月入$7萬小情侶 儲7年錢先夠俾首期?

月入$7萬小情侶 儲7年錢先夠俾首期?

朋友: 「日出新樓都爆晒飛,真係恐佈。」

筆者: 「慣囉,都係呢個Pattern…叫高、低開、爆飛、加價!」

朋友: 「呢段報道都幾有趣,幾勵志,但唔好學。」

筆者: 「邊單呀?」

朋友: 「兩個年青人、兩個慈父,合兩家之力抽到新盤上車…」

筆者: 「儲咗7年前,終於儲到$100萬,俾首期嗰單?」

朋友: 「咪就係囉,其實點解要儲7年咁耐呢?」

筆者: 「7年喎!識得玩,一早上咗車啦!」

朋友: 「點止呀,直頭發咗添啦。」

筆者: 「依家樓價咁貴,依家先上車,反而有替佢哋擔心。」

文:1%Anthony

 

一)過去…節衣縮食,儲7年錢,唔旅行唔睇戲,為今日上車?

兩位年青人的節儉精神確實值得敬佩,但並不值得學習,如果一早就諗住買樓上車,如果一早就學習投資,過往的路,易走得多!

 

回到7年前,即2010年,大家仲記唔記得,當年係咩世界?

 

記得當時,筆者剛剛開班授徒不久,很多年青朋友來學習求上車,當時一個上車盤只需百多萬,例如大圍的金獅花園、沙田的河畔花園等只需120、130萬,九龍灣的得寶花園、荃灣的荃灣中心等只需$140萬、$150萬,我自己都有買,所以印象非常深刻。

 

當時上車,借90%冇難度,最高可以借到95%!

 

有槓桿,點解唔用?有平樓,點解唔買?

點解要咁辛苦儲7年?儲夠100萬先買樓?

 

係咪一買就要買新樓?還是二手樓唔住得人?點解唔識樓換樓?

識得投資,今天已經賺翻天,甚至已經財務自由了!

 

當時很多同學手上拿着$7萬、8萬首期就成功上車,這些單位今天都已經賣$400萬了。Case 1…就當你只買一間自住,樓價賺了$300萬,連同多年供款及儲蓄,賣出單位後手上現金,足以換個近千萬的大單位。

 

Case 2…當時樓價平,借錢易,絕大部份同學,都唔止買一間,我自己買了4間,記得有個年青人,剛剛大學畢業就買樓了,首期是之前做暑期工儲下來的,今天已經有5、6個單位,資產總值逾2,000萬了,可能比故事主角還要年輕,新書有他的專訪。看見他們俩辛苦儲錢7年才上到車,你話識玩槓桿爭幾遠?!

 

二)現在…是否適合高追新樓?

看見兩位慈父、兩位年青人,一行四人、浩浩蕩蕩,從揀樓處走出來接受訪問,面上難掩喜悅之情。係咪真係咁值得開心呢?別忘記今天的樓價指數已經是160點了,7年前樓價指數還不到80點,一半都冇!

 

當時樓價咁平,又冇話限制你唔俾收租,就算暫時未有自住需要,都可以租出去先,幾年後收番嚟住,點解又唔買呢?偏偏要到今日破晒頂,日出康城呎價都賣到1.2萬、1.4萬,破盡日出康城的紀錄,簡直可以挑戰將軍澳的市中心區,這個價錢才去高追?

 

更有趣是…慈父教路買$600萬樓下,借80%,兩房冇就買一房!

 

其實新樓很多時候都有高成數按揭計劃,一般都可以借到80%,如果怕將來供貴息,部份銀行亦有為最多$800多萬的新樓,提供80%按揭。

 

如果要睇住$600萬這個門檻,其實二手市場有很多選擇。如果係咁,點解要買到日出康城新盤呢?係咪有更好選擇呢?

 

三)未來…負面因素,講乜都冇人信,危機已經浮現!

現在的樓市,跟幾年前很相似,當時無論市場上有甚麼負面因素,例如加息週期開始、美國縮表、供應量增加、經濟增長放緩等等,業主都當己時運高,睇唔到。

 

買樓亦唔理貴唔貴,賺唔賺,總之有錢就買,這是非常不健康的。兩人月入$7萬,供樓不成問題,問題是這個單位是否能賺錢呢?幾年後賣出街,是否可以賺到一筆錢,可以細樓換大樓?或者一間變兩間?

 

唯一可喜的是,他們都是第一批抽到,往後發展商已大幅加價一成了,賬面上的的確即買即賺,但最終都要賣出街,落到袋的錢,才是真正賺的。