打工仔人工雞碎咁多  10招助你捱到出糧日

打工仔人工雞碎咁多 10招助你捱到出糧日

現在個個都說儲錢難,人工又不多,月頭大花費少少,月尾也變月光族。身為職場小薯,在「長期糧尾」之際是如何渡過?

撰文: Jackie

1. 朋友Gathering例牌唔出現
去一去聚會,起碼要用一百幾十蚊元,如果遇着朋友唔願走,晚飯韓燒加飲酒再唱通宵K,一晚就要用上成千元。所以,在糧尾之際寧願在家同朋友連線打機,都不想出席聚會。

2. 下午茶時段先食晏
10點幾返到公司,就算食了早餐,12點左右都會開始肚餓。不過,月光族慳得一蚊得一蚊,等到2點半先去食飯,一餐隨時可以慳十幾元。

3. 返工帶飯/食杯麵
現在食個午飯愈來愈貴,大家樂一個餐要40幾元。帶飯或食杯麵,確實可以減少很多膳食開支,不過就少了和同事聯誼的時間。

4. 睇戲要睇早場/去豪華戲院睇

想慳錢又想睇戲,不用模仿「傑青」,早點起身去偏僻的戲院,例如MegaBox
戲院,相比同院線的其他戲院平。又或者去較舊的戲院,如豪華戲院。

5. 搭港鐵偷雞用特惠
像農夫描述自己潦倒時光的歌詞一樣,脫離學生時代,港鐵又年年加價,車費變得愈來愈難負擔。小薯為慳錢用小童飛搭港鐵,唯有裝聽不見那「嘟嘟」聲。不過偷雞用特惠屬違反港鐵附例,風險自己承擔!

6. 畀完家用,月尾又問阿媽借番
畀家用又肉赤,不給予家用又良心過意不去,月頭畀幾千元阿媽,月尾手緊問阿媽借幾千,真是有媽的孩子像個寶。

7. 唔去飲又唔封禮

以前有句說話,「人唔到,禮都到」,不過一封紅色炸彈,至少要給800元禮金,畀得少又可能被放上網公審。「長期糧尾」之際收到紅色炸彈,唯有側側膊,裝作沒收到。

8. 每個月還min pay
碌卡不用現錢,無錢時就更依賴信用卡。不過「長期糧尾」就是,無論什麼時候都無法找清卡數,僅僅負擔到最低還款額。不過每個月只還min pay,永遠只還到利息,唔窮就奇!

9. 寧願行45分鐘返公司
過不了自己心理關口搭港鐵用小童飛,只好用走路的方式返公司。(只適用於屋企與公司的距離在大約45分鐘內,總不能上山下海去返工。)

10. 日日捱麵包
最最最頂級的窮小薯,唯有捱白麵包,因為現在買個腸仔包都要好幾元,白麵包最實惠最飽肚,仲要安慰自己說「當減肥」。