5400元港幣)都肯嫁添!咦!咁咪即係大部分嘅在職港男都符合條件!?

 

不過呢,想娶個台妹嘅港男都要注意一點,台灣女仔普遍都幾依賴另一半, 事業心唔重,同日本女仔一樣都主張婚後男主外,女主內,專心相夫教子而唔出去工作,所以港男都要衡量一下自己嘅經濟能力,或者要同你嘅台籍伴侶有共識呀!

 

延伸閱讀:

russia-girl1000x600

早前網上瘋傳一位俄妹變身Sailor Moon溜冰嘅片段,一睇真係不得了,佢唔單只溜冰溜得好,連個樣都好睇得!有唔少網民都話佢好有創意,溜冰好好正。講咗咁耐,你又知唔知俄羅斯女多男少,所以有好多俄妹好鍾意嫁去外國呢?

 

一直都女多男少嘅香港,一定好難理解俄羅斯女多男少嘅景況。原來俄羅斯之前幾十年人口一直都係負增長,男女比例開始失衡,男女係四六比例,令俄羅斯非常唔夠男人。有俄妹喺網上就話,好多時都係女追男,俄仔跟本唔需要擔心娶唔到老婆。相反,俄妹要嫁得出就唔係咁容易啦!

 

可能你會話,唔係掛,俄妹咁靚女都嫁唔出?除咗男多女少嘅問題,係因為俄仔好多時都俾人寵壞,,搞到缺點多籮籮,脾氣又唔好,唔做家務都算啦,惡起上嚟仲會打人。所以有唔少俄妹為咗可以搵到真正愛自己嘅Mr. Right,都紛紛轉戰外國市場,實行嫁出外國。

 

俄羅斯女仔除咗非常之睇得之外,佢哋嘅性格都好唔錯,簡直係成個pakage都掂呀!因為俄羅斯太多女人而俄仔又俾人寵壞哂,所以俄妹好多時都需要自己照顧自己。佢哋唔單只獨立仲可以照顧埋你喎!有個娶咗俄妹嘅中國男人話,佢老婆會由頭至腳咁照顧好佢,屋企所有嘢都唔洗佢擔心。

 

講到咁好,究竟俄妹鍾意邊啲男仔呢?個答案你一定估到估唔到!有個非正式統計,俄妹心目中最理想嘅丈夫係中國男人。因為佢哋眼中,中國男人又負責任,又會做家務。而偏偏俄仔就成日咩都唔理,咩都唔識做。比較之下,有唔少俄妹都寧願嫁去中國,搵個顧家又細心嘅男人。如果你自問都係一個顧家又細心嘅男人,都不妨可以考慮娶個俄妹啵!

關鍵詞
生活趣聞