爭取加人工想升職 轉工必備5大心態

爭取加人工想升職 轉工必備5大心態

文:二木

「人人都有機會轉工,唔通人人都轉到工咩」,打工仔甚少只為一份工作而賣命,因為所有人都明白「魚唔過塘唔會肥」,如果轉工有利於自己長遠的發展,不是為轉工而轉工,轉工當然是必經階段。

不過,轉工前或轉工時應抱有的甚麼態度呢?筆者就總結了5個轉工應具備的心態,看看你又是否認同呢?

1.適當時候才轉工

打工仔每次轉工當然是為了找到更好的。不過,轉工不可以因為一時之氣或人際問題而貿然辭職,因衝動是無助於解決問題。在任何一間公司,都應該抱著做好自己本份、「對得住自己對得住人」的心態。但當發覺自己在公司已無用武之地,又無法取得突破時,就真的需要轉工了。

2.interview要有投巧

見工interview時不能太老實、不能有問必答!不是要你「講大話」,而是要懂得避重就輕,知道甚麼應該說、甚麼不應該說。加上interview要誠實不代表要老實,因為interview不是交心大會,不需要說心底話。當面對容易引起誤會或不懂如何回應的問題時,更加應該要有投巧地避開、轉移話題。

3.要爭取加人工/升職

所謂「人望高處」,每次轉工時,打工仔都希望人工可以比前一份高,甚至可以升上更高的職位繼續發展。不過,有時總是事與願違,即使你有學歷、有經驗和有實力,轉工時人工沒有増加反被「壓價」的情況老是常出現。但爭取加人工或升職的心態不可以因此而改變,反正「東家唔打打西家」,總會有伯樂懂得欣賞你而不是你選擇屈就,有時只是時機未到而已。

4.提高職場的競爭力

在職場上,是有需要增加自身的「無法取代性」、提升職場競爭力。當你還是一顆未雕琢的鑽石時,是無法發光發亮,不會被人發現或重視;但當你是一顆已雕琢的鑽石時,別人定會發現你的好。因此,不斷創造屬於自我的價值,令自己成為有價值的鑽石是非常重要,這樣才可以職場上佔優。

5.了解行業的發展

職場如戰場,無論你從事那一個行業,都要了解自己所處的戰場。時代的進步促使了各行各業的轉型,很多職業都逐漸被人工智能AI所取代,例如文書及行政工作、文字創作等。人工智能出來「搶飯碗」,變相你的專業或專長還被需要嗎?可以在一個行業打滾多久你是需要知道的。

年尾博加人工 7個有效方法

要老細出錢真係好難架!嗰個伸手去銀包拎錢出嚟嘅三秒動作,對於一眾老細嚟講難過奧運舉重,當佢真係拎咗出嚟嘅時候,哪怕只係一點點,佢都覺得好似贏咗奧運獎牌咁值得歌頌佢自己!不過所謂關關難過關關過吖嘛,香港人最叻就係創造奇蹟,等小編教你7招點解創造要老細加人工呢個奇蹟中嘅奇蹟啦!

1. 俾說話你老細聽

有時講開買乜乜嘅時候,可以輕輕帶句啲嘢好貴呀、生活艱難咁,俾啲hints你波士知道你想加人工。不過呢,呢招只適用於啲唔縮骨嘅波士,而大部份波士其實都好縮骨,九成九即刻側側膊扮聽唔到就算。

2. 直接同波士講你想加人工

其實你都心知肚明你波士係個咩人,第一招響佢身上嘅成效有幾大。所以與其旁敲側擊,不如你直接出擊。加人工嘅嘢,其實只要你夠薑就可以提出。不過需要注意嘅係,你夠薑都好你都要有啲自知之明,如果你一向返工又唔係準時、做嘢唔係100%有交帶、成績又唔係特別好,咁就閉門磨練一段日子先啦……

3. 整個PORTFOLIO俾自己

將平時自己做得好、波士讚你嘅嘢儲起佢整理好,到時到候就拎出嚟同老細傾,作為你要求嘅有力理據。呢招唔單止嗌加人工啱洗,甚至要求升職、或者搵下份工都非常啱用,可以深深impress對方,留下好印象。

4. 用數據證明你UNDERPAID

到底出邊公司出緊咩條件俾同你同一個職位嘅打工仔呢?不妨做多啲功課,上吓各大求職網了解一吓行內嘅趨勢,摘錄低啲數據資料,整理一下再展示畀你波士睇,以數字證明你係underpaid,須要加人工,否則遠走高飛。

5. 唔好咁易耳仔軟

老細緊係想節省成本,如果唔係你都唔洗自己開口啦。老細永遠有一萬個理由唔加人工俾你:市道差、生意差、上面唔開心、佢唔開心…… 總之點都係想耍走你,佢差嚟差去嘅時候你要強調自己加人工嘅理據。怯,你就輸了。

6. 問老細加人工要求係咩

不過,有啲老細就好好耐性,同你耍足個幾鐘太極都唔肯加。呢個時候你再糾纏落去都無用,不如開宗明義問佢到底要達到咩條件先會加畀你。不過記得企硬問清問楚,唔好畀老細又蒙混過去,否則下次都只會又有其他原因耍走你。而如果你老細同你提出一啲無理要求嘅話,你要諗清楚係咪時候轉工喇。

7. 加唔到人工都要老細應承你一啲要求

放假又好、加津貼都好,總之加唔到人工都要拎返啲嘢走!如果你可以無條件投降嘅話,俾老細覺得你易恰,繼續要你無條件應承佢一啲苛刻嘅要求。為自己爭取返啲bargaining power,唔好輕易屈服,你要記住你係嚟make a deal,唔係嚟plead佢嘅!

 

 

延伸閱讀:

唔使用粗口 10句不失霸氣的鬧人英文