2019考慮辭職轉工必睇 15個最難頂的公司潛規則 | 職場制勝

2019考慮辭職轉工必睇 15個最難頂的公司潛規則 | 職場制勝

職場制勝・轉工】公司規矩定出來總有原因,但是否合理見仁見智。老細多數覺得自已想出來規矩是「有根有據」,可以提高員工效率,公司業務一定蒸蒸日上!

撰文:SmartED編輯部|圖片:unsplash、電視截圖

作為打工仔,你無權無勢、又遇著不肯聽意見的老闆,除了轉工外,唯一可以做是「硬食」!以下15條令人崩潰的公司規矩,睇完最多都是呻一呻,接著只有繼續做。是否令人崩潰呢?

01 | 每次去廁所唔可以超過 X 分鐘

網上曾瘋傳咗張員工守則,每日只可以去廁所 4 次,夾埋仲唔可以超過 15 分鐘。

求神拜佛唔好食錯嘢,搞到個肚唔舒服啊,唔係你幫自己包片算啦!

02 | 有限度上網

公司會 Block 咗某啲網站,好似 Facebook 、 YouTube 咁,怕你掛住上網疏忽職守。

咁都係啱嘅,你臨瞓前睇 Facebook 都碌碌下碌成個鐘啦,公司咁多嘢等你做,邊有咁多時間俾你碌先?

只不過喺唔睇新聞,齋靠 Facebook 了解世界嘅年代,真係好唔幾方便!(要娛樂,用咩方法都可以,Block得幾多?)

轉工 公司 員工 業務 打工仔 職場制勝
圖片:unsplash

03 | 遲到要扣錢

聽過有啲公司 Policy 係遲到 1 分鐘扣 1 蚊,如果遲到理由唔合理,責任制嚟講扣錢都好正常。

有啲朋友住新界西,朝朝要過海返工,已經預 2 個鐘頭搭車,但都撞正巴士塞車、港鐵延誤,咁老細又點睇?

 04 | 放工或放假都要即刻覆 MESSAGE

呢點相信大家都唔陌生,有網友仲話加入咗 Whatsapp Group 之後就冇咗放工時間。

入得 Whatsapp Group ,即係你同老細嘅距離拉近咗啦,咁佢諗到新 Idea,想你「幫手」跟跟,你冇理由托手踭!你唔應機?老細第 2 日就問你:「我見你 Online ,做乜扮睇我唔到?」

轉工 公司 員工 業務 打工仔 職場制勝
圖片:unsplash

05 | 建議你放棄興趣,將工作放喺第 1 位

一心唔能夠二用,放咁多時間行街睇戲畫畫唱歌做手工………不如後生專心工作先?

就咁聽好似好有道理喎!但星期一至日都對住公司嘢,除非你極鍾意你份工,如果唔係有乜可能唔崩潰?

06 | 指定衣著打扮

要畀個好印象服務客人,專業啲斯文啲無可厚非。但點解唔駛見客都規定要化濃妝,唔畀著波鞋?

又或者著西裝點解一定要著埋外套?想大家統一衣著打扮,點解唔整套制服就算?

轉工 公司 員工 業務 打工仔 職場制勝
圖片:unsplash

07 | 返工時間要熄電話

原因都係想大家工作期間不受影響啦,雖則員工們都唔希望有咩突發嘢要聽電話,但意外嘅嘢話唔埋,萬一有乜事邊個負責?

係咪老細你負責呀?唔係唔係, Sorry ,我自己負責返。

08 | 唔准佈置工作檯

打工仔 留喺公司嘅時間仲多過喺屋企,想佈置吓個位等自己返工開心啲?

老細就覺得整齊好重要,工作檯最好連 Memo 紙都冇,乖乖哋放工嗰陣擺返晒啲水杯日曆入櫃桶啦。

09 | 唔俾傾偈

一個安靜嘅環境先可以令員工專心完成手頭工作(好似係),所以最好就唔好傾偈啦。

你會話:「老細,傾公事咋!」冇㗎,老細分唔到公私事㗎,分到佢就唔會用私人時間搵你做公務啦,係咪咁講啊?

