那些年我們錯過了的騰訊  這些年錯過融創就……

那些年我們錯過了的騰訊 這些年錯過融創就……

李馳看好中、港股市慢牛未完,但部分港股卻表現神勇。例如融創中國(01918)股價已靜俏俏在一個月內倍升,引來巴打熱議。

網民rainyuh發帖:「那些年我們錯過的騰訊,這些年不能錯過的融創中國!」

樓主認同「股神」畢菲特的價值投資,認為價值只會遲到,但不會缺席。
續稱:「呢輪融創中國價值回歸路線,就係如此簡單、粗暴。空頭不服?直接爆倉。做波段?直接讓你丟失籌碼。不敢上車?請繼續看表演。
「現在融創愈來愈接近我心目中的區間價值,說實話我其實是一股都不捨得賣。」
樓主稱會留下些8元的底倉,見證一個奇蹟的誕生, 期待一日升一倍。
一眾巴打不但替樓主感到開心,發掘倍升股,亦回應樓主的心得。
網民leucocyte稱:「我覺得已炒到遠遠凌駕價值呢兩個字,只係『牛三』癲起上嚟不存在合理二字。」

別人貪婪時我恐懼

網民kmh623000稱:「呢啲需要啲運氣,無人估到佢會同萬達做咗單咁着數嘅交易,中國恒大(03333)都三千幾億(元)市值,依家融創都重係得一半。」

樓主在牛市時不但做到膽大心細,更是出手明快,接獲一眾巴打祝賀。
樓主稱:「咁講啦,之前未收購萬達啲嘢我係睇好30元, 但有時計劃趕不上變化,知道佢收購完萬達啲嘢,我果斷加倉,並上調目標價位。」
另一邊廂,隨着恒指漸行漸上,有人選擇高位獲利,以免到頭來得個吉。
網民1984人發帖「別人貪婪時我恐懼了!表示自己已清倉!埋單2017年袋90萬(元)!」樓主發帖不久後,隨即被網民圍插。

網民Freemasons更稱:「恐怕你未來一個月將會袋少50萬(元)。」
樓主隨即反駁,或者認為貪字得個貧,指「賺多50萬(元),可能是倒輸100萬(元)呢!」

網民香港之恥6則暗諷執得90萬(元),首期都未賺到;網民改名好Q煩表示贊同,今次升浪最少32,000點以上。
網民shoejai笑稱:「我覺得好好笑,有堆人由26,000點就話已經完,話咩大插啦,要走啦呢樣個樣。結果而家28,000(點)啦,呢推人繼續唱淡。我唔係咩好友,純粹係好憎啲人擺出副眾人皆醉我獨醒咁款,明顯個市未夠顛。」