我40歲人工$16,000 好輕鬆  供滿一層樓 另一層搵人供|網民熱話

我40歲人工$16,000 好輕鬆 供滿一層樓 另一層搵人供|網民熱話

網民熱話・人工】我唔知做咗成廿年嘢,人工都仲係搵萬幾嘅人多唔多。我亦唔知40歲人嘅人工只係得$16,000算唔算無出色,同埋到底夠唔夠用。
撰文:不覊 | 圖片:新傳媒資料室、電視截圖、unsplash

返足六日工的毒男

我有個老友就係一個活生生例子,佢係我中學同學,嗰個年代唔係人人都讀到大學,就連HIGH DIP 都唔易入。

老友由細到大讀書唔叻,讀完中學就無繼續讀書,出來社會工作。

佢個人可以話係冇乜事業心,佢喺工廠區搵咗份文職做,都係做啲下欄工作。

人工, 供樓, 嘉湖, 毒男, 員工, 單位

佢話我知當時入職人工同而家啲後生仔一樣,都係$10,000左右,但就返足六日工。

佢可以話係當年的毒男,唔出街朋友唔多識女仔就更加難。

人工, 供樓, 嘉湖, 毒男, 員工, 單位

人工, 供樓, 嘉湖, 毒男, 員工, 單位

打基層工開支唔大

佢住公屋,老豆老母都有嘢做,雖然都係打基層工,但由於開支唔大。

三個人搵錢三個人使,加上租金平,老友基本上唔使點俾家用。

即係一萬蚊人工佢自己花,頭先講佢係毒男一名,平日嗜好都係打機,又唔出街。

人工, 供樓, 嘉湖, 毒男, 員工, 單位

人工大半份可儲起

加上食屋企住屋企,佢每個月有成大半份糧可以儲起。

佢做咗嘢6、7年,儲到啲錢,當時樓價冇家陣咁高,又冇咩辣招,最正係當年沙士過咗冇耐。

即係04年左右,百零萬已經可以買到個細單位,加上佢老豆老母幫吓佢手,佢好快上到車。

人工, 供樓, 嘉湖, 毒男, 員工, 單位
圖片:新傳媒資料室

死慳死抵供甩層樓

為咗盡快供甩層樓,佢就更加慳上加慳,一年半載儲到舊錢就用來還按揭,佢最終死慳死抵,5年時間供甩層樓。

嗰時大約2009年,已經供甩咗層樓。

佢有個同事同佢講,趁後生買多間樓啦。

人工, 供樓, 嘉湖, 毒男, 員工, 單位
圖片:unsplash

當年佢見天水圍嘉湖山莊 500 呎單位都係$150萬有找,啱啱佢老豆退休有舊錢,於是把心一横買多個單位。

之前供滿嗰個單位自住,呢間就租出去等人幫自己供,條數其實真係好簡單好划算。

人工, 供樓, 嘉湖, 毒男, 員工, 單位
圖片:新傳媒資料室

人工, 供樓, 嘉湖, 毒男, 員工, 單位

撞啱時機就無敵

今時今日,佢自住嗰層市區樓已經市值600幾萬,嘉湖嗰邊雖然近排屋苑大劈價,但都仲值500幾萬。

而我呢個老友,繼續返佢份文員工,已經冇乜升職機會,而佢份人亦冇乜上進心,每年老細加佢 5 個巴仙,有好幾年甚至冇得加。

到時今日,人工雖然只得 $ 16,000,年紀亦4張,但佢完全唔使擔心。

朋友的故事有乜啟示?我唔識講,只能講香港呢個畸型社會,你夠運撞啱時機,就無敵。