轉工 公司 員工 業務 打工仔 職場制勝

10 | 明明個個都係香港人,內部 E-MAIL 都唔俾用中文

咩呀香港國際大都會嚟㗎,我哋又係國際公司,畀機會員工多啲有英文有乜唔啱?

啱嘅,但老細我嘅母語始終唔係英文,你唔介意我用些少 Konglish 或者會錯 Grammar 就得㗎喇!

11 | 要不定期同上司一齊食飯,了解工作進度

呃………老細食件雞吖,個 Project 而家呢就咁咁咁。(嘩,齋諗到個畫面都已經好尷尬)

轉工 公司 員工 業務 打工仔 職場制勝

12 | 開會一定要最少講 1 次嘢

我同意 B 同事嘅講法。同事 A 你覺得呢?經歷完公開考試都仲有小組討論環節,好崩潰啊!

13 | 喺公司範圍唔畀講粗口

可能就要睇你做邊行喇,做傳媒行業呢,點都有幾句旁身。

聽聞做教育版嘅同行因為成日要同校長、學者等人見面,所以 1 句粗口都唔講得,一講即炒。

轉工 公司 員工 業務 打工仔 職場制勝
圖片:unsplash

14 | 彩色影印(就算只得 1 張)要老細批准簽咗名先畀印

細公司資源有限,適當地節流好正常。但一張彩色影印都要問准老細,似乎就煩咗啲。

老細日理萬機,等佢簽名分分鐘等到2046,小員工可以點?一係唔印,一係屋企印完拎返公司囉……

15 | 買公家嘢一定要用現金畀,用八達通或者信用卡就冇得 CLAIM 錢

比較多出現喺教育界,做老師嘅可能會有多啲共鳴。好似話係因為教育局批公帑,所以唔容許電子貨幣交易,費事又要顧埋啲積分咁話。

係咪愈睇愈不解?但唔好笑啊,真係有人經歷緊!以上規則可能只係冰山一角,更離譜嘅都有,只係未有人爆出嚟咁解。咁打工仔可以點做?

試吓反映囉!如果反映完都冇用?唔…我都唔知啦,你覺得呢?

轉工 公司 員工 業務 打工仔 職場制勝
圖片:新傳媒資料室

10個完美員工特徵

一樣米養百樣人,在同一間公司裏共事,存在著各式各樣的人。在你身邊,總有些同事或上司是十分受人歡迎的,也許因為他們擁有以下10個完美員工的特徵,跟這些人共事,總讓人感覺愉快。

你身邊有這樣完美的同事嗎?還是你自己本身已經是個完美上司或同事?

1. 說話不多

這些員工知道,會聽比會說重要,因為只有專心聽人說話,才能學習新資訊。

2. 清楚知道自己強項

不僅知道自己擅長的東西,而且能被任何有趣的事情所吸引,思路較闊。

轉工 公司 員工 業務 打工仔 職場制勝
圖片:unsplash

3. 玩還是工作都能100%投入

他們明白「Work hard, play harder!」的道理。

4. 參與社交

這是學習新事物的渠道,但不是所有社交場合都會出現,選擇性社交。

5. 被人讚賞也不沾沾自喜

即使他們不時被人稱讚自己聰明,但從不為此沾沾自喜,也不過於表露。

轉工 公司 員工 業務 打工仔 職場制勝
圖片:unsplash

6. 能平衡家庭、事業和個人興趣

雖然工作忙碌,但卻懂得平衡生活,能夠同時兼顧家庭、事業和個人興趣。

7. 不會為炫耀而施展某些本領

非不得已,不會展現自己所有技能。

8. 你猜不到他受教育狀況

除非你能看到他的簡歷,他們大多接受多方面教育。

轉工 公司 員工 業務 打工仔 職場制勝
圖片:unsplash

9. 他會讓團隊變得受歡迎

深明功勞並不是個人的,除了會跟團隊分享功就,更會讓自己的團隊變得受歡迎。

10. 長期面帶微笑

即使事情不順利,他們也面帶微笑,因為他們知道想到解決辦法的重要性。

轉工 公司 員工 業務 打工仔 職場制勝 公司 上司 同事 工作 職場技巧 人際關係
圖片:unsplash

相關文章