東涌新盤買得過?

東涌新盤買得過?

朋友:「有冇入飛抽東涌個新盤?」
筆者:「冇呀,你想抽咩?」

朋友:「我朋友喺Facebook吹到話一定要買!」
筆者:「你諗住投資定自住?」
朋友:「梗係投資啦,咁遠,我又唔係返機場。」
筆者:「投資?咁你諗住賺幾多呢?」
朋友:「我朋友話楂一、兩年,起碼賺一、兩百萬。」
筆者:「點解佢會咁講呢?」
朋友:「咁又唔知喎,好似話嚟緊有好多基建。」
筆者:「港珠澳大橋?」
朋友:「咪係囉,應該對區內發展有幫助。」
筆者:「今次開盤唔平,再賺一、兩百萬元,咪仲貴過市區?」
朋友:「咁有基建吖嘛﹗」
筆者:「大晒咩?你自己都覺得遠,唔願入去住啦。」
朋友:「咁又係﹗你覺得呢?值得投資嗎?」

肇者:「供應太多,唔識睇﹗」

港珠澳大橋是近年最矚目的基建項目之一。除此之外,東涌還有很多基建項目,包括機場第三條跑道、多個填海計劃等等,如果項目一一落實,筆者相信可以帶動東涌發展。然而,這是否代表可以帶動區內樓價呢?還要考慮很多因素,首先筆者想分享的是基建本身的性質。

東涌供應量將大增

首先,隨着基建發展,東涌供應亦會大增。根據資料顯示,東涌有多個填海計劃,當中包括興建多個公營及私營房屋項目,預計未來供應量逾50,000伙,可容納人口超過15萬,如果消息屬實,對投資者來信未必是一個好消息。

就正如當年的將軍澳新區,相信大家去睇過樓都應該聽過代理說,甚麼千億規劃、第二個太古城等等。無可否認規劃及發展確實很有霸氣,然而如果供應量多,新盤推完一個又一個,千多伙、千多伙的湧出來,叫價一定不會太高,整體樓價亦會受壓,一樣會跑輸大市。

照睇東涌未來供應量不會少,會否是另一個將軍澳呢?將軍澳旁邊,尚且有發展漸趨成熟的東九龍工商業區,東涌除了機場還有甚麼呢?

新盤售價不便宜

其次,今次新盤開價不便宜,附近的選擇很多。新盤開價呎價逾11,000元起,最新一批已經貼近12,000元起了。

東涌是一個新市鎮,很多屋苑都只有幾年樓齡,規模很大,供應量亦很多。今次的新盤距離地鐵站比較遠,旁邊的屋苑映灣園、昇薈等呎價仍然未過萬,新盤高出不少。

另外距離地鐵站比較近的藍天海岸、海堤灣畔等,呎價雖然比較高,但仍然比新盤低,換句話說,整個東涌,可以選擇的屋苑很多,有比較近的,也有比較便宜的,新盤有甚麼明顯的競爭優勢呢?

筆者又唔係話新盤價錢一定唔升,只係睇唔通。今天樓價在高位徘徊,未來大市走上還是走落真係好難講。

筆者今年都有買樓,但選擇的都是供應比較少的舊區,還有價錢都會揀一些比附近成交便宜的單位,覺得這樣會比較安全。不過新樓又真係有吸引之處,如果有閒錢,筆者亦不反對,好過炒股先啦!

(圖為東涌新盤昇薈示範單位)