成功轉工的10個步驟 +5個轉工常犯的嚴重錯誤

成功轉工的10個步驟 +5個轉工常犯的嚴重錯誤

文:浩德

想轉工甚至轉行的原因有很多,通常都是對現有工作感不滿、工作內容或人事關係出現問題,又或者預計新工作會令你更感興趣。但一般人考慮轉工,都是以能否有更高薪金、更穩定的工作環境,或是新工作是否有更多或靈活的時間運用作為考慮因素。

但做出轉工的決定之前,最重要的是先要花點時間評估一下自己的現狀,亦即睇下自己有「幾多料」以及「有咩工你可以揀」,自己的興趣、是否有能力轉工、是否能勝任新工作都要考慮清楚!

成功轉工的10個步驟

1. 評估自己目前的工作滿意度

記低你對工作情況的日常反應,仲有係因咩事有呢個反應,出現嘅頻率。記低而家嘅工作邊方面係你鍾意同唔鍾意?你嘅不滿同你嘅工作內容、公司文化或同你一齊工作嘅人有冇關?

2.評估自己的興趣,價值觀和技能

要了解自己嘅優點、以往有咩出色嘅工作表現,以確定乜嘢係自己最有把握嘅工作。了解自己嘅核心價值和技能可以有助你知道係咪可以勝任新工作。

3. 聽取家人、朋友意見

除咗「自我審查」外,同朋友、家人,了解你嘅同事一齊傾下,聽下佢哋嘅意見都好有用,因為有時「當局者迷,旁觀者清」,其他人可能會更有效幫你分析形勢。

4. 評估該行業的前景

不要純因為想轉換工作環境而「跳槽」,除了評估目前工作的情況外,也應評估新工作的實際情況及前景,例如明知該行業已屬「夕陽工業」,那就不要強行轉去該行業。

5. 上網查詢職業行情

對有興趣的新工作進行初步的比較評估,現今資訊發達又快速,基本上隨手Google一下你感興趣的工作,已經可以即時搵到相當多嘅實用資訊。

6. 向相關職業的人了解實際情況

正所謂:「朝中有人好辦事」如果新工作單位有認識的朋友,就可以預先了解確實的工作情況。例如可向大學同學詢問他們的就業情況,LinkedIn也是找特定職業聯絡人的不錯途徑。

7. 試一試先

如果從未做過相關行業,可以先找相關行業的Part Time或是Freelance工作先試一試自己是否感興趣。例如有興趣加入傳媒業,可以先試Freelance形式的記者或編輯工作;如有興趣與動物一起工作,可以到非牟利機構先當義工。

8. 報讀相關課程

若有興趣的新工作是自己從未接觸過的行業,可選舉先報讀相關行業的短期課程,可以是兼讀或晚間的短期課程,以增強對相關職業的認識。

9. 進修自我增值

找方法加強現時工作中的技能,例如公司提供內部培訓,就應盡可能多些參與,讓自己持續進修,增強自己的競爭能力。

10.考慮同行業的新工作

考慮你現有行業中的其他職位,因為你可以在同行業的新工作中運用到本身已有的行業知識。例如你本來是攝影師,可考慮轉行做攝錄師,將自己已有的拍照技術運用到拍片之上。

轉工從來都不是一件易事,但每日都在發生!根據the University of Phoenix School of Business近日一項調查就發現,有59%成年在職人士表示他們有轉工的想法。

不過,無論你是單純討厭現有工作,或是想有一個全新的工作環境,除了要先考慮以上10個成功轉工步驟外,想「跳槽」的打工仔亦要留意避免在轉工不小心犯了下列7個最嚴重的錯誤。

1. 做輕率的決定

改變職業之前,應該深入了解你點解想離開而家份工。問自己點解唔開心?你嘅唔開心可能只係短期,或者可能只是純粹討厭你老闆,而唔你嘅工作。

2.只根據薪金選擇新工作

呢點相當重要,係大家轉工時好易犯嘅錯。好多人轉工首要考慮人工,但係工作得開唔開心、有冇喺工作上得到滿足感,工時甚至時間係咪彈性其實都應該列入考慮點。之但係,如果新工作嘅人工比目前份工相差太遠,低太多,都應該要考慮清楚。

3.無研究新工作嘅就業市場

要知道自己嘅能力係咪同新工作匹配。否則,武斷轉工係一件非常危險嘅事。轉工前必須先了解清楚相關行業嘅實際就業情況、前景,否則中伏機會極高。

4.裸辭轉工

有研究指,當你仲有工作在身時,搵工會比較容易,因為CV上嘅工作時序若有太長時間的「真空期」,會令新僱主的顧慮更多,所以盡量搵到新工先辭職會令你有較大優勢。

5. 唔好忽視你嘅人際網絡

「識人好過識字」可以適用於大部分情況,轉工時亦適用。所以,當有機會認識不同工作領域嘅人時,應該好好利用機會了解相關行業嘅知識、最新行情,轉工都易啲,而且通常有人介紹,都易啲搵到好工。