同事年尾「清大假」幫你做嘢唔緊要 最緊要有…|職場

同事年尾「清大假」幫你做嘢唔緊要 最緊要有…|職場

每逢第四季、臨近年尾,各同事都紛紛「清大假」。每年呢幾個月,幾乎每星期都有同事去旅行,公司零食櫃堆滿同事買返嚟但無人鍾意食嘅手信。
撰文:藍橘子 | 圖片:unsplash

同事「清大假」要有交帶

有同事放假,代表需要其他同事捱義氣幫手頂替工作。

但大佬啊!幫你做嘢唔緊要,但可唔可以有少少交帶呢?

我公司有一位同事,佢平時返工工作表現唔錯,好快手亦好少出錯。但係佢一放假,各位同事就開始頭痛!

工作 身體 壓力 職場
圖片:unsplash

喺佢放假前一星期,成班同事已經好似輔導員咁走過去問佢:

「有冇嘢幫你啊?」

「如果有嘢你放假需要幫手,記住出聲喎~」

「做唔晒唔緊要,交低畀同事就可以喇。」

每一次問佢,佢都答:「我搞得掂!」

結果一到放假,所有問題就浮現晒出嚟。

經常會有客人打電話嚟問嘢,又或者幫佢執手尾。

政府統計處 訪問員 面試 非公務員職位空缺
圖片:unsplash

同事放假嗰個星期,我每日都好似偵探咁。

一收到電話,就走埋去佢座位搵佢櫃桶、搵佢嘅文件、追尋佢啲E-Mail…

拎起一疊文件,逐份追查返來龍去脈,花費我極多時間。

終於,我忍唔住打長途電話畀佢,因為客人發晒脾氣,又唔肯講清楚發生咩事。

有時遇著呢種只想搵人嚟發洩,捉住你把柄狂鬧,又唔幫手解決問題嘅客戶真係命都短幾年。

退休生活 退休 儲蓄 生活成本 持續進修
圖片:unsplash

喺我瀕臨崩潰嘅時候,放假呢位同事竟然講咗句:「我喺遊樂場啊~你搵返啲mail睇啦!上面有晒電話號碼,我寫得好清楚…」

講完呢句,佢Cut咗我線…

圖片:unsplash
圖片:unsplash

最後,一個好簡單嘅問題,花咗我全日時間去解決。

臨近放工,我先可以返埋位,自己嘅工作都未做過。

一星期後,放大假嘅同事終於返嚟。

我好想走過去鬧爆佢,就算佢買咗日本士多啤梨做手信,都彌補唔返我嘅精神損失!

不過,我始終無咁做…

因為,佢放完假就輪到我,我仲要拜託佢幫我手…

小資金 大藍籌 月供股票 銀行 證券行
圖片:unsplash

消費越多,回贈越多!渣打Simply Cash Visa卡全年無上限高達2%現金回贈!

延伸閱讀:

買公用股穩陣收息 首選逾5厘息電能 原因係…

同事年尾「清大假」幫你做嘢唔緊要 最緊要有...|職場